ايه يعمل كده فى عداد السرعه

[aliyehia]

عربيتى 124 سبور مو 73 1600 سى سى 2 كامه و بحاول احافظ عليها قد ما اقدر
المشكله انى فى العيد و انا مسافر اسكندريه و سايق على 120 وفق لقراءه عداد السرعه مرت جنبى عربيه هوندا سيفيك بعداد ديجيتال فلمحت سرعته 105 علما انه مشى جنبى فتره يعنى اتأكدت من ده,
معنى كده ان العداد مقدم 15 كم عن الحقيقه و عملت تجربه ثانيه مع اخويا بعربيته و اتأكدت
و قبل ما حد يفكر فى السبب احب اوضح انى مغير للعربيه فتيس بولونيز 5 سرعات و كورونا سريعه و سلك السرعه مغيره بواحد جديد من حوالى شهرين لان مؤشر العداد كان بيرعش و بطل بعد تركيب السلك
ياريت حد من الاخوه الافاضل يفيدنى ايه السبب تحديدا و ازاى اتلافاه

[yarisawi]

لو مغير الكفرات بمقاس مختلف بيدى قراءة سرعة غير صحيحة

[dr.hazem]

لو مغير الكفرات بمقاس مختلف بيدى قراءة سرعة غير صحيحة

+1
تحياتي

[essamenen]

السلام عليكم
الموضوع ده كان معايه فى 131 لما كنت لسه شاريها وكل لما اسال اى كهربائى يقلى غير العدداد ففكيت العدداد من جوه لاقيت
انه عباره عن سسته ملفوفه حول بعضها زى الزنبلك تقريبا المهم بعد افلام وحوارات لقيت احسن حل هو انى اشيل المؤشر وارحله 15 كيلو زى الى عندك فلما العربيه تكون واقفه المؤشر مش بييجى على 0 انما تحت شويه وطبعا الظبط ده مبيجيش من مره واحده والمهم عندك وه سرعه 90 علشان الردار

[tarek_2005]

حضرتك مغير الفتيس وسلك عداد السرعة بيركب في الفتيس وهناك اختلاف بين عدد لفات الفتيس الحالي والفتيس القديم لذا اذهب الي رجل محترف صيانة عدادات سرعة لاختلاف عدد لفات ترس السرعة عن عدد لفات عداد السرعة ليغير لك احدهم ليتم التوافق بينهم

[aliyehia]

اشكر الجميع على الاهتمام و بعد مراجعه بتاع العدادات حبلغكم ايه اللى حصل

[amrelsaqqa]

طالما مغير فتيس وكرونة
ولو برضه مغير الجنوط ومقاس الكاوتش

يبقى مش هيدى قراءة صحيحة

[khaled_sabry]

ياجماعه
العربيه دى موديل 73 ... يعنى طبيعي العداد بتاع السرعه بتاعها يكون مرحل
انا عربيتي موديل 78 و لما ببقى ماشى على 80 العداد بيديلى 100
لأن العدادات القديمه فكرته ميكانيكيه و مع الوقت بدي قرايات غلط

[m_elkhishin]

لازم تعمل اعادة معايرة للعدادات عند فني عدادات محترم

[ahit]

أنا عندى بيدى قراءه أقل من الطبيعى 20 كيلو
و فكيت العداد و نظفته و زيته و غيرت سلك السرعة بالطاسة و لسه المشكلة موجوده

لكن اللى عرفته إن تغيير مقاس الكاوتش بيغير القراية بتاعة العداد

[khaled_sabry]

الموضوع مالهوش علاقه بالتزين
الموضوع ان فيه زنبلك و سوست جوه العداد مع الوقت بتفقد مرونتها
وهى دى اللى بتسببها بيدي قرايه اقل او اكتر من الطبيعي