استفسار اركب علبه دريكسون استيراد ولا جديد

[hamadafawzy]

من فضلكم يا جماعه يا جماعه انا عندي 128 والعفشجي قالي ان علبه الدريكسون محتاجه تتغير
وبينصحني اجيب استيراد بس ان الصراحه مش واثق في كلامه وحابب اشوف رائيكم

فتنصحوني اجيب الاستيراد زي مابيقول ولا اجيب الجديد
والجديد سئلت لقيت انه ايطالي 250 جنيه فتنصحوني بايه
وشكرا جزيلا لاهتمامكم

[michohat]

ان شاء الله الاعضاء يساعدوك فى الاجابة بس يا ريت بلاش تستخدم اللون الاحمر فى الكتابة لانه اللون المخصص للادارة ( لا احد يستخدمه ) راجع قوانين المشاركات

[ozy2026]

من فضلكم يا جماعه يا جماعه انا عندي 128 والعفشجي قالي ان علبه الدريكسون محتاجه تتغير
وبينصحني اجيب استيراد بس ان الصراحه مش واثق في كلامه وحابب اشوف رائيكم

فتنصحوني اجيب الاستيراد زي مابيقول ولا اجيب الجديد
والجديد سئلت لقيت انه ايطالي 250 جنيه فتنصحوني بايه
وشكرا جزيلا لاهتمامكم

احنا لسه جايبين علبه دركسيون لعربيه واحد صاحبنا 128 برضه
وكانت عامله 210 ايطالى
جايبنها من حوالى شهرين وشغاله تمام الحمد لله
وانا رأيى بلاش الأستيراد لأنها ممكن تكون أغلى وكمان مش مضمونه والحاجات الأستيراد دلوقتى بقت تعبانه قوى وبتكون حاجات خلع

[Abdo_Eldesokey]

أي حاجة في العفشة متجبهاش استيراد ... لازم جديد

[aYaBooY]

علبة الدركسيون او الاسكاترا بتاعت الـ128 بتحتاج كل فترة يتعملها حشو
بس الحشو بتاعها عبارة عن حتة فبرة صغيرة بتحتاج تتغير كل فترة و تمنها حوالي 2 جنيه
و لما بتكون الفبرة ديه مهريبة بتخلي الدركسيون يخبط
و لما بتتعمل ممكن لو العلبة قدمت تاخد فبرتين ورا بعض و كدة الدركسيون يتحكم اكتر
و برده البيض الداخلي بتاع العربية ديه لما بيكون مبوش شوية بيحتاج يا اما يتغير و تمنهم 40جنيه الاتنين او يتحشي فيه وردتين صغيرين يعني اربع ورد للناحيتين و تمنهم 25 قرش
و لو البيض البيض الخارجي او بارات الطرف مهوية بتعمل نفس الاعراض و دول يا اما يتغيروا 60جنيه او يتكبسم عند اي خراط 10 جنية
و الجزء الي فيه المشط الي نازل من الطارة بيحتاج يتملي شحم كل فترة
و المقصات في الـ128 لو مبوشة او محتاجة جلب بتعمل نفس اعراض تلف علبة الدركسيون
يبقي انت حضرتك ابل ما تقول اغير ولا لا ياريت لو تقولنا العربية بتعمل ايه معاك بالظبط
لو انت ناوي تغيرها او اخدت القرار يبقي سيبك من الاستيراد
و خليك في الجديد و لو دورت كويس في التوفيقية او شبرا هاتلاقي ليها علبة دركسيون صيني بـ 130 جنية
و طبعا من تجربة سابقة ليا مع الكبالن كانت الصيني افضل الكبالن الي جبتهم للمرحومة
يعني الاماني و اليطالي كانوا بيعدوا معايا حوالي 6 او 7 شهور
و الصيني اعدم معايا حوالي السنة

[hamadafawzy]

ولا انا متشكر جدا ع اهتمامكم بالرد ع استفساري
المشكله اللي بتحصل معايا انا لما بمشي ع الاول بلاقي فيه تخبيط في الدريكسيون وخصوصا لوا بنزل من ع مطب او بطلع عليه وبتاع العفشه فتح الكبوت وخلاني اجيب الدريكسون يمين وبعدين شمال وقالي علبه الدريكسون نفسها محتاج تتغير فهل كده محتاج اني غيرها كلها ولا جزء منها وياريت يا جماعه تقوليلي المصنعيه هتكون كام وهل محتاجه يوم من اوله ولا ممكن اوديهاله بعد الشغل وربنا يجازيكم خير جميعا ومتشكر مره تانيه لاهتمامكم

[hamadafawzy]

كمان لما العربيه بزيد بيها عن 100 كيلوم بحس ان الدريكسون بيترج ف ايدي ومش بقدر ازيد عن كده
معلش نسيت اكتب ده في المشاركه اللي قبل كده
متشكر مره تانيه

[aYaBooY]

لا اعتقد كدة العربية محتاجة حشو عادي الي قلت عليه فوق
بس انت محتاج تروح لحد يرفع العربية و يربط العفشة ادام و ورا
و تعدي على بتاع زوايا يكشفلك على العفشة و يحددلك المقصات و الجلب فيها حاجة ولا كويسة و ممكن يحكملك كويس
على موضوع العلبة بس قبل ما تغير ابقي جرب موضوع الفبرة

[hamadafawzy]

طيب اللي يباركلك متعرفش حد يكون كويس وبيفهم يبصلي ع الحاجات دي تدلني ع صنايعي يعني انا ساكن في الهرم

[aYaBooY]

بص الي كنت بصلح عنده المرحومة كان ميكانيكي سكران 24 ساعة
و الصراحة انا كنت بروحلة علشان رخيص مش اكتر و كان في شبرا
بس معرفش هوا فين دلوقتي اسمه ناصر سبرتوا 0182253817 كان بيعملي موضوع الاسكاترا كل شهرين تقريبا
و كنت بديلة مصنعية ايدة 20 او 25 جنيه كل مرة طبعا غيرة بيعمل الموضوع ده بحوالي 50 او 60
بس طبعا علشان تكون متاكد ايه الي المفروض تعملة في العربية بالظبط علشان محدش يعمل عليك شغل
لازم تروح لحد بتاع زوايا كويس يبوص على العفشة حتة حتة و تسمع كلام بتاع الزوايا اكتر من الميكانيكي و العفشجي علشان هو ملهوش مصلحة يفتحلك شغل على البحري