صوت خبط فى العربيه ايه الحل

[MOMOBARAK]

انا عندى مشكله فى العربيه صوت تخبيط فى الشنطه عملت كل حاجه شلت اللى فى الشنطه وفضيتهاومفيش فايده .غيرت المساعدين مرتين.مره مساعدين فرنساوى ضغط غاز واتغيرو بعد8 شهور لان الغاز مينفعش فى مصر .المره التانيه كان مساعدين تركى ضغط زيت ومفيش فايده الصوت موجود قررت اجدد العفشه كلها وفعلا جددتها بقطع غيار اصليه وده كلفنى كتير .ماعدا المساعدين الخلفيين وتيل الفرامل الخلفى . مع العلم ان الدنجل الخلفى للعربيه سليم حسب اقوال المكانيكى وبتوع الزوايا ايه الحل .ارجو الاهتمام

[thedeveloper87]

أنا عندي صوت تخبيط جاي من ورا والمساعدين اللي ورا جداد. الصوت اللي ورا جاي من الحاجات الآتية:
1. البابين اللي ورا فيهم بوش.
2.زجاج البابين فيهم بوش برضه (يعني مش ثابتين. بيلقوا في مكانهم فبيخبط برضه في مكنة الزجاج)
2. الاكصدام اللي ورا مكسور فبيخبط في الصاج فبسمع صوت تخبيط.

[ELDOSOQE]

أنا كان عندى صوت تخبيط بس دة كان تحت الشنطة مش فى الشنطة نفسها
المهم ان الصوت دة طلع فى( حديدة متوصلة مابين العجلتين اللى ورا)
وكانت مكسورة من قرب النص فكانت بتخبط فى بعضها
ولما لحمتها عند الحداد الصوت راح تماما
مع اعلم ان الصوت دة بيحصل لما تاخد مطبات جامدة او شوارع متكسرة ومش مظبوطة وطبعا لو كان فى حد قاعد معاك فى العربية من ورا

[mr_sameh]

انا عندى مشكله فى العربيه صوت تخبيط فى الشنطه عملت كل حاجه شلت اللى فى الشنطه وفضيتهاومفيش فايده .غيرت المساعدين مرتين.مره مساعدين فرنساوى ضغط غاز واتغيرو بعد8 شهور لان الغاز مينفعش فى مصر .المره التانيه كان مساعدين تركى ضغط زيت ومفيش فايده الصوت موجود قررت اجدد العفشه كلها وفعلا جددتها بقطع غيار اصليه وده كلفنى كتير .ماعدا المساعدين الخلفيين وتيل الفرامل الخلفى . مع العلم ان الدنجل الخلفى للعربيه سليم حسب اقوال المكانيكى وبتوع الزوايا ايه الحل .ارجو الاهتمام

عندي نفس المشكلة بالظبط بس متعايش مع الصوت

[ELDOSOQE]

أنا كان عندى صوت تخبيط بس دة كان تحت الشنطة مش فى الشنطة نفسها
المهم ان الصوت دة طلع فى( حديدة متوصلة مابين العجلتين اللى ورا)
وكانت مكسورة من قرب النص فكانت بتخبط فى بعضها
ولما لحمتها عند الحداد الصوت راح تماما
مع اعلم ان الصوت دة بيحصل لما تاخد مطبات جامدة او شوارع متكسرة ومش مظبوطة وطبعا لو كان برده فى حد قاعد معاك فى العربية من ورا

[ahmed_h_g]

الشكمان ...... أو علايات السست

[Dr. Halawa]

انا عندى نفس المشكلة صاجة عزل فوق الشكمان اربطها الصوت يروح اسبوع و يرجع تانى بونتو 2004

[MOMOBARAK]

انا روحت إلى مركز صيانه وكشف على العربيه اكتشف ان الكوتشات بتاعت الدنجل اللى فى اليمين والشمال ضعاف جدا ومتكلين .ورحت الى عفشجى قال نفس الكلام .والحل الوحيد هو شراء الجلب (الكوتشات ) ووضعها مكان القديم ولكن للاسف انها مش موجوده خالص فى اى مكان .الحل الثانى ان اشترى دنجل استيراد (مستعمل) واركبه.
هو فى سؤال ممكن اطلبه الجلب (الكوتش) من فرنسا. واذا فى حد عارف الموقع اللى يخص التوكيل فى فرنسا ممكن يبعتهولى واكون شاكر

[mohamed9999]

بس فى حل ثالث ( انك تتعايش مع الصوت و تنفض ) طبعا بهزر معاك

[MOMOBARAK]

والله لو اعرف اتعايش معها مكنتش تعبتكم معايا

[aYaBooY]

رجاء مراجعة على الجزء الخلفي للكنبة الخلفية بيكون عبارة عن اكس معدن مثبت بمسامير في جسم السيارة عادتا بتفك مع المطبات و الحركة و بتصدر اصوات بتكون شبه اصوات العفشة

[MOMOBARAK]

الف شكر على الردود والاهتمام

[MOMOBARAK]

اخر الاخباربعد ان اكد مركز الصيانه وبعض العفشجيه على انه الدنجل قررت تغير الدنجل واشترى واحد استيراد وفى اللحظه الاخيره قال لى احدى الصنايعيه ان الجلب بتاعت الدنجل بتتباع هى سبب المشكله لفيت مصر كلها حتى لقيت الجلب بعد تعب شديد المهم ركبت اول وحده قولنا نجرب وجربنا والصوت متغيرش قاللى العفشجى نفضى العربيه من اى حاجه ونشيل المساعدين وفعلا عملنا كل ده لقينا الصوت اختفى بعد ماشلنا المساعدين قال العفشجى احنا عملنا اللى علينا مش ممكن تمشى منغير المساعدين فرجع كل حاجه مكانها وروحت وكأنى معملتش حاجه معندكوش حد يشتريها على كده ويريحنى .معلش صدعتكم

[sameh127]

اتأكد من ان صامولة النص للطنابير مربوطة بإحكام و زانقة الطنبور علي الرولمان بلى