أيه الفرق من توطيه الكهرباء او تعليته من الاسبراتير؟

[anwarnono]

السلام عليكم ورحمه الله وبركاته.
عاوز اعرف أيه ميزه وسلبيه توطيه وتعليه الكهرباء من الاسبراتير؟

[ahmed_h_g]

أنا أعرف ان الموضوع ده بيتم حسب نوع البنزين اللى بتمونه
يعنى فيه نوع بنزين بتأخرله الكهرباء زى بنزين 80 علشان تمنع تسقيفة الموتور لتلاشى تلف عامود الكامه على المدى البعيد
أنتظر باقى ردود الأعضاء .

[محمد فريد]

لما بتعلى الكهرباء العربية بتسحب اكتر على السلانسيه والغيارات بتبقى ناعمة بس فى المعقول - يعنى لو عليت اكتر من اللازم العربية هتسقف معاك وبتبان قوى عند الشد - وايضا بيعتمد على حالة البوجيهات
بص ظبط (على ووطى) وجرب تدوس بنزين لغاية متلاقى مفيش تسقيف وكده يبقى تمام
وزى مقال الاخ أحمد التسقيف خطر على عمود الكامة على المدى الطويل

[anwarnono]

شكرا جزيلا على ردك.
تأخير الكهرباء يعنى تعليتها أم توطيتها،وأنا عالطول بحطت بنزين 92 والمكانيكى فى اخر زيارة له علالى الكهرباء علشان بيقولى توفى معاك فى الاستهلاك بس لاقيت فى تسقيفه فى الماتور ولازم احرق اوى على الغيار علشان تتمنع.


وألف مليون مبروك لمصر............

[محمد فريد]

ألف مبروك يا باشا

بص لف الاسبراتير سنة يمين بس امسك من عند الالمونيوم اللى فى الجنب دى متلفش من الغطا عشان ميتكسرش وتبقى مشكلة
لف سنة صغيره يعنى حوالى 3 -5 مللى بالظبط مع عقارب الساعه (والعربية مطفية عشان متصعقش)

[reamoz]

تعلية = تقديم ودة المصطلح الأصح لأنك بتقدم ميعاد الشرارة
توطيه = تأخير ودة برضة الصح لأنك بتأخر ميعاد الشرارة
التصقيف حله تأخير الكهرباء شوية لأنة شكلة قدمها زيادة عن اللزوم

[sobhysm]

ألف مبروك يا باشا

بص لف الاسبراتير سنة يمين بس امسك من عند الالمونيوم اللى فى الجنب دى متلفش من الغطا عشان ميتكسرش وتبقى مشكلة
لف سنة صغيره يعنى حوالى 3 -5 مللى بالظبط مع عقارب الساعه (والعربية مطفية عشان متصعقش)

أنت كدة بتأخر ولا بتقدم الكهربا

[mrghost]

تعلية = تقديم ودة المصطلح الأصح لأنك بتقدم ميعاد الشرارة
توطيه = تأخير ودة برضة الصح لأنك بتأخر ميعاد الشرارة
التصقيف حله تأخير الكهرباء شوية لأنة شكلة قدمها زيادة عن اللزوم

+1111111111111111111111111

[محمد فريد]

أنت كدة بتأخر ولا بتقدم الكهربا

باخر ياباشا ده ف عربيتى ال128

[asdddapor]

شوف دور العربية ولف الاسبراتير سنه يمين اكنك بتربط مسمار كل سنة حوالى 2مم وزود للمكنة وشوف لحد متح ان المكنة نعمت معاك والله اعلم

[anwarnono]

بالفعل أنا أخرت شرارة الاشتعال سنه يمين اكتشفت ان صوت المكنه وطى شويه والتسقيفه منعت،بس نفسى اعرف ده ايه علاقته لما تكون العربيه تعلى الكهرباء فيها بيأثر على استهلاك البنزين أزاى من الناحيه العلمية،علشان الميكانيكى هو الى على الكهرباء.

[محمد فريد]

هى عربيتك نوعها ايه؟

[anwarnono]

سوزوكى سويفت

[romantic_guy82]

يا جماعة انا عندى مشكلة مش عارف زى دى ولا لأ . انا عندى العربية بتعمل صوت خروشة كدة يشبة بصيت صوت التسقيف بس متواصل لو دوست بنزين جامد وانا ماشى فى اول الغيار وبيروح بعد مالعربية سرعنها تعلى وبيبان اوى لما اجيب الخامس وانا على سرعة 80 بس لو فضل ماشى على الرابع لحد 110 ميعملش الصوت دة .انا عربيتى اونو موديل 93

[reamoz]

يا جماعة انا عندى مشكلة مش عارف زى دى ولا لأ . انا عندى العربية بتعمل صوت خروشة كدة يشبة بصيت صوت التسقيف بس متواصل لو دوست بنزين جامد وانا ماشى فى اول الغيار وبيروح بعد مالعربية سرعنها تعلى وبيبان اوى لما اجيب الخامس وانا على سرعة 80 بس لو فضل ماشى على الرابع لحد 110 ميعملش الصوت دة .انا عربيتى اونو موديل 93

أيوا ده نفس العيب بس انا مش عارف عربيتك فيها إسبراتير عادي ولا لأ
لو فيها يبقى توطي الكهرباء منه لكن لو إشعال إلكتروني يبقى مش هتعرف توطي الكهرباء ولا تعليها ساعتها بقى تغير البوجيهات وفلتر الهواء وتحط بنزين أوكتان أعلى من اللي إنت بتحطه
يعني لو بتحط 80 تحط 90 ولو بتحط 90 حط 92 هتلاقي التسقيف ده راح إن شاء الله

وبالنسب للتفسير العلمي للأخ anwarnono
ببساطة كدة لما الكهرباء بتكون عالية أو بعنى أصح مقدمة بيكون توقيت شرارة الإشتعال بدري قوي قبل مايكون البستم طلع لأعلى نقطة في الشوط بتاعة فبيحصل الإنفجار وبيولد طاقة بتحاول تدفع البستم لأسفل ولكن البستم لازم يكمل مشوارة لحد فوق وبعدين يبتدي ينزل فبينتج تضارب بين قوة الإنفجار وقوة دفع البستم لأعلى ودة اللي بيطلع صوت التسقيف
وبعد مالبستم يخلص مشوارة لفوق يبتدي ينزل تاني مدفوع ببقايا قوة الدفع التولدة من الإنفجار
وبالتالي بيكون في جزء كبير من الطاقة فقد في الخناقة اللي كانت حاصلة بين البستم وهو طالع والطاقة اللي بتزقه لتحت يبقى بنزين إتحرق وجزء كبير منه راح على الفاضي!
وبكدة يبقى البنزين بيتحرق على الفاضي والعزم بيروح في الخناقة