النور الواطى عالى جدا فى ال 128؟؟؟؟؟؟؟؟؟؟؟؟؟؟؟؟؟

[EGYPTIANDR]

السلامو عليكم يا جماعة يا شباب المنتدى الكرام.........انا عندى مشكلتين فى الفوانيس اول واحدة ان عندى النور الواطى بيكون عالى جدا فى وجة المقابل ليا وبيقعد يرعش لى عشان اطفى مع ان دة الواطى بتاعى"" الكهربائى قالى وش الفانوس ازازة وحش ومبيهديش النور اللى طالع " طبعا انا مش مقتنع
المشكلة التانية ان لمبة الفانوس الشمال اتحرقت روحت اغيرها الراجل قالى دى لمبا عالية اوى على 128 دى 260على 200 فولت المفروض يركب ال200 على 120 فولت طبعا خوفت اجيبها يكون فى فرق اضائة بين الفانوسين
السؤال هنا انا عايز اغير اللمبتين بتوع الفانوسين مع بعض بس اجيب حاجة تكون قوية فى العالى وهادية جدا فى الواطى اجيب اية بالظبط وبكام......... واية حكاية اللمب الهالوجين وممكن تركب عندى؟؟؟
معلش انا لوك لوك وطولت عليكم........سلام

[alzelafy]

و الله يا اخويا انا عندى نفس المشكله فى ابيزا 98 الواطى عالى و يئست من الصنايعيه النص كم اللى كل واحد بفتوى شكل و الحل الوحيد انى اطلع على التوكيل فى المانيا عشان النور يظبط تانى و موضوع الهالوجين عندك ينفع عادى

[A.Saad]

موضوع الفانوس ممكن
الفرق ببين الفوانيس الحديثة وال128 لان تصميمها قديم
ان الفوانيس الحديثة فيها خطوط بتكسر الاضاءة شوية
وان اللمبة فى ال128 مش عليها طربوش ده بيقلل الاضاءة شوية
لانه غطا بيتحط امام اللمبة وبيقلل توهجها للى يشوفها
لو قدرت تركبه لوحده ايبقى كويس

[jojowork1]

انا بصراحه مليش خبره في 128 بس اللي اعرفه ان المفروض ان في مسامير بتعلي وتوطي النور جوه الفنوس يعني مش المشكله في الاضائه المشكله في اتجاه الاضائه يعني خلي المبات عاليه اضائه بس واطيه وضع بحيث انها تكون فارشه علي الارض مش في وش اللي قدامك وده من رجلاش الفوانيس
بنسبه لقوه اللمبه القوه علي فكره بتتقاس بالوات مش الفولت يعني 200 وات مش فولت طبعا انت لازم تركب الاتنين زي بعض عشان تعرف تظبطهم سواء عالي او واطي لو العاليه مريحاك هات واحده تاني عاليه للي اتحرقت لو حاس ان فيها مشاكل او حمل زياده خلاص هات اتنين صغيرين شوف الفلبس انا مجربتهاش بس الناس هنا بتشكر فيها