تأثير المساعدين التالفة على كل حاجه

[eldeplomasy]

كنت عايز اعرف تاثير المساعدين والسوست البايظه على اداء الموتور اولا

ثانيا ثبات العربية

ثالثا نعومة العربية في المطبات

رابعا العفشه من تحت

لان عندي العربية وطيت من قدام جدا لدرجة ان كنت راكب مع واحد زميلي في عربيته وماشي ورا اخويا وهو سايق عربيتي وشفت العفشه من ورا وكل حاجه لانها وطيت من قدام جدا وعليت من ورا جدا وده بسبب بوظان السوست والمساعدين ومعنديش وقت اغيرهم فهل في مشكلة لو مشيت عليهم كده؟؟؟

ضروري جدا لاني بسافر بيها كتير وبجري بيها شبه دائما على سرعه تقارب من 160

[mohameduoser]

انت عربيتك شاهين و لا نوعها اة
و طبعا لازم تكشف عليها

[eldeplomasy]

شاهين موديل 2006 سعة 1600 سي سي

[sab3aawy]

المساعدين التالفة تتلف السوست والمقصات وعلبة الديريكسيون وجميع كاوتشات العفشة كما تتلف البلى وطنابير الفرامل ويوجد احتمال كبير ان تؤثر على لحامات الشاسيه، وتدهور ثبات السيارة وتؤدى الى فتح الشاسيه بما يؤدى الى تدهور ضبط الزويا والعومان وتدهور ثبات السيارة، وانعدام الأمان فى الطرق السريعه

من الآخر العربية اللى مساعدينها تبوظ وممتغيرش لمدة طويلة هتدفع قد تمن المساعدين 5 مرات على الأقل علشان تلم الأضرار اللى حصلت بسبب المساعدين التالفة فى بلد كلها نقر وحفر ومطبات

لا تبخل على المساعدين فاهمالها قبل ان يساوى تكاليف مضاعفة فهو يساوى خطورة على حياتك وحياه من معك فى السيارة، زمان ايام ابائنا كنات المساعدين بتبوظ ويطنشوها، مش علشان العربيات كانت امتن لكن علشان اللى كان بيمشى 60 الناس بتحلف بجنانه، وسرعة السفر المعتادة بين المدن كانت 80 ، لكن النهاردة ومع حالة جنون السرعة اللى احنا عايشينها ، لا مزاح فى مجال المساعدين

نصيحة من اخ ليك ركب الشاهين لسنوات طويلة: بلاش 160، لأن على 160 لو حصل اى طارئ فكرت معاه انك تستعمل الفرامل صدقنى انت متعرفش فرامل الشاهين ممكن توديك فين على السرعة دى، وربنا هو الستار

[eldeplomasy]

نصيحة من اخ ليك ركب الشاهين لسنوات طويلة: بلاش 160، لأن على 160 لو حصل اى طارئ فكرت معاه انك تستعمل الفرامل صدقنى انت متعرفش فرامل الشاهين ممكن توديك فين على السرعة دى، وربنا هو الستار

ميرسى جدا بس عارف ان السرعه دي بتبقى عاليه بس بيبقى لازم امشيها بسرعه عشان الحق ارجع تاني وحاجات كتير عموما ان شاء الله هغيرها وشكرا جزيلا لرد حضرتك