المساعدين الجديدة أحسن ولا الأستيراد

[angel_man100]

ايه رأيكم ياجماعة فى المساعدين الأستيراد
هايشتريهم واحد عفشجى معرفة قريبة جدا وقالى ان المساعدين الأستيراد احسن من الجديد عشان الجديد كله مضروب وقالى هاجيبلك حاجة على الفرازة وهانزل معاه كمان ايه رايكم ؟
العربية : 128
والمساعدين الجديدة الناعمة بكام وأى ماركة افضل
والمساعدين الأستيراد فى حدود كام
واسف للأطاله
ملحوظة (المساعدين الأمامية)

[ihab]

انا معنديش فكرة عن اسعار المساعدين بس الجديد اكيد افضل من الاستيراد لانهم حتى و لو كانوا مبدئيا كويسين اكيد مش حايبقوا عمر بعض و بعد وقت حايظهر تاثيرهم
بالاضافة الى ان المساعدين لما تبقى تعبانة خصوصا الامامية ممكن تبوظ الفتيس و المقات و الكبالن و علبة الدركسيون و تأكل الكاوتش كمان

[ameen_ra]

انا معنديش فكرة عن اسعار المساعدين بس الجديد اكيد افضل من الاستيراد لانهم حتى و لو كانوا مبدئيا كويسين اكيد مش حايبقوا عمر بعض و بعد وقت حايظهر تاثيرهم
بالاضافة الى ان المساعدين لما تبقى تعبانة خصوصا الامامية ممكن تبوظ الفتيس و المقات و الكبالن و علبة الدركسيون و تأكل الكاوتش كمان

القديم عديم بلا وجع دماغ

[Ahmad]

جديد أحسن. بلاش تجيب أي حاجة في العفشة مستعملة.
معنديش فكرة بصراحة عن أنواع و أسعار مساعدين ال 128. بس أنا فاكر أن فيه مساعدين إيطالي في السوق , وأعتقد دول أحسن حاجة.

[samirayad]

القديم عديم بلا وجع دماغ

+ا......معاك على طول ياريس....خلينا فى الجديد

[angel_man100]

شكرا ياجماعة على ردكم
بس أية افضل ماركة بس تكون مريحة وناعمة فى المطبات وسعرها كام

[ameen_ra]

+ا......معاك على طول ياريس....خلينا فى الجديد

حبيب قلبي
وحشني ..... ازيك ...ربنايبارك لنا فيك

[samirayad]

حبيب قلبي
وحشني ..... ازيك ...ربنايبارك لنا فيك

الله يبارك فيك...على ذوقك.....وفعلا مامحبه الا بعد.....ومش حقولها ....علشان الكلمه الوحشه دى أساسا مش موجوده....لا عندى ولا عندك....

[hany_suez]

الجديد جديد يا باشا

[aYaBooY]

مساعدين ال 128 جديد الجوز ب 400 ل 430 امامي و الاستيراد ب 150 الجوز هواء مش زيت و القديم بيتباع لبتاع المساعدين او العفشجي في حدود 30 ل 50 جنيه و عموما الجداد المنروه كويسين و فيه انواع بتلاقي توكيلاتها في التوفيقية بيدو عليها ضمان لمدة سنه و ديه معلومة شوفتها في تعليق لحد هنا في المنتدى و اعتقد لو حاجة عليها ضمان تكون افضل و عموما انتا لو العربية معاك رشة حوض ممكن تجيب الاستيراد و توفر فلوسك لحد ما ربنا يسهلك و تخلص منها

[nabaster]

القديم عديم بلا وجع دماغ

+10000000000000
بلاش في المساعدين تجيب استيراد ولا اي جزء في العفشه عموما ما عدا الكبالن في بعض الموديلات انصحك تجيب استيراد متجبش جديد

[karmoty]

شوف يا استاذ angel_man100

أنا رأيي لو هو ثقة أوي فهو عارف أكتر مني ومنك لأن ديه شغلته بس أنا عن تجربة شخصية إتقالي نفس الكلام بس العفشجي جابلي مساعدين(ريفي) إستيراد وهو جميل بصراحة لأنه بيتملي تاني وانا جبت اتنين ب120ج بس عيبها انها بتتملي كل سنة تقريبا غير كدة بأة ماأنصحكش تجيب إستيراد من نوع تاني.