العربيه بتحدف شمال

[aliyehia]

الاخوه الافاضل لما بدوس فرامل العربيه بتحدف شمال و طبعا شكي الاول اتجه للفرامل و غيرت الخرطومين يمين و شمال و اخدت هوا من المساتر و غيرت جوانات المسترين و لسه فيه الحدفه مع الفرامل و الميكانيكي جاب اخره رحت كشفت علي العفشه مافيهاش حاجه
الحاجه الوحيده الي اتعملت في العربيه في وقت قبل ظهور المشكله اني ضبطت زوايا و كان العجل لما اكسر يمين علي الاخر فيه حاجتين بيدقروا في بعض ( تقريبا الميزان مع المناول) و بتاع الزوايا رحل العجلتين الي قدام نصف سم علشان يبعد الحاجه عن بعضها و راحت الدقره
سؤالي بقي هل لو عجله كانت سابقه التانيه و لو ببعض مللم ممكن تكون سبب المشكله ولا افكر في انهي اتجاه
العربيه فيات 124 كوبيه
و شكرا

[amr khater]

عندي نفس العيب مع ١٢٨ بس مع الفرمله جامد بتحصل الحدفه

[aliyehia]

انا لاحظت بالنظر فعلا ان العجله اليمين مقدمه عن الشمال لان المسافه بين الرفرف و العجله اليمين قدام اقل منرالناحيه الشمال و بكره حوديها لبتاع الزوايا يظبطها و ان شاءالله يكون ده السبب و لما اخلص حاقولكم للافاده

[ehab assl]

المشكلة بسيطة خالص العربية نفسها فيها حدفة شمال وذلك بسبب ان العجلة اليمين سابقة العجلة الشمال والاصول الاخ الى عمل ضبط زوايا كان ضبط لك زاوية الكاستر فى العربية .

[Abo_Mazen]

بس حدفه مع الفرامل ..يبقى دي مشكلة فرامل ..تأخير عجلة عن التانيه ده يعمل حدفه معاك في المشي العادي مش في الفرامل

[ehab assl]

السلام عليكم اخى الكريم يعنى من كلام حضرتك لايوجد حدفة شمال والسيارة ماشية من غير ما تضرب فرامل .فى هذه الحالة بيكون السبب ان العجلة الشمال بتمسك اكثر من اليمين ويكون السبب ياما خرطوم الباكم اليمين به وساخه ومكتوم . او الطنابير فى الشمال بها خطوط خشنة تسبب ان الشمال يمسك اكثر من اليمين

[esamahmed]

متابع