موقف سخيف جدا حصلي مع العربيه

[mr_sameh]

شكرا لمروركم جميعا

[Amr2004IBM]

اكيد كنت بدور العربيه و كل الانوار مفتوحه وده بقلل الجهد للبطاريه وبتالى ممكن العربيه مدورش
خلى بالك من النقطه ديه لما تيجى تدور تتاكد ان كل الانوار مقفوله وبعد ما دور الموتور شغل الى انته عيزو

[firstgenral]

حصل معايا كذا مرة وبعدين نضفت اقطارب البطارية كويس ورشيت عليها اسبراي wd-40 ومن يوميها الحياة زبادي في الخلاط بتدور من اول تكة ومعملتهاش تاني ابدا

ده كان في السوزوكي مانيوال

[mahmoud5777]

ممكن نفس الموقف ده يحصل من فبراية الكونتاك الكهربائية بيسموها فيشة وهى قطعة بلاستيك مدورة جواها نقط توصيل شبه الابلاتين وظيفتها انها تفتح كهربا مع التكة الاولى ودور مع التانية والتانية دى بتكون سوسته يعنى بتخلى المفتاح بعد مدور يرجع اد ربع دايرة وتكة وانت راجع تقفل كهربا عن الانوار والطابلوه وتفضل موصله للموتور والتكة الاخيرة وانت راجع برضو تقفل كهربا عن العربية بالكامل


الفيشة دى لما بتهيس بتخليك تتجنن يعنى تيجى الصبح تدور اول تكة النور يشتغل والحياه فل وبعدين تلف المفتاح ............... ولا الهوا ولا كأن حاجة حصلت وتقعد تضرب اخماس فى اسداس وبعدين ييجى الكهرابائي يحط المفتاح ويدور تجي معاه دبل وتدور من اول مرة هاهاها

ودى تقدر تعرفها من كتاوت المارش تفتح المفتاح مدارتش تقفل كتاوات المارش بايدك دارت يبقى العيب فى الفيشة مادرتش يبقى مارش او قطايش البطارية

طريقة تانية سلك وتفك الفيشة اللى جاية من الكونتاك وتقريبا بتوصل سلك الكهربا وده بيبقى مميز بالاسلاك التانية واحد واحد هتلاقيه مع واحد بينور الطابلوه ومع التانى بيدور المارش هتروح موصل السلك بتعاع نور الطابلوه معاه وتلمس المارش لغاية ماتدور بس مانصحكش انك تعمل الحركة دي إلا لو كنت شفتها بتتعمل قبل كدة ادامك

ممكن كمان فيوز يكون شكله فل بس للاسف موش بيستحمل الامبير العالى بتاع الدوارة

يارب اكون عرفت افيد اى حد

[mr_sameh]

غيرت المارش كله استيراد جبته 175 جنيه وفكيت المارش القديم لقيت فيه نحاستين فيهم تاكل

[mahmood_125]

هو لو العربية مش بتلقت اصلا يبقى دة عيب كتاوت المارش واكيد فيه حاجة بس لو وانتا بدور سمعت حاجة بتكتك يبقى عيب بطارية او اواطيش مهربة

[mohabelnegm]

لو العربية بتجيب مارش عادى و مابتدورش, احتمال كبير تكون المشكلة طلمبة بنزين(الموضوع دة حصل معايا بالضبط, أن مرة العربية كانت بتجيب مارش و مابتدورش و بعد ربع سااعة دارت بدون مشاكل, بعديها بأسبوعين حصل نفس الشىء و أتضح أن طلمبة البنزين بايظة و غيرتها.

[mr_sameh]

اخيرا ركبت كتاوت خارجيه للمارش