لمبة الايرباج بتنور وتطفي علي طول مش عارف ؟؟؟

[mohamedrabia]

السلام عليكم ورحمة الله

لمبة الايرباج بتنور وتطفي علي طول مش عارف من ايه وهل ده خطر ممكن لقدر الله الاير باج يتفتح العربية نيسان صني 2007 يا ريت لو حد مر بالكلام ده يفيدني لاني بجد قلقان ومش عارف اظبط ايه

[mohamedrabia]

مفيش حد مر بالتجربة ده قبل كده افيدونا

[mohamedrabia]

منتظر رد واحد مش عارف اعمل ايه

[samirayad]

ممكن تكون فيشة حساس الأيرباج مهزوزه وعاوزه أعادة تأكيد للتوصيل

أو فيه فيوز فى الدايره ( وموجود فى علبة الفيوزات الصغيره غالبا )

عاوز يتأكد على تركيبه على مكانه بالعلبه

[doctor_eid]

السلام عليكم ورحمة الله

لمبة الايرباج بتنور وتطفي علي طول مش عارف من ايه وهل ده خطر ممكن لقدر الله الاير باج يتفتح العربية نيسان صني 2007 يا ريت لو حد مر بالكلام ده يفيدني لاني بجد قلقان ومش عارف اظبط ايه

ياحبييييييبي
انا باعاني من نفس المشكله من زمان (برضه صني 2007) بقالها ييجي سنتين
و غلبت مع التوكيلات مودرن و السبع
اجدع واحد فيهم يبطلها يومين تلاتة و بعدين ترجع تاني
ماحدش عارف ايه السبب و لا ايه الحل
بس عموما كلهم طمنوني ان الموضوع بسيط و ليس له علاقة بالإيرباج نفسها و لا بفتحها انما بالحساس بتاعها
فأنا اخيرا بقيت باطنش و اكبر دماغي و اهي ماشية

[samirayad]

على فكره

فيشة حساس الأيرباج

غالبا بتبقى فى تجويف الكرتيره الشمال

وبتتعرض للأهتزاز مع المطبات وخلافه

ومن هنا

من الوارد حدوث أتصال ردىء مؤقت bad contact

أثناء المرور والتهدئه بالسياره على المطبات والطرق الغير مستويه

وبالتالى تقيد وتطفىء لمبة تحذير الأيرباج

[mohamedrabia]

ممكن تكون فيشة حساس الأيرباج مهزوزه وعاوزه أعادة تأكيد للتوصيل

أو فيه فيوز فى الدايره ( وموجود فى علبة الفيوزات الصغيره غالبا )

عاوز يتأكد على تركيبه على مكانه بالعلبه

شكرا لاهتمام يا باشمهندس سمير ومعلومة بجد ممتازة وهتاكد منها لو عادت المشكله

ياحبييييييبي
انا باعاني من نفس المشكله من زمان (برضه صني 2007) بقالها ييجي سنتين
و غلبت مع التوكيلات مودرن و السبع
اجدع واحد فيهم يبطلها يومين تلاتة و بعدين ترجع تاني
ماحدش عارف ايه السبب و لا ايه الحل
بس عموما كلهم طمنوني ان الموضوع بسيط و ليس له علاقة بالإيرباج نفسها و لا بفتحها انما بالحساس بتاعها
فأنا اخيرا بقيت باطنش و اكبر دماغي و اهي ماشية

بس يا باشا انا رحت للكهربائي الي بتعامل معاه لاني بثق فيه وهو شغله كله بالاجهزة والكمبيوتر يعني مفيش لعب ولا افتكاس حط العربية علي البرنامج قالي كله سليم بس الاير باج جهاز تاني مش عندي قلتله وبعدين انا خايف يضرب في وشي المهم علشان يعمل معايا الصح اتصل بالشركة المورده للبرنامج وقالهم هبعتلكم الراجل تمام رحت انا وواحد من صبيانه نزل مهندس من الشركة ومعاه في ايده جهاز عامل زي الفيديو جيم الصغير ولونة ازرق صراحة قلت ايه لعب العيال ده وصل الجهاز بالعربية وشال المشكله في ثواني قلتله ايه ده من ايه قالي الكمبيوتر اخد امر ان فيه عطل وسجله بس انتهي العطل فبقي العطل عامل ايرور مش بيروح بس الحمد الله اخطفي خالص بس خد 60 جنية كتير علي الثواني ده بس عرفت انت الجهاز 50 الف يعني حاجة قصاد حاجة قلت لو رحت التوكيل كنت هتروق كشف وخلافة الحمد لله

[doctor_eid]

رحت انا وواحد من صبيانه نزل مهندس من الشركة ومعاه في ايده جهاز عامل زي الفيديو جيم الصغير ولونة ازرق صراحة قلت ايه لعب العيال ده وصل الجهاز بالعربية وشال المشكله في ثواني قلتله ايه ده من ايه قالي الكمبيوتر اخد امر ان فيه عطل وسجله بس انتهي العطل فبقي العطل عامل ايرور مش بيروح بس الحمد الله اخطفي خالص بس خد 60 جنية كتير علي الثواني ده بس عرفت انت الجهاز 50 الف يعني حاجة قصاد حاجة قلت لو رحت التوكيل كنت هتروق كشف وخلافة الحمد لله

60 جنيه دول و لا حاجة بس المهم المشكلة تكون اتحلت بشكل نهائي لأن كذا مرة لما كنت باروح التوكيل اقولهم على المشكلة دي تطلع العربية بعد كده اللمبة مطفية و تقعد كده كام يوم و بعدين ترجع تاني.
عموما نتمنى ان مشكلتك تكون انتهت و نتمنى تتابعنا عن مدى ثبات هذا الحل. و ياريتك تقول لنا فين الناس دول اللي رحتلهم

[maroguidehouse]

كان عندي نفس المشكله في الاكسارا 2 و عرفت ان هو ده السبب فعلآ و حاليآ لمبه البطاريه منوره على طول و انا لسه جايبه بطاريه جديده و متوقعه انه يكون نفس السبب

[emadnd]

ياريت تقوللي الراجل اللي روحت عنده ده فين علشان انا عندي نفس المشكلة في اللانسر البوما وكتر الف خيرك