طقطقة فى العدل انا يئست خلاااااااااااص

[dreammate]

سلامو عليكم
ازيكم جميعا
انا خلاص جبت اخر من حياااااااااااتى ومن العربية دى
الاول كان فى طقطقة فى كل الاتجاهات لحد ما الكوبلن الناحية اليمين اتفرط
بعدها شديت العربية وديتها التوكيل
غيرولى الكوبلن اليمين
وقالو الشمال محتاج يتغير
قلت اكيد نصابين ف عملت اليمين بس ومشيت
لقيت لسه فى طقطقة وتخبيط كدا تحت
رحت جبت كوبلن جديد من التوفيقية وجبت اكس استيراد وركبت الناحية الشمال زى الفل
فوجئت بقى ان لسه فيه طقطقة فى العدل
و مفيش الطقطقة فى الملفات نهائيااااااا
طيب جاية منين دى طيب محدش عارف ورحت لاربع ميكانيكية مختلفين وكله بيقول مفيش حاجة يا بيه
اعمل ايه طيب حد يفيدنى

[velkouf]

ممكن السبب يكون فى بلى العجل
خلى الميكانيكى يبص على بلى العجل ممكن يكون فية بوش او خشن وهو اللى بيعمل معاك صوت الطقطقة فى العدل

[amr elsisi]

احتمال كبالن داخلية

[sfgtrehk]

دى كبالن داخلية لازم تتعمل
هيا اللى بتخلى العربية تطقطق عالطوالى عالعدل

[dreammate]

انا شاكك فى بلى العجل ده بردو
هل من اعراضه انى اسمع صوت احتكاك كدا جاى من العجل وانا ماشى؟؟
اصلى بسمع صوت احتكاك ع الشمال كدا بيختفى لما اقف
وبعدين كنت عاوز اقول ان وانا فى التوكيل قالولى ان الشاسيه مفتوح ومهما ركبت كبالن جديدة هتعمل معاك الطقطقة دى
هل الكلام ده حقيقى؟؟
انا شايف انه لو الشاسيه مفتوح زى ما بيدعوا يبقى الكوبلن يطلع من مكانه انما ايه علاقة الشاسيه بالطقطقة هل اللى انا فهموا ده صح ولا ممكن الشاسيه فعلا لو مفتوح ولو حاجة بسيطة يعمل طقطقة من اول لحظة غيرت فيها الكوببلن؟؟
انا مش عايزهم يشتغلونى فى التوكيل

شكرا للردود بتاعتكم

[mama1979]

لو الشاسيه مفتوح يخلى البلى اللى جوا الكوبلن مشدود يعنى مش فى مكانه الصحيح وده سهل انه يبوش مكانه بسرعة ويبوظ الكوبلن كل ما تركبه