نيسان صنى 2009 ..... تحتاج الى مساعدين!!!!!!!!!!

[THEMAYOR]

زملائى الاعزاء


كل عام و انتم بخير

امتلك سيارة نيسان صنى 2009 و عند عمل لها ضبط زوايا افاد الصنايعى انها تحتاج الى مساعد ايمن حيث انه ملوح و عند صيانة 10000 كم عند يونايتد جروب تم عمل تقرير زوايا و افاد ان زواية الكامبر يمين و شمال تفيد بتغيير عدد 2 مساعد امامى لانهم بهم لوحهز

شركة التامين لا تريد تغطية مصاريف استبدال المساعدين على انه سوء استخدام و الضمان كذلك

فما هو الحل من و جهة نظركم و هل عدم تغيير المساعدين الان له ضرر ؟
و هل يوجد طريقة لاستعدالهم بزرجينه بدل من تغييرهم ؟
وهل يوجد مركز متخصص للمساعدين و العفشة افضل من التوكيل؟

فى انتظار ردودكم ................ شكراااااااااااااا

[ahmad--ezzat]

روح التوكيل واعمل مشكله كبيره....متسبش حقك...لو فشل الموضوع دة...عليك وعلى حمايه المستهلك...(ومتزهقش من المشاكل والموضيع دى لحد ماتخد حقك)

[THEMAYOR]

شكرا م/احمد عزت على ردك بس مش ممكن حمايه المستهلك كمان يقول سوء استخدام مع انى و الله محافض عليها جدا ده لسه مكمله 10000 كم ؟

[أبو إياد]

بصراحه كلام مش مقنع نهائى ان عربيه عدادها 10000كم وتحتاج لتغيير مساعدين
انا هاعتبر نفسى مكانك وهاغرم كشف تانى وتالت ورابع فى اماكن مختلفه علشان اتاكد من الكلام ده
كده هايكون فى احتمالين ان الكلام ده يكون سليم وفعلا محتاجه مساعدين
والاحتمال التانى وربنا يجعله من نصيبك ان المساعدين سليمه ومافيش مشاكل
ياريت تعمل الكلام ده وبعدها نكمل كلامنا

وعلى فكره كلام التامين مظبوط هو مالوش فى انه يتكلف تمن قطع غيار فى العربيه غير لقدر الله تم تلفها بسبب حادث

[THEMAYOR]

هلحاوا انزل بيها بعد رمضان على المركز الى فى المنيل و اشوف رايه ايه ......

انا حاسس انا هاضطر اجيبهم على حسابى

[Mosmafa]

بصراحة كده لو انت لابس بيهم مطبين او حفرتين
ادفع تمنهم لكن لو مش زنبك اعمل محضر وروح على حماية المسنهلك
وخد اتنين تلاتة قرايبك جامدين وروحو التوكيل معاكو سنج و اتنين تلاتة مولوتوف
وولع فيهم
بس تقريبا مودرن موتورز كويسين

[THEMAYOR]

بصراحه كلام مش مقنع نهائى ان عربيه عدادها 10000كم وتحتاج لتغيير مساعدين
انا هاعتبر نفسى مكانك وهاغرم كشف تانى وتالت ورابع فى اماكن مختلفه علشان اتاكد من الكلام ده
كده هايكون فى احتمالين ان الكلام ده يكون سليم وفعلا محتاجه مساعدين
والاحتمال التانى وربنا يجعله من نصيبك ان المساعدين سليمه ومافيش مشاكل
ياريت تعمل الكلام ده وبعدها نكمل كلامنا

وعلى فكره كلام التامين مظبوط هو مالوش فى انه يتكلف تمن قطع غيار فى العربيه غير لقدر الله تم تلفها بسبب حادث

شكرا ا/محمد على ردك
وليا سوال هل ممكن اكشف على المساعدين فى المركز عند حضرتك او تنصحنى اروح لمين اتاكد منه؟

و كل سنه و حضرتك طيب

[أبو إياد]

طبعا تشرفنى فى اى وقت وان شاء الله اطمنك

[aYaBooY]

المساعد فيه اعوجاج ارجوا ان حد يشرحلي ازاي يبقي عيب استخدام ده عيب صناعة
الي اعرفة ان المساعد بعد عدد كيلوات معين حسب نوعة ينشف او يخف قوي و ده هو الاستخدام و العدد ده مش اقل 25000كم و ان كان اي عربية في مصر ممكن تمشي لو المساعد نضيف لحد 60 او 70 الف
حضرتك تطلع على اخونا محمد عزت علشان يشوفلك شكلهم ايه المساعدين و لو فيهم حاجة تطلع على جهاز حماية المستهلك علشان ده عيب صناعة و مش معني انك اخدت مطبين حلوين ان المساعد يتعوج
الموقع بتاع حماية المستهلك جهاز حمايه المستهلك و فيه رقم سريع ممكن لو لقيت كلام التوكيل مش عاجبك تروح مكلمهم قدام المهندس الي بيكلمك و ناس كتير قالت ان المعاملة بتتغير مجرد ما يسمعوك بطلب الجهاز

[THEMAYOR]

شكرا على مساعدتكم

و انشالله هاروح لاستاذ محمد اكشف عليهم و اشوف هاعمل ايه مع التوكيل او المصنع و اتابعكم فى الاخبار

و لو فى اى نصيحه تانيه من اى عضو ياريت يفيدنى

رمضـــــــــــان كريــــــــــــــــم