الافوميتر

[ramyraby]

ياشباب صباح الفل
عندي سؤال بسيط لاصحاب الخبرة
ازاى اقيس شحن البطارية والدينمو بالعربية بالافوميتر بتاع الاكتورنيات
ولكم منى جزيل الشكر والتقدير

[newhansol]

صباح الفل يا استاذ رامى
بص حضرتك هوة الافو الديجيتال الى معانا دة هتلاقى اقصى امبير بيقيسة هوة 20 امبير وحوالى 600 فولت سواء كان dc او ac

الا اذا كان حضرتك معاك الافو اليابانى ودة تمنة بيوصل 700 جنية ودة طبعا ممكن يقيس امبير عالى مش 20 بس

وبالتالى لو وصلنا الافو بتاعنا دة ابو 30 جنية هايضرب على طول ويبوظ

انما الصانيعية بيعملو اية بقى
بيجيب امبير شحن الى هوة عداد بيقيش الشحن وتلاقية مكتوب القيمة بالامبير ودة عداد انالةج عادى زى بتاع الحرارة والزيت كدة
حضرتك بتجيب العداد دة وتفك الموجب بتاع البطارية والعربية شغالة وبعدين تحط الطرف الى اتفك دة مع طرف من العداد والطرف التانى على صوباع البطارية الى كان راكب فية الافيز الموجب الى انت فكيتة وبعدين تزود للعربية شوية بنزين هاتلاقى العداد بيقرا

لو لاقيت المؤشر بيتحرك شوية صغيرييت قوى يكاد يكونو مش باينيين يبقى كدة شحن الدينامو عندك ضعيف ولو المؤشر اتحرك شوية كويسين بس مش كتير قوى يعنى مش بيجيب اخر العداد يعنى يبقى كدة الشحن كويس ولو الموشر جاب اخر العداد وانت بتزود حاجات بسيطة للعربية (بنزين يعنى) ولاقيت الموشر بيعمل كدة وبيروح للاخر العداد يبقى كدة فى شحن زيادة وهاتلاقى البطارية بتفور كل شوية وبتشم ريحة الحمض بتاعها كل لما ترجع من مشوار بالعربية

بس دى كل الحكاية

[ramyraby]

والله افتندني جداجداجداجداجداا جزاك الله خيرا وتسلم ياباشا على ردك المفيد الجميل الف شكرا

طيب بس سؤال بسيط ممكن اوصل العداد الانلوج ده علاطول في السيارة ؟؟؟؟
ولك مني اغلى التحيات

[newhansol]

علشان توصلة محتاج كهربائى مش هاتعرف تعملة لوحدك

انت بس اشترى العداد وادية للكهربائى وقلة وصهولى

انا بصراحة مركبتش عداد من دة قبل كدة بس ناوى اركب واحد بعد الحركة النص كم اللى البطارية عملتها معايا فى يومين الشبورة الى فاتو

[sameh127]

فى الدايو لانوس الدينامو السليم بتاعها بيشحن 14 امبير فى الساعة و لما تشغل التكييف بيقل الشحن الى 13 امبير فى الساعة كل ده و العربية دايرة و واقفة فى مكانها ،طبعا الشحن حيزيد قليلا لما تزود السرعة

[mr_sameh]

ياباشا انا عندي افوميتر وبقيس بيه الشحن وخرج الدينامو والموضوع بسيط جدا
اولا انت هتقيس الفولت الخارج من الدينامو وده والعربيه دايره
هتظبط المؤشر بتاع الافو علي dc v 20 وتحط الموجب بتاع الافو مع الموجب بتاع البطاريه والسالب مع السالب والقاياس غالبا هيكون 14 او كتر شويه او اقل شويه وده والانوار والتكييف مفصولين وبعد كده شغل الانوار والتكييف وقيس الشحن هتلاقي القراءه تقل الي 13 واكتر شويه
وبكدا هتعرف الدينامو بيخرج قد ايه
ثانيا ممكن تقيس شحن البطاريه وده لازم تكون العربيه مش دايره غالبا هتكون القراءه 12.50 فيما فوق كل لما الكسر زاد كل ما كانت البطاريه مشحونه كويس لو الرقم اقل من كده بكتي رالعربيه ما تدورش
اذا في النهايه الافوميت رتقد تقيس بيه عادي وكمان معظم الكهربائيه شغالين بيه

[newhansol]

الى حضرتك بتقيسة دة هوة فرق الجهد وليس شدة التيار

واحنا محتاجين نعرف شدة التيار مش فرق الجهد بتاعة

وفعلا الموضوع بسيط مش معقد

وعلى فكرة الكهربائية مش شغالين بية الى شغالين بية دة امبير الشحن
ودة بيقيس بردة شحن البطارية مش الفولت

حتى بيبقو حاطين امبير الشحن دة فى علبة سماعة كدة صغيرة من الى بتتحط فى العربية تلاقية خارم فى وسط العلبة وحاطط الامبير فيها

مش كدة ولا اية يا متر

[mr_sameh]

الى حضرتك بتقيسة دة هوة فرق الجهد وليس شدة التيار

واحنا محتاجين نعرف شدة التيار مش فرق الجهد بتاعة

وفعلا الموضوع بسيط مش معقد

وعلى فكرة الكهربائية مش شغالين بية الى شغالين بية دة امبير الشحن
ودة بيقيس بردة شحن البطارية مش الفولت

حتى بيبقو حاطين امبير الشحن دة فى علبة سماعة كدة صغيرة من الى بتتحط فى العربية تلاقية خارم فى وسط العلبة وحاطط الامبير فيها

مش كدة ولا اية يا متر

كلامك مظبوط جدا انا اللي بقيسه فرق الجهد مش الامبير
بس اعتقد انه ينفع تشوف الحاله العامه