عندى مشكلة خنقانى اوى

[sary005]

المشكلة اللى عندى كا الاتى اوى ما ادوس كلاكس اسمعى صوت خروشة فى السمعات + لما بتدى رعاش بتعمل نفس القصة الناس قالت غير سلك البوجيهات غيرتها و جبت كابلات كربون و حرارى برضو نفس الموضوع مش عارف من اية دة باء يا جماعة و لما بوصل المديليتور برضو بعمل صوت غلوشة مع انى المديليتور لما بوصلى فى عربية تانية شغال زى الفل غيرت سلك ولاعة العربية و جبت سلك جديد 2 مل من البطارية للولاعة علاطول نفس الكلام قولت يمكن سلك كهراباء الجى ام برضو جبت من البطارية للجى ام علاطول نفس الحكاية الصوت برضو موجود مش عارف باء ياريت حد يفيدنى

العربية : 128 موديل 1998


ارجوووووووووووووووووو المساعدةةةةةةةةةةةةةةةة علاشان اتخنقت والله ابيع العربية علاشان الموضوع دة

لو حد يعرف واحد بيركب كاست كويس فى اى حتة اروحلو وقتى علاشان احل المشكلة دية بس الرد بسرعة لو سمحتو


________________________________

تم تنبيهك أكثر من مره فى مشاركات سابقه

على ضرورة كتابة لفظ الجلاله بشكل صحيح

وواضح أنك غير مهتم بتعليمات الإداره

وسيتم أتخاذ أجراء آخر

لو لم تراعى كتابة لفظ الجلاله بشكل صحيح فى مشاركاتك المستقبليه


مشرف الورشه والقسم التعليمى

[shankosi]

العيب في الكاسيت نفسه مش اي حاجة من اللي انت عملتها دي

مشكلته انه مافيهوش دائرة تنقية ودي بتكون عباره عن علبة صغيرة شبه الكتاوت وبتيجي مع ضفيرة الكاست نفسه على سلك الماس بتاع الكاست. ممكن تكون ببتباع لوحدها عند بتوع الاكترونيات والكهربائي يركبها في ربع ساعة وخلاص.

سبب آخر، أطراف الأرضي - عامة - عندك مش كويسة ومحتاجة تثبيت أو تنظيف.

بس مش عارف ليه الموضوع ده - انا لما كان عندي 128 كان فيها نفس العيب بس اختفى لما غيرت الكاسيت وكنت أياميها جايب كاسيت قاريونس ليبي وكان مكسر الدنيا أيامها.

الله يرحم أيام زمان

[lobna_yaseen]

العيب مش فى ده كله ده كله يرجع إلى ضبط الفيوزات لأنى حصل معايا كده ولما ضبطنا الفيوزات كله إتظبط راجع على الفيوزات

[sary005]

يعنى اية اظبط الفيوزات يعنى اغيرها ولا اية بالظبط

[Ahmmansour]

المشكلة ان السلك من الكاسيت إلى السماعات ممكن يكون ملمس ارضى يجب عزل السلك تماما فقط جسم الكاسيت وصله بالأرضى.

[sary005]

انا مركب جى ام فى الشنطة يعنى السلك من الجى ام لسمعات علاطول حوالى طول السلك 1 متر او 1.5 متر بس مش اكتر من كدة يباء ملمس فين باء ياريت توضحلى اكتر

[lobna_yaseen]

[QUOTE=sary005;3872757016]يعنى اية اظبط الفيوزات يعنى اغيرها ولا اية بالظبط[/
QUOTE

لأ مش تغيرها هتروح للميكانيكى أو الكهربائى وتقوله راجع لى على الفيوزات بتبقى مامسه فى بعض لأنى حصل معايا كده فالميكانيكى فتح علبة الفيوزات ولعب فيهم شويه الحقيقه مش عارفه عمل إيه لأنى كنت فى العربيه كل شويه يقولى دورى العربيه أو دورى الكاسيت وكمان أنا كان عندى نور الصالون فصل بس بعد ماضبط الفيوزات نور الصالون والكاسيت إتظبطوا وعموما الكاسيت ونور الصالون كانوا عندى مع بعض بيتأثروا ببعض ولما ده اتظبط الكاسيت إتظبط مش بتاخد خمس دقايق

[motazyounes]

الحل الأكيد

كانت عندى نفس المشكلة وكانت مجننانى
وان شاء الله الحل هو
لو الغلوشة بتحصل بس لما تدور العربية انما وهى مبطلة كله بيكون تمام
فالحل لضبط المنظومة كلها تغيير سلك البوجيهات بنوع حرارى اسمه تيسلا تشيكى وثمنه حوالى 40 جنيه
و ده حايحل المشكله ان شاء الله بدون ما تدخل فى متاهات
وهات النوع اللى ذكرته مش اى نوع تانى
ويفضل تأخذ سلك موجب الكاسيت لوحده و مستقل من البطارية مباشرة بلاش يكون من سلك بيغذى حاجه تانية زى الكلاكس او اى حاجه تانية