ارجو الاجابه : الرولمان بلي هيجننيي ؟

[Ahmed.Mas3ood]

انا عندي عربيه بيجو 106 ؟ كنت معير الرولمان بلي من سنه كده ؟ بعد ما غيرته ب 6 شهور البلي اليي في العجل الشمال بدا يعمل دوشه غيرت الشمال و اليمين و بعد 6 شهور كمان اليومين دول برجوا بلي العجل الشمال احتاج بتغير غيرته و انا عند الخراط لقيت السره منحوله المهم جبت سره استيراد سليمه و ركبتها و كبست البليه 4 ايام بالضبط و لقيت صوت فظيع في العجل الشمال و مش عارف من ايه و ليه ده حصل و ليه الجنب الشمال البلي بيضرب بسرعه ؟و هل انا محتاج اجيب مساعدين جديده ؟ لو سمحتو افيدوني ؟ هل نوع البليه مكنش كويس؟ رجاء الرد السريعععععع

[testtoto]

نصيحة من مجرب بلاش استيراد فى اجزاء العفشة يا ريت كلة جديد البلية والسرة وخد بالك ممكن يكون فى حاجات تانى بايظة فى العفشى وهى الى بتخلى البلى يضرب بسرعة (خلى بتاع الزاوايا يكشف على العفشة مش العفشجى)

[na3m977]

نفس الوضع عندى بلية فى الكوتش اليمين عملالى مزيكا فى العربية

[akmm]

اسمع ان بلى العجل كله دلوقتى مضروب ؟ حد يعرف اى نوعيه منه كويسه ونوعها ايه ومكان البيع .....نعرف

[mbx4e]

معلومه مفيده البلي لو الصره جديدة بتتغير مره والتانيه معاها الصره وطبعا جديده
من اللي يقدر يعرف حوار الصره المستعمله او القديمه كويسه ولا لا الخراط وهو بيكبس البليه على المكبس قبل مايكمل كبس هايلاقي البلي داخل قافش مش بيكبس بسهوله لو لقاها سهله معاه في الكبس يبقى كدا تغير صره وتكون جديده ولو الخراط كبس البلي في الحاله دي للاخر هتتضطر تجيب بلي وصره جديده الا لو خراط شاطر كبس براحه وعرف يميز ان الصره واسعه وماكملش كبس يبقى دا ابن حلال في الحاله تجيب صره وتكبس البلي تاني
اللي بيخلي الاصوات تتطلع او الصره توسع الاحمال اللي عليها بالاضافه لعدم زبط الزوايا والاتزان ( بعض العربيات العجل اللي ور ليه زوايا واتزان معين ) بالاضافه لارتفاع العربيه لازم يتزبط استاندر( اعرف حاجه اسمها وزن الكيرب لل 106 عشان تعرف تزبط الزوايا بشكل سليم منها انك لازم تبقى مفول التانك والارتفاع مزبوط ستاندر والكاوتش في حاله جيده وضغط الهوا يكون ستاندر)
الحاجه التانيه طريقه التركيب لازم تكون بشكل سليم
العفشه تاثر في حاله لو الحاله عندك مش قد كدا هاتسرع عمليه التاكل ونحل الصره والبليه
بالنسبه للبيجو والبلي ممكن تجيب من عند حد بتاع بلي ثقه عندك في وسط البلد
وممكن تجيب من حد كويس بتاع بيجو تاجر معروف بان حاجته كويسه مش مضروب بالنسبه لل 106 ارشح لك ادوار فريد في شارع رمسيس وللبيجو عندك النور في شارع بورسعيد من ناحيه السواح مابيشتغلش في ال106 بس حاجته نظيفه والبيجو في حاجات كتير متوافقه طالما معاك البليه القديمه
اهم شي مع تغير الصره بواحده جديده والبلي باخر جديد الاولسيه يبقى نظيف ونوع الشحم يبقى عالي الجوده والكبس يبقى سليم ( الحاجات دي لو اتعملت صح ممكن تقعد معاك فوق ال 5 سنين من غير تغير )

[ayam7]

لو بلى جديد وعمل صوت يبقى ممكن


1/نوعية البلى رديئة
2/ الخراط بوظ البلى أثناء الكبس
3/ الصرة محملة والبلى داخل ثقيل

البلى المضروب فى السوق كثير جدا والخراط ممكن يكون بيكبس على الرولمان بلى او الصرة الخارجية للبلى فبيبوظ او ممكن يكون ( شحط ) أكس الصرة فى البلى عالى ومع الدوران والحرارة الخلوص الداخلى للبلى بيضيع والبلى( بيفرط )