مسمار الجنط

[belal rashed]

يا جماعه انا عندى حاجه غريبه أوى
أولا أنا عربيتى لانوس2006
القلاووظ اللى فى الصره الخلفيه شمال فيه واحد فيهم فوت.
مره ورا التانيه بصيت لقيت المسمار وقع خالص إمبارح... تماديت فى الإهمال ومشيت بالعربيه شويه لاقيت العربيه بتطلع من الثبات بمرجحه وكأن تحت الفرده طوبه,بس بعد كده بتمشى عادى جدا. وبعد مشوارين كده لاقيت التلات مسامير الباقيين محتاجين يتربطو فربط عليهم تانى.
انا كنت متوقع إن العربيه هتطلع متزنه بعد كده لاكن للأسف برضه بتطلع بنفس المرجيحه وكمان المسامير اللى راكبه بعد مشوار بتكون سخنه أوى وليها ريحه.
اسف إنى طولت عليكو ا وأرجو إنى أكون عرفت أوصف الحاله صح.

[samirayad]

انا كنت متوقع إن العربيه هتطلع متزنه بعد كده لاكن للأسف برضه بتطلع بنفس المرجيحه وكمان المسامير اللى راكبه بعد مشوار بتكون سخنه أوى وليها ريحه.
اسف إنى طولت عليكو ا وأرجو إنى أكون عرفت أوصف الحاله صح.

ياريت تكشف على فرامل الفرده دى .....لأنها تقريبا من وصفك قافشه........وبرضه شوف موضوع الجاويط (المسمار) الناقص ده......( ولو بتاع عفشه كويس ......حيقوم بالموضوع كله )

[belal rashed]

أعتقد إنها فعلا الفرامل لأن أنا عملت بيها إمبارح باليل مشوار كتجربه لاقيت مكان المسمار المخلوع ده سخن ويكاد يكون بيطلع دخان.

[lord23]

اولا بالنسبة لموضوع سخونة الجنط لازم تروح لحد بتاع فرامل عشان يشوف الفرامل قافشة ليه
وعلي فكرة هوا ده اللي بيعمل خشونة وانت بتتحرك من الثبات

اما موضوع المسمار اللي فوت فقدامك حل من الاتنين (ممكن بتاع الفرامل يعملهالك بالمرة)
يا تفك الطنبورة وتخرطها وتستخدم مسمار اكبر
ياتغير الطنبورة كلها وانا بفضل الحل ده

[belal rashed]

يعنى أفهم من كده إن ما فيش أى علاقه بين السخونه والمسمار المفقود؟؟؟
وهل يا ترى لو مشيت بيها شويه كمان فيه أضرار ولا لأ؟؟؟؟

[samirayad]

يعنى أفهم من كده إن ما فيش أى علاقه بين السخونه والمسمار المفقود؟؟؟

لو الفرامل قافشه ( وده أنا متوقعه )......حيكون طبعا فيه علاقه بين السخونه والأحمال على مسامير رباط الفرده ( لأن مفيش أنتظام فى حركة الفرده دى مع زملائها ....سواء مع الحركه أو التوقف ....وبيحصل عليها ردود فعل مش طبيعيه (بتبقى واقفه والعربيه ماشيه .....طبعا التشبيه حسب حالة القفشه بتاعة الفرامل )

وهل يا ترى لو مشيت بيها شويه كمان فيه أضرار ولا لأ؟؟؟؟

لا أنصحك بترك الموضوع ....ولازم تتطمن وتعالجه فى أسرع وقت................

[belal rashed]

ألف شكر يا باشمهندس سمير ويا أستاذ لورد
إن شاء الله هروح أعملها إنهارده بالليل... مع إنى ما بحبش أعمل حاجه هنا فى شرم.

[belal rashed]

الحمد لله يا جماعه أنا خلاص عملت الفرامل,بس بصراحه زى ما قولتلكوا قبل كده :ما أنصحشى أى حد إنه يعمل حاجه هنا فى شرم الشيخ أبدا ,يا جماعه الصنايعيه هنا كفتاجيه عالأخر.
زياده على إن كللللللللللللللل قطع الغيار هنا صينى فأنا عملتها كده مؤقتا لحد لما أنزل المحله وأخلى الصنايعى بتاعى يشوفها ويعملها تانى بضمير.
أنا حقيقى شاكر جدا لكل من شارك فى هذا الموضوع.

[samirayad]

ألف مبروك وتصل الى الغربيه بألف سلامه.........وأنا غرباوى زيك برضه

[lord23]

الحمد لله علي سلامة العربية
وترجع بالسلامة ان شاء الله

[belal rashed]

الف شكر يا جماعه,وربنا يستر وتسد معايا لحد لما أنزل الأجازه الجايه فى المحله لأن اليومين دول الحمد لله السياحه شده حيلها فأنا مش متوقع أجازه قريب.
وشرف ليا يا باشمهندس سمير إن حضرتك تكون غرباوى ,وأتشرف أكتر لو أتعرف بحضرتك فى أجازه جايه إن شاء الله.وده تليفونى 0121160280

[samirayad]

وشرف ليا يا باشمهندس سمير إن حضرتك تكون غرباوى ,وأتشرف أكتر لو أتعرف بحضرتك فى أجازه جايه إن شاء الله.وده تليفونى 0121160280

ياباشا ...الله يخليك....وأنا من مركز بسيون وعلى طول بأنزل البلد لأنى زيك كده مغترب وشغال فى الأسماعيليه ......