لمبة البنزين

[hanzcanz]

السلام عليكم
اخوانى الكرام
ارجوا المساعده فى المشكله التاليه
عندى سيارة فيورا م 85 والمشكله لمبة البنزين لا تضئ (التى تخبرنى ان البنزين اوشك على الانتهاء) وحاولت ان اجد السلك الخاص بها ربما يكون مقطوعا او شئ ما فلم أعرف
ارجوا المساعده فى ايجاد مكان السلك الخاص باللمبة او مكان توصيلها وشكرا

[newhansol]

هوة فى كدة احتمالين مالهومش تالت

يا اما السلك الى فى العوامة بتاعت البنزين مفصول

يا اما اللمبة الى فى التابلو عندك محروقة او مش متوصلة كويس

طب الحل

خلينا الاول فى اللمبة الى فى التابلو نفك التابلو ونشوف اللمبة فين ونختبرها ممكن نشيلها من مكانها ونركبها مثلا مكان اى لمبة تانية فى التابلو تكون نفس حجمها بتاع النور الصغير مثلا ولو نورت يبقى كدة اللمبة سليمة ومفيش مانع برضة ننضف مكان الريش الى للمبة راكبة فيهم والى ملمسة على البوردة بتاعة التابلو من ورا العدادات جايز تكون الحتة النحاس الى راكبة فيها اللمبة تكون مجنزرة ومش موصلة كويس واللمبة هاتلاقيها راكبة فى ظرف بلاستك لونة اسمر وبيتفك بانك تلف الظرف دة ناحية الشمال وتشد لبرة تلاقة اتفك من التابلو وطلع واللمبة راكبة فية ممكن ساعتها بقى تشيل الظرف دة وتركبة مكان ظرف تانى زى ما قلنا قبل كدة النور الصغير مثلا ولو ماشتغلش تفك اللمبة منة بانك تشدها لبرة هاتطلع فى ايدك على طول وجايز تعصلج شوية س عادى هية اصلا بتركب كبس

كدة خلصنا من الاحتمال الاول

الاحتمال التانى يكون السلك الى العوامة كل الى هانعملة نروح للعوامة هانلاقى فيها سلكين نفك واحد منهم ونوصلة بالارضى بتاع العربية لو موشر البنزين اداك قراية على الفول تنك يبقى دة مش سلك اللمبة
سلك اللمبة هايبقى التانى

برضة نخلعة بعد مانكون وصلنا التانى مكانة علشان مانعكسهومش مع بعض
ونجرب اننا نوصلة على الارضى (جسم العربية يعنى ) وبعدين نبص لو مالاقيتش اللمبة نورت بيقى كدة العيب ممكن يكون فى الريشة الى فى العوامة بتاعت البنزين وكدة هاتعوز تفك العوامة

والموضوع ممكن يكبر وماتعرفش ترجعها مكانها تانى يبقى عليك وعلى الكهربائى بقى
بس كدة يبقى حضرتك هاتروحلة وعارف فى اية بالظبط

وان شاء الله تبقى بسيطة وتلاقى العطل من غير ماتروح للكهربائى

[hanzcanz]

شكرا

شكرا يا اخى على تعبك معايا
والله افدتنى كثيرا
بس ليا سؤال
فين مكان عوامة البنزين؟
يعنى فى الحوض قدام ولا من عند الخلف جنب التانك؟
وشكرا مره اخرى

[newhansol]

العوامة بتبقى فى تنك البنزين على ما افتكر يعنى فى عربيتنا الفيورا زمان كنت بشيل الكنبة من مكانها هية راكبة على مفصلات بتتفتح زى الباب كدة يشدها من ناحية الضهر الى بسنتد علية تمد ايدك بين الكنبة والضهر وترفع لفوق هاتلاقيها فتحت زى باب صندوق كدة

[hanzcanz]

شكرا اخى الكريم على تعاونك ومحاولتك للمساعده

[hanzcanz]

هوة فى كدة احتمالين مالهومش تالت

يا اما السلك الى فى العوامة بتاعت البنزين مفصول

يا اما اللمبة الى فى التابلو عندك محروقة او مش متوصلة كويس

طب الحل

خلينا الاول فى اللمبة الى فى التابلو نفك التابلو ونشوف اللمبة فين ونختبرها ممكن نشيلها من مكانها ونركبها مثلا مكان اى لمبة تانية فى التابلو تكون نفس حجمها بتاع النور الصغير مثلا ولو نورت يبقى كدة اللمبة سليمة ومفيش مانع برضة ننضف مكان الريش الى للمبة راكبة فيهم والى ملمسة على البوردة بتاعة التابلو من ورا العدادات جايز تكون الحتة النحاس الى راكبة فيها اللمبة تكون مجنزرة ومش موصلة كويس واللمبة هاتلاقيها راكبة فى ظرف بلاستك لونة اسمر وبيتفك بانك تلف الظرف دة ناحية الشمال وتشد لبرة تلاقة اتفك من التابلو وطلع واللمبة راكبة فية ممكن ساعتها بقى تشيل الظرف دة وتركبة مكان ظرف تانى زى ما قلنا قبل كدة النور الصغير مثلا ولو ماشتغلش تفك اللمبة منة بانك تشدها لبرة هاتطلع فى ايدك على طول وجايز تعصلج شوية س عادى هية اصلا بتركب كبس

كدة خلصنا من الاحتمال الاول

الاحتمال التانى يكون السلك الى العوامة كل الى هانعملة نروح للعوامة هانلاقى فيها سلكين نفك واحد منهم ونوصلة بالارضى بتاع العربية لو موشر البنزين اداك قراية على الفول تنك يبقى دة مش سلك اللمبة
سلك اللمبة هايبقى التانى

برضة نخلعة بعد مانكون وصلنا التانى مكانة علشان مانعكسهومش مع بعض
ونجرب اننا نوصلة على الارضى (جسم العربية يعنى ) وبعدين نبص لو مالاقيتش اللمبة نورت بيقى كدة العيب ممكن يكون فى الريشة الى فى العوامة بتاعت البنزين وكدة هاتعوز تفك العوامة

والموضوع ممكن يكبر وماتعرفش ترجعها مكانها تانى يبقى عليك وعلى الكهربائى بقى
بس كدة يبقى حضرتك هاتروحلة وعارف فى اية بالظبط

وان شاء الله تبقى بسيطة وتلاقى العطل من غير ماتروح للكهربائى

كلامك مظبوط
انا رحت للكهربائى ففتح الشنطه ووصل الأسلاك اللى جوه بسلك معاه بس مش عارف عمل ايه بالضبط وقالى بص على المؤشر فلاقيت المؤشر بقى فول واللمبه نورت
وراح مقفل تانى بالشيكارتون وقالى كده هتنزل التانك وتجيبلى العوامه
طيب السؤال هنا
لما هو عمل كده واللمبه نورت معاه ماكنش ينفع يشغلها؟

[newhansol]

طب لما هوة عمل كدة واتاكد ان العوامة هية الى مش شغالة ماحلهاش لية
ولا هية رزالة وخلاص كدة انت اتاكد ان العوامة فيها حاجة ممكن تكون الريشة بتاعتها معلقة بس وعايزة تتنضف وترجع تانى زى الفل او على اسوء الفروض تتغيرت بواحدة جديدة

هوة الى عملة وصل السلكة الى فى ايدة دى بجسم العربية ووصلها بالسلك بتاع العوامة ومرة بالسلك بتاع لمبة البنزين علشان يتاكد ان العيب مش من الموشر ولا اللمبة الى فى التابلو

بس برضة السؤال مازال قائم

لية محلهاش هوة التنك عند حضرتك مش باين ولا حاجة
دة العوامة فى الفيورا من فوق ولا انا غلطان
مش زى عندنا فى ال28 القديمة لازم تحل النتك الاول

دى حاجة تنرفز والله طب ماتحلها بايدك ولا لازم اروح لحد يحلها واجيبها لسياتك علشان تتصور جنبها وتبقى للذكرى
عالم عايزة الحرق

[ahmedsamir79]

طب لما هوة عمل كدة واتاكد ان العوامة هية الى مش شغالة ماحلهاش لية
ولا هية رزالة وخلاص كدة انت اتاكد ان العوامة فيها حاجة ممكن تكون الريشة بتاعتها معلقة بس وعايزة تتنضف وترجع تانى زى الفل او على اسوء الفروض تتغيرت بواحدة جديدة

هوة الى عملة وصل السلكة الى فى ايدة دى بجسم العربية ووصلها بالسلك بتاع العوامة ومرة بالسلك بتاع لمبة البنزين علشان يتاكد ان العيب مش من الموشر ولا اللمبة الى فى التابلو

بس برضة السؤال مازال قائم

لية محلهاش هوة التنك عند حضرتك مش باين ولا حاجة
دة العوامة فى الفيورا من فوق ولا انا غلطان
مش زى عندنا فى ال28 القديمة لازم تحل النتك الاول

دى حاجة تنرفز والله طب ماتحلها بايدك ولا لازم اروح لحد يحلها واجيبها لسياتك علشان تتصور جنبها وتبقى للذكرى
عالم عايزة الحرق

+1
ميكانيكي مستفز

[hanzcanz]

بس برضة السؤال مازال قائم

لية محلهاش هوة التنك عند حضرتك مش باين ولا حاجة
دة العوامة فى الفيورا من فوق ولا انا غلطان
مش زى عندنا فى ال28 القديمة لازم تحل النتك الاول

من الواضح كده انه ماينفعش يطلع العوامه من مكانها إلا لما يسقط التنك
علشان كده قالى روح لميكانيكى يفكلك التنك وتجيبلى العوامه اشوفها وتروح ترجعها تانى للميكانيكى يركبهالك قبل ما يركب التانك
انا عموما زهقت خلاص
واشكرك على تعاونك يا اخى

[elgamel]

طيب يابشمهندس لو العوامة لظروف ما مفيش فيها سلك خالص ازاى نوصل سلك العوامة مع الشكر

[sadeek]

لو سمحت العوامه بتاعه النصر برده ليها الباب دة ولا مختلفه

[sadeek]

لوسمحت النصر ليها نفس الباب دة ولا مختلف