مشكلة في مؤشر البنزين

[ArafatEHegazy]

السلام عليكم

أنا عربيتي سكودا فليشيا. عندي مؤشر البنزين موش مزبوط وبيهيس .... يعني لما أفول العربية بيبقي أعلى حاجه .... بعد شويه صغيرين يعني 10 كيلو ولا حاجه بيبقي في النص .... شويه فوق وشويه تحت النص .... لما العربية بتبقي خلاص هتشتطب بنزين بيبقي في التلت كده ....
وعندي لمبه البنزين برضوا موش بتنور لأني ساعات بيبقي فاضل في التانك 4 لتر بس وبروضو موش بتنور

أنا فكيت الغطا اللي فوق التانك في الشنطة ولاقيت فتحة العوامة راكب فيها 3 سلوك وخرطومين بنزين. قولت أحاول اللمس السولك ببعضها وأشوف ايه اللي هيحصل في العداد. جربت السلوك تباديل وتوافيق لاقيت في حالة واحده بس لما بلمس سلكين العداد بيبتدي يرفع شويه بشوية .....ولما افكهم بيتدي ينزل لغاية النص ويوقف. لمبة البنزين ما بتنورس تحت أي وضع توصيل.

هل كده معناه ان العداد هو اللي بايظ؟ وهل دا بيتصلح ولا بيتغير علطول.

[caysersosaih]

العوامة هي الي بايظة وممكن تغيرها جديد او استيراد

[abb]

عندى نفس المشكله ياريت حد يفدنا

[elewey]

عندى نفس المشكله ياريت حد يفدنا

دة عيب عوامه البنزين مش اكتر واى كهربائى يغيرهالك و بالنسبه للمبه احتمال تكون محروقة بردة الكهربائى حيفك التابلوة و يغيرها مفيهاش اى مشكله

[ArafatEHegazy]

دة عيب عوامه البنزين مش اكتر واى كهربائى يغيرهالك و بالنسبه للمبه احتمال تكون محروقة بردة الكهربائى حيفك التابلوة و يغيرها مفيهاش اى مشكله

أنا سألت على العوامة الجديدة لاقيت الاصلي ب 140 جنية والصيني ب 90 جنية .... في مشكله لو جبت الصيني ولا خليني في المضمون أحسن

[elewey]

أنا سألت على العوامة الجديدة لاقيت الاصلي ب 140 جنية والصيني ب 90 جنية .... في مشكله لو جبت الصيني ولا خليني في المضمون أحسن

الاصلى يا باشا و فرق السعر مش كبير اوى ة تريح دماغك

[amr_paolo]

أنا عندي نفس المشكلة في عربيتي السيات قرطبة

[tarek_2005]

يا اخي السلوك لا توصل ببعضها ولكن بتجرب مع ارضي السيارة

[ArafatEHegazy]

يا اخي السلوك لا توصل ببعضها ولكن بتجرب مع ارضي السيارة

lموش فاهم .... يعني أوصل كل سلك بالارضي وأشوف ايه اللي بيحصل؟

[caysersosaih]

وممكن تلاقيها استيراد انضف من الصيني وارخص

[HotRide]

مش عييب عوامه يا نااااااااااااااااااااااااس !!!!!

ما هو بيقول لما بيفك كل حاجه بيرجع للنص و مفروض يرجع للصفر !!!

تجربه شخصيه كان عندي نفس العيب في سياره ريجاتا و كان العيب من العداد ان الارضي بتاعو مكنش واصل كويس عملنالو ارضي خارجي ملوش دعوه بالفييش و شغال دقيق جدا يمكن بالنقطه كمان

وده ميمنعش ان ممكن يكون العوامه بيظه كمان بس العيب الاساسي العداد طبعا اظبطو و لما يتفك كل حاجه يرجع للصفر يبقي كده كهربه العداد مظبوطه و لو لسه بيههيس غيير العوامه و يستحسن تجبها ايستيراد لو ملقتش الجديد الاصلي

و بالتوفيق و طمنا بالجديد :)

[ahit]

ممكن تكون من العوامة و ممكن يكون من العداد
نصيحة أوعى تصلح العوامة لأنها هاتبوظ تانى يعنى توكل على الله و هات جديد أصلى و إبعد عن الصينى
و ممكن يكون مؤشر البنزين اللى فى العداد هو اللى محتاج ظبط و لو بيتباع جديد يبقى فكه و غيره أفضل
و الكلام ده عن تجارب كتير مع العوامة و مؤشر البنزين فى عربيتى لأنى صرفت أضعاف سعر العوامة و كل شوية مشكلة شكل
و الجديد لعربيتى غير متوفر و للأسف الإستيراد إنت و حظك

[ahmed_said_13]

انا عندي فورد اسكورت و لما بيكون مؤشر البنزين علي الشرطة الحمرا المفروض لمبة البنزين تنور و عندي مبتنورش و لا هي الاسكورت مفيهاش لمبة بنزين و ثانيا لو دست بنزين جااااااااااااااااامد بلاقي المؤشر نزل عن مكانه الاصلي بحوالي 2 او 3 ملي و لو سبت الدواسه بيرجع تاني اعمل اية و كمان عداد السرعة بيرعش يعني هو بيدي السرعة مظبوط لكن بيرعش علس خفيف حوالين السرعة اللي انا ماشي عليها لحد 50 كيلو و لو السرعة زادت عن كده بيتظبط