توصيل لمبه مروحه الريداتير

[khaled_sabry]

ركبت امبارح مروحه كهرباء للريداتير بدلا من المروحه اللى على السير القديمه للى كانت عندى
عاوز اركب لمبه فى التابلوه تشتغل مع مروحه الريداتير (عاوز انا اللى اركبها بنفسى دون كهربائى)
لأنى اخاف لاقدر الله لحسن تتحرق و لا حاجه و انا ماشى و مش حاسس بيها


فهل اللمبه دى بتتوصل توالى ولا على التوازى من المروحه ؟؟؟
لأن فى حاله
1- التوازى مع المروحه .. ممكن المروحه لاقدر الله تتحرق وح تلاقى المبه شغاله عادى
2- توالى : و ساعتها المبه استحاله تشتغل الا مع المروحه بس وقتها فرق الجهد حيتقسم على اللمبه و المروحه و بالتالى المروحه حتشتغل نصف سرعتها
وسؤال اخر معلشى

عاوز اغير لثرموثتات بتاعت الريداتير ... بسأل المحل بقوله عاوز ثرموثتات بتشتغل على 70 مثلا .. و لا لازم افك الثرموستات اللى موجوده عندى علشاان اجيب نفس مقاسها
ياريت الافاده و اسف على الاطاله

[khaled_sabry]

ولا واحد عارف الاجابه ؟؟؟؟
مع انه سؤال سهل و كل اللى معاه 128 عاملينه ؟؟؟

[newhansol]

هاتركب لمبة على التوالى عادى مش هاتسحب زى ما انت متخيل مش للدرجة يعنى

وموضوع الترموستات لازم تجيب نفس سن القديم لان كل عربية وليها شكل ترموستات من الافضل انك تخلعة وتجيب واحد زية بالظبط ونفس السن بس بدرجة حرارة اقل لى انت عايزها

[khaled_sabry]

هاتركب لمبة على التوالى عادى مش هاتسحب زى ما انت متخيل مش للدرجة يعنى

وموضوع الترموستات لازم تجيب نفس سن القديم لان كل عربية وليها شكل ترموستات من الافضل انك تخلعة وتجيب واحد زية بالظبط ونفس السن بس بدرجة حرارة اقل لى انت عايزها

انا حجرب اوصلها على التوازى زى ماقولت
بس بالنسبه للثرموثتات اشتريت واحده عادى من السابع والراجل مسألنيش عاوزها لعربيه ايه و ركبت وخلاص
فهو الواضح ان الاختلاف من موديل للتانى هو درجه الحراره اللى بيشتغل عندها
.