مشكلة فى ثبات الإتزان

[moharram3]

السلام عليكم ورحمة الله وبركاته
أنا عندى سيارة فيات تمبرا موديل 96 إشتريتها عام 2003 وأنا باعتز بيها جدا لأنها فعلا سيارة محترمة بكافة المقاييس مقارنة بما نراه الآن من سيارات فى الشوارع 0 المهم منذ أن إشتريت السيارة وبها عيب لم أستطع حتى الآن التغلب عليه وهو إن العربية بتعوم شوية يعنى بتحدف يمين أو شمال على الطرق المختلفة وخاصة التى حالة الأسفلت فيها منخفضة الجودة أما فى حالة الأسفلت المحترم ( مثل المحور - وصلة العلمين - بعض المناطق على الصحراوى ) بيكون التعويم أقل بكثير جدا ويكون ثبات السيارة فى أفضل حالاته ، المهم إن أنا على مدار السنوات السابقة حاولت أعالج السبب وطبعا بعد إستشارة العديد من الميكانيكية والعفشجية وكانت النتيجة خلال هذه الفترة هى تغيير المساعدين والمقصات وحشو علبة الدركسيون وتغيير بارات الدركسيون والكبالن بالإضافة إلى تغيير الكاوتش الأمامى وطبعا ترصيص العجل وضبط الزوايا ، وده طبعا مش كله مرة واحدة لكن كل ما ينتهى العمر الإفتراضى لأى قطعة باغيرها وأقول يمكن تكون هى السبب والعيب يتم إصلاحه ، لكن للأسف ده مش بيحصل 000 هل ياترى حد من أهل الخبرة عنده حل للمشكلة ، أكون شاكر جدا لأى رأى مفيد فى هذا الموضوع 0
:b4_611:

[aYaBooY]

غير جلد او كاوتش الميزان و طقم الجلب الي رابط الميزان في المقص
و لو مش نافع يبقي تغير الميزان نفسة

[aYaBooY]

غير جلد او كاوتش الميزان و طقم الجلب الي رابط الميزان في المقص
و لو مش نافع يبقي تغير الميزان نفسة
و اظبط زوايا عند حد عنده كمبيوتر و يكون ذو سمعة كويسة

[TOOLA]

بص انا كنت قابلت حاجة شبيهة جدل بالحالة ديه, و بردة غير الكلام الى قلته ده, بس طلع عندى خبطة فى القنطرة الامامية و بالطبع مأثرة على المقص, عموما بعد تغيير القنطرة و المقص باستيراد خارجة, اطظبطت السيارة بنسبة 80 %, مع العلم ان لا العافشجى ولا الميكانيكة الأوليين خدو بالهم, و بردو كذا محلضبط زوايا و بنزينة مكتشفوش المشكلة ديه.و اكتشفها أو شافها ميكانيكى بالصدفة بعد كده

[M.Mokhtar]

العربيه بتعوم بظهرها ولا بوشها؟

بظهرها هتبان معاك اكتر لو انت داخل ملف فيه مطب هتلاقى ظهر العربيه بيحدف منك

ولا هى بتعوم من غير مطبات؟

[moharram3]

أنا باشكر كل الأخوة الذين ساهموا بآرائهم ومقترحاتهم فى الموضوع وإنشاءلله يوم الجمعة أنا هاروح للميكانيكى وأشوف موضوع كاوتش الميزان والجلب بتاعته وإنشاءلله أبلغكم بالإخبار ، بالنسبة للإستفسار عن العومان فهى بتعوم من غير مطبات وبتعوم بوشها ، ومن ناحية ضبط الزوايا فأنا اتعاملت مع أكثر من واحد وكلهم أحسن من بعض وفى مناطق مختلفة ( الظاهر - الهرم - المنيب - الكيت كات )

[M.Mokhtar]

بالنسبة للإستفسار عن العومان فهى بتعوم من غير مطبات وبتعوم بوشها

يبقى اراء الزملاء السابقه صحيحه

ياريت تقولنا الاخبار بعد ما تظبط الدنيا ان شاء الله

[deyaaaly]

انا من هواة التصليح بايدى ايه الاجزاء ال اربطها فى العفشه

[mrsailor]

السلام عليكم ورحمة الله وبركاته
أنا عندى سيارة فيات تمبرا موديل 96 إشتريتها عام 2003 وأنا باعتز بيها جدا لأنها فعلا سيارة محترمة بكافة المقاييس مقارنة بما نراه الآن من سيارات فى الشوارع 0 المهم منذ أن إشتريت السيارة وبها عيب لم أستطع حتى الآن التغلب عليه وهو إن العربية بتعوم شوية يعنى بتحدف يمين أو شمال على الطرق المختلفة وخاصة التى حالة الأسفلت فيها منخفضة الجودة أما فى حالة الأسفلت المحترم ( مثل المحور - وصلة العلمين - بعض المناطق على الصحراوى ) بيكون التعويم أقل بكثير جدا ويكون ثبات السيارة فى أفضل حالاته ، المهم إن أنا على مدار السنوات السابقة حاولت أعالج السبب وطبعا بعد إستشارة العديد من الميكانيكية والعفشجية وكانت النتيجة خلال هذه الفترة هى تغيير المساعدين والمقصات وحشو علبة الدركسيون وتغيير بارات الدركسيون والكبالن بالإضافة إلى تغيير الكاوتش الأمامى وطبعا ترصيص العجل وضبط الزوايا ، وده طبعا مش كله مرة واحدة لكن كل ما ينتهى العمر الإفتراضى لأى قطعة باغيرها وأقول يمكن تكون هى السبب والعيب يتم إصلاحه ، لكن للأسف ده مش بيحصل 000 هل ياترى حد من أهل الخبرة عنده حل للمشكلة ، أكون شاكر جدا لأى رأى مفيد فى هذا الموضوع 0
:b4_611:

ممكن اعرف انت ساكن فين قصدى المدينة؟

[moharram3]

انا من سكان الهرم ، وانا آسف لأنى ماردتش على الرسائل السابقة خلال الفترة السابقة ولكن ده لآن كل الحلول اللى انا جربتها لحد دلوقت لم تحل المشلكة ، لكن فيه واحد بتاع ظبط زوايا لما كشف على العربية قال لى إن علبة الدركسيون محتاجة تتغير وانا ناوى اغيرها الشهر القادم انشاءلله ويارب تكون فيها الشفا

[kaza]

واضح ان العيب اللي عندك متعلق بعلبه الدريكسيون وحاكون اكتر دقة بارات العلبة اليمين والشمال والوصلات الكروية بتاعتها دول اللي ممكن يخلوا العربية تروح يمين وشمال (علي افتراض ان المساعدين بحالة جيدةوتروس الراك الخلوص بتاعهم مضبوط

[moharram3]

شكرا على المشاركة برأيك ، لكن البارات انا غيرتها مرتين خلال الفترة السابقة وماكانش لهم تأثير ، أما تروس الراك فأنا الحقيقة اول مرة اسمع عنها ، ياريت تفسر اكتر هما فين بالظبط ووظيفتهم ايه