عاوز اغير الكاوتش وعاوز اعرف مكان كويس فى الاسكندريه

[Badrawy]

السلام عليكم

ازيكم يا شباب واحشني والله المنتدي

انا عاوز اغير الكاوتش بس مش لعربيتي لعربية اختي

وكنت عاوز واحد كويس فى اسكندريه وياريت لو حد يعرف الاسعار والانواع

واسعار البريجستون وكده

هوه تقريبا المقاس الجنط 15
والعرض 195 هيه عربية تيريوس 1

وشكرا

[mahmoudbadr]

أنا هقول لحضرتك على أسعار 185/65/14 لأنى لسة مغيرهم من شهر ألاسعار بتاعة نفس النوع متفاوتة من تاجر للتانى لكن أنا غيرت من عند على حبيب فى العطارين كان أحسن سعر للكومهو سعر الفردة الكورى 265 حنيه و الفيتنامى 235 جنيه وده كان أقل سعر وصلت له

بس قبل حضرتك ما تشترى اسأل ولف شوية لأن فيه كتير حرامية

[Islam_galal]

الأضمن بريدجستون في لوران علي البحر و السعر يشمل التركيب و النيتروجين
الأندونيسي سعره معقول و أعتقد مناسب لتريوس 1 لأن الياباني غالي جدا و كتير علي امكانيات العربية
و البريجستون الاندونيسي زي الكومهو و النانكانج و أمثالهم بس حتضمن تاريخ صلاحية جديد و طريقة تخزين مظبوطة

[Badrawy]

شكرا استاذ محمد بس العطارين بعيد عليا بس الاسعار دي كويسه اوي

استاذ اسلام متعرفش حضرتك اسعار البريجستون كام ؟

[zocor742]

انا لسة جايب طقم 15/60/195
ماركة نانجينج نقشة سرعات بس مش الشجرة
الفردة كانت عاملة معايا335 او340 مش متزكر بالظبت
ياترى السعر دة مناسب واللى جايبهولى واحد بتاع اكسسوارات معرفة فى سيدى بشر

[Badrawy]

و نانجينج دي ماركه كويسه ؟ هوه السعر بيتهيألي كويس على اساس انه الكاوتش كبير

طيب ممكن تقولي الراجل ده فين ؟

[zocor742]

بس يا بدراوى باشا هو الراجل دة معرفة وهو بيتعامل مع واحد لما حد بيطلب منة كاوتش بيجبهولة منة بنفس سعرة
يعنى بينهم شغل وبيشغلوا بعض
مزلقان سيدى بشر شارع المسرح قبلى السكة الحديد اول شارع شمال من شارع المسرح
تمشى فية شوية هتلاقى تقاطع هو المحل على الامة الشمال من التقاطع وهتلاقية محل صغير وواخد زاوية شمال تقاطع الشارع اللى انت جاى منة
وافتكر كان فية نوع تانى تقريبا بريدجستون اندوليسى كان تقريبا ب 450 او اكتر مركزتش مع النوع دة
والنانجيتج تيوانى على فكرة بس بجد حاسس انة مريحنى عن الكومهو اللى كان راكب وبالزات مع الفرامل مش بيصرخ زية وصوتة اهدى منة
لو نويت تروحلة قولى قابليها او قابلنى يوميها وانا هظبتك معاة عشان اجيبهوملك بأقل سعر ان شاء الله