If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
الـCoilover هي ببساطة اختصار لكلمة "Coil Over Damper".. يعني سوستة متركبة على المساعد.. زي فكرة تعليق ماكفرسون..
أعتقد تركيبها سهل جدا.. لإنك بتشيل المساعد القديم وتحط مساعد جديد بسوستة (في العفشة الخلفية بالذات).. وطبعا بتستغنى عن السوستة الأصلية.
الميزة الأساسية فيه إنك تقدر تعمله Tuning عالي قوي لإن السوستة راكبة على قاعدة متحركة على سن قلاووظ... فتقدر توطي العربية لو عايز .. وطبعا هتزود قوة السوستة..
ده طبعا غير المساحة الصغيرة اللي واخداها.
فيه منه بعض أنواع تقدر تركب عليه سوستتين.. واحدة قوية والتانية ضعيفة... بحيث العفشة ما تبقاش ناشفة إلا ساعة الحاجة..
بيقولوا إن أكبر عيب فيها هو عمرها القصير (المساعد بالذات) مقارنة بالسوستة والمساعد المنفصلين.
للأسف معنديش فكرة عن أماكن البيع.. بس إن شاء الله حد من الزملاء يفيدك.. وأعتقد لو تعمل الموضوع ده في قسم التعديلات في المنتدى ممكن تلاقي الرد بسهولة هناك
Comment