زنه الموتور فى الدريكسيون

[roffa1]

معايا فيرنا أوتوماتك 1600 عامله 132000 كم أبتديت اليومين دول أحس زنة الموتور فى الدركسيون بالذات بعد التسعين
ممكن حد يقوللى ايه السبب و هل ممكن تكون كراسى الموتور هى السبب
أرجو الأفاده مع الشكر

[turboman]

غالبا عايز ترصص الجنوط

[roffa1]

رصصت مرتين و الحال كما هو

[samirayad]

لو مطمن لحالة الكاوتش ......جرب كده أخراج الهواء اللى موجود فى دايرة الباور ......وربط جميع قفزان الباور كويس.........لو الموضوع ده ماجابش نتيجه حتحتاج تكشف على كفاءة شحط بلى العجل الأمامى فى الصرر بتاعته.....................................

[roffa1]

حالة الكاوتش 100 100 الجوز الامامى ميشلان 185\60\14 لسه مغيره من اسبوع و الجوز الخلفى ميشلان مغيره من 15000 كم نفس المقاس طبعا
ايه موضوع شحط البلى الامامى اللى فى الصرر
اما دايرة الباور 100 100 مفيش اى تسريب و زيت الباور مابينقصش
وكمان مركب جنوط اسبور 100 100

[ahmedfra]

استاذ سمير يعنى ممكن يكون رولمان البلى الامامى هو سبب التنميلة الى ممكن تحصل فى الدركسيون سواء على سرعة بطيئة 50 أو 60 أو على سرعة عالية .
أصل انا دايما عندى تنميلة فى الدركسيون و مهما رصصت مش بتروح لدرجة أنى ركبت جنوط تانية و برضة نفس التنميلة مبترحش .

[samirayad]

اما دايرة الباور 100 100 مفيش اى تسريب و زيت الباور مابينقصش

مش شرط يكون مفيش تسريب زيت باور .......بس ممكن يكون فيه هواء فى دايرة الباور ...وممكن يعمل الزنه دى فى الدريكسيون لأن الزيت ضاغط عليه داخل الأسكترا وهو بيحاول يفرد نفسه وهنا بقه تيجىء الرعشه والزنه كمان........لأن الهواء أسمه مائع قابل للأنضغاط ......أما الزيت مائع غير قابل للأنضغاط .....وليهم خصائص هيدروليكيه لكل واحد منهم........

[samirayad]

استاذ سمير يعنى ممكن يكون رولمان البلى الامامى هو سبب التنميلة الى ممكن تحصل فى الدركسيون سواء على سرعة بطيئة 50 أو 60 أو على سرعة عالية .
أصل انا دايما عندى تنميلة فى الدركسيون و مهما رصصت مش بتروح لدرجة أنى ركبت جنوط تانية و برضة نفس التنميلة مبترحش .

أطمن على أن مفيش هواء الأول فى دايره الباور......وبعد كده ممكن تشوف كفاءة شحط البلى الأمامى فى الصرر بتاعته...................وربنا يستر مايكونش فيه نسب تفويت زيت داخلى خفيفه فى الأسكترا نفسها ....ومعلش حبيت أقولك على كل الأحتمالات بس لازم نختار الأسهل أولا ( هواء فى الباور _ عيب صرر أو بلى وهكذا..................)