استفسار بخصوص علبة دريكسيون

[dedomagy]

لو علبة الدركسيون فيها بوش يبقى اية الحل؟؟؟
ولو اتسابت بالبوش دة اية الضرر على العربية ؟؟
وشكراااا

[ozy2026]

الحل انك تروح لمركز متخصص تعملها عنده لو انت من القاهره ابعتلى وانا اقولك على مركز بتاع علب دركسيون بس انا لسه عامل عربيتى عنده من يومين وبيديك ضمان عليها سنه
او ممكن تغير علبه الدركسيون كلها
بس ياريت توضح نوع عربيتك ايه
ونصيحه من مجرب متروحش لعفشجى ويقولك انا حأفكها واعملها حشو او يصلحها لأن الكلام ده كله عك وكلها شهرين وهترجع ازبل من الأول:k17:

[ozy2026]

اه نسيت اقولك ان غلط تمشى بالبوش ده لأنه بيعوملك العربيه على الطريق
انا عملته لأنى كنت مسافر و مكنتش عارف اعدى فوق ال70
ولما حبيت اسرع اول لما وصلت لل 100 العربيه عومت منى وكنت هتقلب لولا ستر ربنا
فنصيحه منى لازم تصلحه على طول وخد بالك وانت ماشى بالعربيه واوعى تعدى فوق ال 60 لغايه اما تعمله

[dedomagy]

الف شكر يا بوب

[TOOLA]

طب أنا من القاهرة فعاوز أعرف انتا بتعملها عند ميين يا باشا, و بيعمل ايه بضبط غير قصة الحشو ده, و بتكلف كام.

شكرا

[ozy2026]

طب أنا من القاهرة فعاوز أعرف انتا بتعملها عند ميين يا باشا, و بيعمل ايه بضبط غير قصة الحشو ده, و بتكلف كام.

شكرا

تعرف شارع شمبليون هو هناك قدام كشرى ابو طارق
اسمه حاجه من الأتنين (الأخرس او الأطرش) هو حاجه منهم معلش اصلى بتلخبط على طول فيه
المهم هو شارع شمبليون بيبقى اتجاه واحد هو هتلاقيه فى ممر كده قبل كشرى ابو طارق بخطوتين واسأل أى حد هناك عليه بس اوعى تسأل الناس اللى بيكونوا واقفين فى الشارع دول علشان بيبقوا صنايعيه تانيين وممكن يضحك عليك ويأخدك للورشه بتاعته:k39:
انت اقف عند كشرى ابو طارق واسأل اى حد عليه هيشاورلك عليه على طول
هو ده احسن واحد وأنضف واحد هناك وهو بيشتغل فى الدركسيون العادى والباور
وميزته انه بيديلك ضمان على الشغل اللى بيعملهولك
بس ابقى فاصل معاه جامد علشان هما بيبقوا عاملين حسابهم انك هتفاصل عشان كده ممكن يقولك سعر زياده
يعنى لو قلك 200 قوله 150 مثلا
وبعدين انت لما تروح هو هيقولك فيها ايه وهتتكلف كام
ولو متعرفش طريق كشرى ابو طارق اللى فى وسط البلد قوللى وانا أوصفهولك
وابقى طمنى عملت ايه

[TOOLA]

يا باشا شكرا جزيلا على الرد, وطبعا عارف كشرى أبو طارق ده حبيبى, و انا أعتقد انى سمعت اسم الاطرش ده قبل كده لكن الأخرس ده مسمعتهوش, بس بردو انا لسه معرفتش ايه ممكن يعمله فى العلبة غير موضوع الحشو

[ozy2026]

يا باشا شكرا جزيلا على الرد, وطبعا عارف كشرى أبو طارق ده حبيبى, و انا أعتقد انى سمعت اسم الاطرش ده قبل كده لكن الأخرس ده مسمعتهوش, بس بردو انا لسه معرفتش ايه ممكن يعمله فى العلبة غير موضوع الحشو

هو بالنسبالى عندى انا فكها وعملها طقم اصلاح يعنى الحاجات اللى بايظه جوه بيغيرها ويركب جديد
(على فكره انا علبه الدركسيون عندى اللى هى بيسموها بطيخه زى اللادا وال 131 والعربيات الدفع الخلفى انما بالنسبه للأمامى اللى هو على اسكاتره انا مش عارف بيعمل فيه ايه بالظبط بس هو معظم العربيات اللى كانت هناك كانت امامى وباور كمان علشان كده معرفش نظام تصليحهم بيكون ازاى)
وكفايه انو بيديلك ضمان 6 اشهر وكمان حتى بعد الضمان ما يخلص وطلع فيها حاجه بتاعته
بس برضه ماتنساش لو هتروحله فاصل معاهم جااامد
هما بصراحه شغلهم كويس ونضيف بس ممكن يستهبل معاك فى السعر شويه

[TOOLA]

شكرا للرد يا باشا و موضوع طقم الاصلاح دع انا عملتو قبل كده, بس عند ناس تانية و انا سمعت الناس بتشكر فى الأطرش ده فعلن عموما ربنا يعمل الفيه الخير, و شكرا للرد مرة تانية

[eltorky]

طيب ياجماعة أنا عندي مشكلة ظهرت فجأة و هي اني لما روحت علشان أعمل زبط زوايا لعربيتي بتاع زبط الزوايا قالي أنك لازم تغير قواتيش علبة دريكسيون و بارات دركسيون فهل المشكلة دية ممكن تأثر علي علبة الدريكسيون نفسها ولا أية و للعلم المشكلة دية في عربية جديدة باور لانسر 2007 بس بتاع الزوايا طامني و قالي ماتقلقش داة موضوع بسيط طيب الي يعمل الشغل داة الافضل يكون عفشجي ولا بتاع علب دريكسيون زاي الاطرش داة وجزاكم الله خيرر

[نور العمر]

أنا عربيتي 127
وفجأة من كام يوم حسيت إن الدركسيون نعم زي الباور
واحد بصلي عليها وقاللي ده بوش ... بيتربط ويرجع تمام
روحت لميكانيكي قاللي نحل العلبة ونشوف يا حشو يا علبة جديدة
روحت لميكانيكي تاني قاللي الدركسيون طبيعي ومتقلقيش وامشي عادي
أنا بسوق لحد 80 ومبحسش إني بفقد السيطرة على العربية ولا حاجة
وعموما مش بجيب سرعات أكتر من كدة عشان بخاف

يا ترى الموضوع فيه قلق
اصلي طنشته وماشية عادي