تحياتى الطيبة للمنتدى الجميل واتشرف بالإنضمام للاسرة الكريمة وكان ليا سؤال : هل يمكن تعديل عفشة عربية بعفشة عربية ماركة غيرها وايه اشهر السيارات المتشابهه فى فى العفشة او ممكن يتعمل عليها تعديل بسيط بدون مشاكل ولو حد عنده تجربة او سمع عنها ياريت يقول
X
-
قبل كده معملتش تعديل بس كان معايا بيجو 306 سيدان كنت بركب ليها حاجات كتير ستروين بس هما الأتنين كانوا زي بعض أصلا.
بس لو عايز تعمل تعديل بالذات للعفشه أنصحك دور فالمونرو و الكوني وهات المساعدين بالسوست هتفرق معاك كتير هتبقى انشف شويه بس بتديك ثبات على السرعه حلو جدا وكان صحبي مير عفشه للميجان 2 كامله و كانت فرقه جدا معاه
-
في شركات بتبقي متخصصه في عمل اجزاء من العفشه لمعظم العربيات زي ما الزميل قال لحضرتك ان من أشهرهم كوني و مونرو و تقدر حضرتك تدخل علي الموقع الالكتروني بتاعهم و تختار ماركه و موديل و سنه الصنع بتاعه عربيتك فيطلعلك الاجزاء اللي تناسبك مع كود المنتج و ده اللي تسأل عليها بيه عند اللي هتشتري منه و ده بيبقي اضمن حل لو مش هتبدل قطع الغيار بتاعه العفشه بزي اللي كانت راكبه فيها. كام نقطه بس عايز الفت نظر حضرتك ليها و هي انك تقرأ كويس المميزات اللي بيوفرها قطعه الغيار يعني مثلا بيزود الثبات بس بينشف العربيه او بيوطي العربيه شويه علشان تبقي عارف الفرق من اولها و تاني حاجه تتأكد من المصدر اللي هتشتري منه لان التقليد كتير مع الاسف و ما انصحكش تمشي ورا كلام بتوع العفشه اللي بيقولوا تركب اي حاجه من عربيه تانيه لان ده ممكن يأثر علي حاجات تانيه الا اذا كانت قطعه الغيار مشتركه و ده في احيان كتير بيبقي مكتوب علي قطعه الغيار او علي الكرتونه بتاعتها انها مناسبه لماركات و موديلات معينه و ممكن بالكود بتاعها تتأكد عن طريق الانترنت من صحه المعلومه قبل ما تشتريها
Comment
-
معظم اجزاء السيارة وارد تشابهها مع نفس الأجزاء في سيارات اخري
اهم الأشياء واللي هتسهل عليك كتير في البحث انك تبقي عارف تاريخ عربيتك وايه ممكن يتشابه معاها
ودة عن طريق انك تعرف اولا المنصة بتاعتها او بنسميها الPlatform ودة هيساعدك فيها اوي موقع ويكيبيديا
يعني علي سبيل المثال
المازدا 121 عربية منقرضة ونادرة وقليلة اوي في الشارع وبالتالي انا متوقع انها قليلة كمان في قطع الغيار
هنبحث عنها في ويكيبيديا هنلاقي الأتي
Mazda 121 - Wikipedia, the free encyclopedia
هنفتح من الصفحة دي بعض اللينكات وليكن الرابطين دوول
1- Ford Festiva - Wikipedia, the free encyclopedia
2- Autozam Revue - Wikipedia, the free encyclopedia
وبعد فتح اول لينك والخاص بالفورد فيستا (كدة احنا عرفنا ان الفورد فيستا هي هي المازدا 121 والكيا برايد)
طب تعال لتاني لينك والخاص بالمازدا اوتوزام
هلاقي فيه مكتوب المنصة بتاعتها Mazda D platform - Wikipedia, the free encyclopedia
وبعد البحث عن هذه المنصة List of Mazda platforms - Wikipedia, the free encyclopedia
هنكتشف انها تتشابه مع بعض المنصات الأخري المصنعة عليها سيارات اخري وبالتالي وارد جداً تشابه العفشة بتاعة المازدا 121 مع مثلا الكيا برايد او الفورد فيستا
وانا شخصياً لي تجارب مع السيات ابيزا ووجدت تشابه في اجزاء العفشة مع الأوكتافيا A4 ,ِِA5 والجولف 3 و4 والبورا وذلك لكونهم جميعاً نفس المجموعة
تحياتي
[CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
[CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]
[CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
[CENTER]
[COLOR=DarkRed]صفحة القسم علي الفيس بوك[/COLOR]
[/CENTER]
[CENTER][URL]http://www.facebook.com/SeatNileMotors[/URL]
[COLOR=Navy]صفحتي الشخصية
[url]https://www.facebook.com/ITNetworksWay[/url]
[/COLOR] [/CENTER]
Comment

Comment