عطل في المارش 128

[ehab2008]

السلام عليكم ورحمة الله وبركاته
الصراحة دي أول مشاركة لي في المنتدى
وأنا لسه مسجل حالاً
كان عندي استفسار
كل ما أشغل العربية
المارش يعلق ويصدر صوت عالي
والعربية تدور بعد عدة محاولات
وكمان لازم افضل ضاغط على المفتاح كتير
يا ترى إيه السبب؟
مع العلم أنا ما ليش في صيانة السيارات أصلي لسه جديد
أرجو المساعدة
ولكم جزيل الشكر

[kha_led29]

كان عندى نفس الموضوع فى الفيات 132
شوف البوجهات اما تغيرها اوتنظفها
وكمان ضبط كهربا

[ayman1974]

كل ما أشغل العربية
المارش يعلق ويصدر صوت عالي
والعربية تدور بعد عدة محاولات
وكمان لازم افضل ضاغط على المفتاح كتير
يا ترى إيه السبب؟

بص انا برضة واجهت المشكلة دي في ال 132 على حسب الصوت ممكن تكون حاجة من 2
1) اوتوماتيك المارش بيعلق و ده يديلك تكة و تفضل تحاول لحد ما مرة تعلق معاك و تدور
2 ) لو صوت التكة متواصل يعني تكتكة كتير طول ما بتدور ممكن يكون يكون ترس البندكس بتاع المارش اتكسر
و الله أعلم

[mido70007000]

الله يعينك يا ريس
الموضوع ده كهربا وهو كالاتى
1-غير الكوندنسر
او
2-اعمل تشك على (كابلا البطارية ممكن تكون بتهرب او تشك على الموبينا )
او
3-تشكعلى (جلب المارش او ترس البندكس )
وكل اللى فات ده الكهربائى يعمله
وبالمرة غير البوجيهات عند ميكانيكى
ونصيحة متخلليش ال128 تطول معاك كتير لانها عربية متعبة جدا
واتمنى لك احسن عربية فى الدنيا تبقى معاك وسلامى