لوكشة مشاكل

[Angel_wolf]

كل سنة وانتوا طيبين فى الاول

معلش انا عارف ان طلباتى كترت اوى

بس انا عندى لكشة مشاكل كتير اوى

انا عندى هيوانداى اكسل 1998 مانيول هى كانت مع واحد قريبى ربنا يسامحة على الى عملة فيها

1- الفتيس بينطر من مكانة لما باخد الغيار الاول بينطر ومحدش يقلى انى باخد الغيار غلط
2- الكبالن بتقق على الملفات
3- بحس انى فى دريم بارك لما مشى فى حتة الارض فيها مش مستوية اوى والله يعنى لو معرجة حتى بشوف العجب
يعنى ماشى براحة ماشى بسرعة واحد كل الى جوة عندى بيطنط
4- لو اتجننت و مشيت على 80 ( انتوا عارفين الشيطان ابن تيت ) اتفرج على مراجيح مولد النبى لو فكرت اكسر من حارة لحارة
5- مشكلة المشاكل لما ادوس بنزين المتور بيستجيب ويشد بس المشكلة انك بتحس ان المتور فى وادى والعربية فى وادى تانى يعنى تحس المتور بيطلع الاول ويجر باقى العربية وراة لما سالت اصحابى اصحاب الخبرة قالوا شوف قواعد المتور
6 - العربية وهى ماشية وواخدة غيارها صح وكلة تمام تسمع صوت بعيد عنكم تقلش متور وبرور زلط
7- السحب بتاع العربية مش قوى خالص

و المشكلة الميكانيكة الى جنبى بيعتروفوا بنظرية طول ما العربية بتمشى فهى كويسة ملهمش دعوى بالاداء وانا الصراحة عايز العربية حاجة كويسة لانى مشوار الجامعة عندى كل يوم من الشراتون للسيدة يعنى يا عم صلاح ابو سالم يا اللا الاوتوستراد و مش عايز اقعد اعيط جنبها فى الاوتوستراد ولا صلاح سالم

وبرجاء عايز اسماء وعناوين ورش يكونوا اصحابها ناس محترمين مش مستغلين يعنى لو حاجة تتصلح وهتبقى تمام خلاص مش من اصحاب نظرية الى فية مشكلة ارمية وهات غيرة وياريت لو ناس قريبن من السيدة زينب هو انا مش هتشرط كل الى تجبوة خير و الله

[Angel_wolf]

برجاء الرد

[أبو إياد]

بص ياسيدى انا عاوز ابص على العربيه دى حتى لو مش عاوزنى اعملها بس انا عاوز اشوفها وهى بالحاله دى
لان على كلامك العربيه فيها مشاكل كتير عاوز اعرف حالتها الحاليه زى ماتقول كده حب فضول

[aYaBooY]

اولا الاخ محمد عزت صاحب مركز صيانة و ليه موضوع دعاية مثبت و مسمعتش حد اشتكي منه و انصحك تروحلة علشان انتا عند لفيف من المشاكل وواضح ان الي كان معاه العربية كان هاينها شوية
اولا انتا عندك مشكلة في قواعد الموتور و طقم الدبرياج و نظام التعليق و ممكن يكون فيه مشاكل في الجنوط و الكاوتش نفسة و انت محتاج حد يقولك بنظام تعمل ايه بالتوالي علشان تصليح الكل مرة واحدة ممكن يكون مكلف حبة

[Angel_wolf]

ربنا كريم انشاء بس انا مش عارف عنوان المركز وانا فى السيدة زينب ازاى هاجى

[ahmedhilmy]

ده شرح لمكان المركز





و كمان ادخل علي اللينك ده هيفيدكhttp://www.nilemotors.net/Nile/85642-a.html

[mohamed777]

اشترك معاك فى هذة المشاكل

3- بحس انى فى دريم بارك لما مشى فى حتة الارض فيها مش مستوية اوى والله يعنى لو معرجة حتى بشوف العجب
يعنى ماشى براحة ماشى بسرعة واحد كل الى جوة عندى بيطنط
4- لو اتجننت و مشيت على 80 ( انتوا عارفين الشيطان ابن تيت ) اتفرج على مراجيح مولد النبى لو فكرت اكسر من حارة لحارة

و المشكلة الميكانيكة الى جنبى بيعتروفوا بنظرية طول ما العربية بتمشى فهى كويسة ملهمش دعوى بالاداء

بالاضافة الى مشكلة صوت الموتور بالنسبة للغيارات والسحب بالرغم انى لسة عامل عمرة ومغير اسطوانة بس ما غيرتش الديسك ومش عارف اذا كان هو السبب ولا لأ
والميكانيكى قالى انه ممكن يشتغل بس قالها وهو متردد بمعنى مش بايظ على الاخر

[aYaBooY]

لو حد مركب جنوط اكبر من بتاعت الفبريكة هايلاقي شوية مشاكل في السرعات منها الاهتزاز العالي و خصوصا لو مع الجنوط كاوتش سيئ

[Angel_wolf]

الجنط هو هو متغيرش

[dr_sh2004]

لا حول ولا قوة الا بالله واضح انك اتظلمت اوي في العربيه دي الاكسل عربيه جميله جدا والله بس لو بحالتها
لازم تصرف شويه وتروح عند ناس ثقه عشان تخلي العربيه كويسه وتقدر تستمتع بيها
العيب مش في الاكسل طبعا العيب في الي غشك وعطاهالك كدا
انت هتصرف مش اقل من 3 الاف جلو هتوفر كمان عشان تركب عربيه محترمه