مافائدة هذه المسامير ؟؟؟؟؟؟؟؟؟؟؟

[Ahmad_Nawwara]

يوجد بالسيارة مايسمى بالبطيخه (لاأدري صحة الأسم) وهو مايكون أعلى الكاوتش الأمامي من داخل حوض الماكينه .. هذه (البطيخه ) يوجد بها ثلاث مسامير .. يقال انها لتثبيت المساعدين !!! هل هذا صحيح ؟ وهل لو فقد مسمار او اثنين منهم يكون لذلك تأثير على السيارة ؟؟
أرجو الأفاده ولكم جزيل الشكر

[Ahmad_Nawwara]

المسامير المقصودة هي المشار اليها بالأسهم السوداء في الصورة

[NaderNabil]

هي مش البطيخة....هي اسمها البطاحة.:)..

و ده الجزء اللي موجود في حوض السيارة فوق العجل الأمامي و يتم تثبيت المساعدين فيه...

طبعاً مهم جدا تثبيت المساعدين بال 3 مسامير دول...و إلا هاتسمع خبط و ترزيع لأن المساعد هايبقي سايب من مكانه

و المسامير دي بتتباع عند بتوع قطع الغيار...و لونهم بيبقي دهبي

[samirayad]

المسامير دى يا أخى لتثبيت الركبه نفسها مع بدن السياره..

-والأسم البطاحه وليس البطيخه

-والثلاث مسامير بتضمن حدوث أتصال جيد بين الركب والبدن لتعليق السياره وضمان أنتقال القوى الناتجه عن التعليق من البدن للعجل والعكس..........

-ويمكنك السير بعدد2 مسمار مؤقتا لحين توفير الصاموله الثالثه

- ويلزم أن تكون المسامير مربوطه بأحكام لضمان جودة أنتقال القوة من البدن للعجل والعكس

[Ahmad_Nawwara]

أشكركم كل الشكر على المعلومات القيمه ومعذرة لكتابة الأسم خطأ .. معلش جهل مبتدئين بقى

[samirayad]

أشكركم كل الشكر على المعلومات القيمه ومعذرة لكتابة الأسم خطأ .. معلش جهل مبتدئين بقى

انت تأمر يا أستاذ/أحمد......ومتقولش كده....كلنا بنتعلم ياريس......

[Ahmad_Nawwara]

أشكرك ياباشمهندس سمير .. كلك ذوق
معلش .. سؤال كمان !! طمع بقى .. هههههه ... ممكن امشي قد ايه كده من غير مسمار او اتنين .. وهل تركيب المسمارالمفقود صعب وفيه مشكله ... ودي شغلة العفشجي ولا السمكري ولا الميكانيكي ؟؟

[samirayad]

الله يخليك....هى مش مسامير أساسا.....دى جوايط راكبه على الركب(بيتم تجميعها مع الكارتيره (الجزء المجوف اللى بتركب فيه من أسفل).....بثلاث صواميل.....

- وممكن تمش بأثنين فقط وقى أسرع وقت بتروح لأى عفشجى أو ميكانيكى يركب صاموله.....أنما ما أنصحكش تمشى بواحده فقط لأن ممكن تعمل مشاكل وتبوظ الجوايط وتبقى ليله.................

[Ahmad_Nawwara]

أشكرك جدا ومش عارف اقول لك ايه !!
الوضع بالضبط عندي كالآتي : كل بطاحه بها المفروض ثلاث مسامير ومحكومين بصواميل .. انا عندي واحده مش موجوده يمين وواحده مش موجوده شمال ( المسمار والصامولة ).. يعني الباقي اتنين واتنين .. برضه كده خطر ؟؟
رحت لعفشجي من مده وهول لي الدنيا .. وقال دي حكايه وموال وعايزة شغلانه ؟؟ صح الكلام ده ؟؟

[samirayad]

أشكرك جدا ومش عارف اقول لك ايه !!
الوضع بالضبط عندي كالآتي : كل بطاحه بها المفروض ثلاث مسامير ومحكومين بصواميل .. انا عندي واحده مش موجوده يمين وواحده مش موجوده شمال ( المسمار والصامولة ).. يعني الباقي اتنين واتنين .. برضه كده خطر ؟؟
رحت لعفشجي من مده وهول لي الدنيا .. وقال دي حكايه وموال وعايزة شغلانه ؟؟ صح الكلام ده ؟؟

هى فعلا موال......وحيضطر يحل الركبتين ويصرف بأى شكل لتركيب الناقص.......وللأمانه أنصحك بعمل اللازم.......علشان تبقى مسافر بالعربيه وأنت مطمن.....لأنه ببساطه حيضطر أنه يفور الجزء اللى مقطوم القدبم بشنيور ويركب مسمار وممكن يلحمه من عند الطبق من تحت......وبعد كده حيساوى مكان اللحام ....ويركب وبكده حيبقى موجود ثلاث جوايط ....يركب عليهم التلت صواميل....

[nabaster]

أشكرك جدا ومش عارف اقول لك ايه !!
الوضع بالضبط عندي كالآتي : كل بطاحه بها المفروض ثلاث مسامير ومحكومين بصواميل .. انا عندي واحده مش موجوده يمين وواحده مش موجوده شمال ( المسمار والصامولة ).. يعني الباقي اتنين واتنين .. برضه كده خطر ؟؟
رحت لعفشجي من مده وهول لي الدنيا .. وقال دي حكايه وموال وعايزة شغلانه ؟؟ صح الكلام ده ؟؟

لا ياباشا ولا شغلانه ولا اي حاجه خالص هوا مسمار بصاموله بيتركبو في اقل من تلات دقايق ولو كان فعلا هوا هول الموضوع يبقي كده في حاجتين يا اما مكان المسامير دي فعلا فيها حاجه وعايزه شغل لحام وبنط حواليها لان دي من عيوب ال 27 او يكون بينصب عليك

[Ahmad_Nawwara]

شكرا .. جزاك الله كل الخير ودام فضلك وزاد علمك

[samirayad]

ياعنى مش حيفور مكان عقب الجويط المقطوم........على فكره أنا بأحلل من الجانب النظرى......أما لو ممكن يشيل العقب بدون حل الركبه فأكيد أنت شوفت الموضوع ده....وكده خير......بس لو الجويط راكب مشحوط ومبرشم عليه .......يبقى لازم يطلع الركب بره العربيه....علشان يفور بشنيور

[samirayad]

شكرا .. جزاك الله كل الخير ودام فضلك وزاد علمك

الله يكرمك يا أستاذ/احمد.....ويمكن يكون فيه حاجه غايبه عنى والأخ/ الفاضل حيبينها

[nabaster]

ياعنى مش حيفور مكان عقب الجويط المقطوم........على فكره أنا بأحلل من الجانب النظرى......أما لو ممكن يشيل العقب بدون حل الركبه فأكيد أنت شوفت الموضوع ده....وكده خير......بس لو الجويط راكب مشحوط ومبرشم عليه .......يبقى لازم يطلع الركب بره العربيه....علشان يفور بشنيور

ده بظبط الي بكلم فيه ان ممكن تكون المشكله اكبر من ان مسمار عايز يتربط وخلاص وعلي فكره حتي لو طلع الركب بره الحوار كله مش هيكمل نص ساعه ده بالكتير اوي

ا / سمير علمتني ابقي اوف