لمبة الدينامو بترعش

[aymangalal510]

السلام عليكم
لو كانت اللمبة الحمراء اللى فى التابلوه(اللى هى شكل بطاريه)هى لمبة الدينامو يبقى العنوان صح
معلش هشرح بالتفصيل للوصول لاقصى نصيحة
اساس المشكلة هى غياب الدوارة
بدأت لما اشتريت العربية فى الصيف اللى فات شهر اغسطس
كانت بتغيب شوية بس بتدور وبتاكل بنزين طبعا مشكلة كربراتير (غيرته )استهلاك البنزين اتظبط تمام والدوارة بقت احسن من الاول نسبيا
ومع دخول الشتاء والبرد الدوارة بقت تغيب لدرجة 10 محاولات واكتر سألت الميكانيكى(اللى بتعامل معاه لانه متخصص ستروين) قالى حاجه من التلاته دول
1- ميكانيكا(بوجيهات-سلوك بوجيهات)
2-كربراتير
3-كهرباء (دينامو-مارش-بطارية)

ابتديت بالميكانيكا البوجيهات لاقاها نوعها وحش وشبه مفحمة والسلوك غيرها (حسيت بتحسن العربية بس بتغيب برده)
قولتله تانى قالى اكشف ع الكربراتير وروحت لبتاع الكربراتير(وهو راجل ثقة) قالى بمنتهى الامانة الكربراتير 100 100
طبعا تجهت للكهرباء وده اخر حل (المهم بعد ماكانت بتغيب الكهربائى فك الدينامو حته حته وكشف وغسل لاقاه 10 على 10 بالاضافة لجودة نوع الدينامو لانه المانى بعدها بشوية روحت عشان المرش فكه برضه ونضفة وجربه لاقاه برضه كويس جدا) طبعا اتعودت على موضوع غياب الدوارة وكنت بستحمل قرف الدوارة اول مره والعربية بارده لكن بعد ماتسخن بتدور فى اى وقت وفى مره قطعت خالص جالى الكهربائى ببطارية من عنده وقومهالى وقالى ده اكيد عيب البطارية كانت نايمة خالص(البطاريه جافة 55 امبير) قولت ان شاء الله اغيرها قبلها بيومين بقى وده سبب الموضوع
لقيت لمبة الدينامو بتنور وتطفى وانا مشاى لوحدها واقرب تشبيه (كانك مثلا بتاخد مطب وفى حاجه ملمسه ده مثلا) لان الموضوع مش كابلات او حاجه بتتهز
فى نفس اليوم روحت كشفت ع البطارية بالجهاز بتاع القياس لاقيتها تعبانه جدا وغيرتها(من يومين) ببطارية جافة اسمها سوبريم كورى 70 امبير سعرها 390 ج بالقديمة
دورت فى وقتها حسيت ان العربية ممتازة والمارش صوته على عن الاول وحركته بقت اسرع والاضاءات تمام ومالاحظتش ان اللمبة نورت تانى (قولت الحمد لله العمليه اتظبطت) باقى بقى اجرب الدوارة وهى بارده تانى يوم
غابت برده بس مش زى الاول يعنى بتدور بعد 4 او محاولات مع الاخذ فى الاعتبار انى فى كل الاحوال لازم احضر (اكارك) بنزين كتير وقولت برضه يمكن عشان البرد موجود سواء بالليل او النهار (لكن طول ماالعربية سخنه بتدور فى اى وقت) والغريب بقى ان لاحظت وانا ماشى تانى يوم فى كذا مشوار ان اللمبة بتنور وتطفى بطريقة عشوائى (مره تقيد وتطفى بسرعة ومره تقيد ثوانى ومرت تطول ) مالهاش مقياس .................
دولقتى مش عارف بقى ايه المشكله
واسألتى كالتالى :هى العربيات القديمة لازم تحضر بنزين وتغيب فى الدوارة على طول ؟؟؟؟؟ وليه مابتدورش مثلا من غير تحضير وبعد مرة اومرتين بالكتير؟؟؟؟ وايه اسباب اضاءة لمبة الدينامو والعربية ماشية ؟؟؟؟؟
اتمنى انى اكون(واعتقد ذلك) وضحت تفاصيل المشكله
العربية ستروين ax كربراتير 1400 سى سى موديل 1995 عامله 204500كم
والف الف الف شكر ومنتظر النصائح

[jojowork1]

معني ان اللمبه بتاعت الديناموا بتنور وتطفي واضح ان عندك مشكله في دائره الشحن حاول تراجع علي الوصلات وشوف اخبار الدينموا والسير بتاعه وكابل الشحن بتاعه واذا كان علي كاتوت شوف اخبار الكاتوت ايه ممكن يكون بيلمس مش كويس
طيب فكره بسيطه روح اشحن البطاريه عند اي كهربائي كويس خالص خليه يحطها فتره كافيه علي الشحن وبعدين وصلها ودور العربيه لو بطلت تتاخر في التدوير ثق تماما انها مشكله في دائره الشحن ولا تحيد عن التفكير فيها وهيبقي كده الموضوع عاوز كهربائي كويس

[abo_kanze]

السلام عليكم ورحمة الله

حضرتك شوف الفرده اللي راجعه من الدينامو للبطاريه...غالبا بكون كلبس كبير وكلبس صغير..الكبير راجع ع البطاريه.يعني شوفه بيتحرك من مكانه عايز يتغير بيهرب كهرباء...حضرتك شيك علي الفرده دي اللي راجعه ع البطاريه وان شاء الله خير
والصغير راجع ع لمبة الطابلوه...
ولوعايز كهربائي كويس في واحد في عين شمس الشرقيه كويس جدا وعنده ضمير.

تحياتي لك.

[aymangalal510]

الف شكر لاهتمامكم يا جماعة بالرد والافادة
لكن اخى الفاضل jojoork1 حضرتك بتقول احط البطارية على الشحن ؟؟؟؟؟ دى جافة ومابقالهاش كام يوم !!!!!!

[maroguidehouse]

السلام عليكم ورحمة الله

حضرتك شوف الفرده اللي راجعه من الدينامو للبطاريه...غالبا بكون كلبس كبير وكلبس صغير..الكبير راجع ع البطاريه.يعني شوفه بيتحرك من مكانه عايز يتغير بيهرب كهرباء...حضرتك شيك علي الفرده دي اللي راجعه ع البطاريه وان شاء الله خير
والصغير راجع ع لمبة الطابلوه...
ولوعايز كهربائي كويس في واحد في عين شمس الشرقيه كويس جدا وعنده ضمير.

تحياتي لك.

ممكن عنوان و تليفون الميكانيكي بتاع عين شمس ده (ارجو الرد دروري جدآ)
شكرآ

[maroguidehouse]

السلام عليكم
لو كانت اللمبة الحمراء اللى فى التابلوه(اللى هى شكل بطاريه)هى لمبة الدينامو يبقى العنوان صح
معلش هشرح بالتفصيل للوصول لاقصى نصيحة
اساس المشكلة هى غياب الدوارة
بدأت لما اشتريت العربية فى الصيف اللى فات شهر اغسطس
كانت بتغيب شوية بس بتدور وبتاكل بنزين طبعا مشكلة كربراتير (غيرته )استهلاك البنزين اتظبط تمام والدوارة بقت احسن من الاول نسبيا
ومع دخول الشتاء والبرد الدوارة بقت تغيب لدرجة 10 محاولات واكتر سألت الميكانيكى(اللى بتعامل معاه لانه متخصص ستروين) قالى حاجه من التلاته دول
1- ميكانيكا(بوجيهات-سلوك بوجيهات)
2-كربراتير
3-كهرباء (دينامو-مارش-بطارية)

ابتديت بالميكانيكا البوجيهات لاقاها نوعها وحش وشبه مفحمة والسلوك غيرها (حسيت بتحسن العربية بس بتغيب برده)
قولتله تانى قالى اكشف ع الكربراتير وروحت لبتاع الكربراتير(وهو راجل ثقة) قالى بمنتهى الامانة الكربراتير 100 100
طبعا تجهت للكهرباء وده اخر حل (المهم بعد ماكانت بتغيب الكهربائى فك الدينامو حته حته وكشف وغسل لاقاه 10 على 10 بالاضافة لجودة نوع الدينامو لانه المانى بعدها بشوية روحت عشان المرش فكه برضه ونضفة وجربه لاقاه برضه كويس جدا) طبعا اتعودت على موضوع غياب الدوارة وكنت بستحمل قرف الدوارة اول مره والعربية بارده لكن بعد ماتسخن بتدور فى اى وقت وفى مره قطعت خالص جالى الكهربائى ببطارية من عنده وقومهالى وقالى ده اكيد عيب البطارية كانت نايمة خالص(البطاريه جافة 55 امبير) قولت ان شاء الله اغيرها قبلها بيومين بقى وده سبب الموضوع
لقيت لمبة الدينامو بتنور وتطفى وانا مشاى لوحدها واقرب تشبيه (كانك مثلا بتاخد مطب وفى حاجه ملمسه ده مثلا) لان الموضوع مش كابلات او حاجه بتتهز
فى نفس اليوم روحت كشفت ع البطارية بالجهاز بتاع القياس لاقيتها تعبانه جدا وغيرتها(من يومين) ببطارية جافة اسمها سوبريم كورى 70 امبير سعرها 390 ج بالقديمة
دورت فى وقتها حسيت ان العربية ممتازة والمارش صوته على عن الاول وحركته بقت اسرع والاضاءات تمام ومالاحظتش ان اللمبة نورت تانى (قولت الحمد لله العمليه اتظبطت) باقى بقى اجرب الدوارة وهى بارده تانى يوم
غابت برده بس مش زى الاول يعنى بتدور بعد 4 او محاولات مع الاخذ فى الاعتبار انى فى كل الاحوال لازم احضر (اكارك) بنزين كتير وقولت برضه يمكن عشان البرد موجود سواء بالليل او النهار (لكن طول ماالعربية سخنه بتدور فى اى وقت) والغريب بقى ان لاحظت وانا ماشى تانى يوم فى كذا مشوار ان اللمبة بتنور وتطفى بطريقة عشوائى (مره تقيد وتطفى بسرعة ومره تقيد ثوانى ومرت تطول ) مالهاش مقياس .................
دولقتى مش عارف بقى ايه المشكله
واسألتى كالتالى :هى العربيات القديمة لازم تحضر بنزين وتغيب فى الدوارة على طول ؟؟؟؟؟ وليه مابتدورش مثلا من غير تحضير وبعد مرة اومرتين بالكتير؟؟؟؟ وايه اسباب اضاءة لمبة الدينامو والعربية ماشية ؟؟؟؟؟
اتمنى انى اكون(واعتقد ذلك) وضحت تفاصيل المشكله
العربية ستروين ax كربراتير 1400 سى سى موديل 1995 عامله 204500كم
والف الف الف شكر ومنتظر النصائح

اسفه لأني لن استطيع افاده حضرتك في الموضوع لكن بعد اذن حضرتك ممكن تفيدني انت؟
حضرتك قلت انك بتتعامل مع ميكانيكي متخصص في الستروين , ممكن اعرف تليفونه و عنوانه للاهميه
شكرآ

[HotRide]

طيب انت محتاج كهربائي يبصلك علي دينمو و الوصلات و السير الدينمو
المشكله ديه من كلامك من دينمو علي فكره ممكن تلاقي دينمو بيشحن بس مش قوي روح لكهربائي و شوف شحن بس شغل الانوار و الانتظار و الكاسيت و كل حاجه و شوف من غيره هيبقي كام

المفروض من غير يكون بين 12-14
و بكل كلام ده لا يقل ابدا عن 11

/عشان كان عندي نفس المشكله في العربيه القديمه تشحن كويس و كل اليشوف الشحن يقول تمام.....لحد ما كهربائي الي علي حوار ده و فعلا كان ضعيف و جبت دينمو و امبيرو اعلي و فضلت بعدها معايا 3 سنين و بعتها و هلي فله شمعه منوره :b4_388:

[abo_kanze]

ممكن عنوان و تليفون الميكانيكي بتاع عين شمس ده (ارجو الرد دروري جدآ)
شكرآ

عين شمس الشرقيه,منظقة الاباصيري اسمه رافت ,تليفونه 0127674466,
انا مش عارف الكلام ده مخالف لقوانين المنتدي ولا عادي

[aymangalal510]

الميكانيكى المتخصص ستروين اسمة الحاج فرج فى جسر السويس محطة العرب -الشارع اللى فيه التوحيد والنور
ت:0105639260 الحاج فرج
ت:0112397478 محمود فرج (ابنه)
بالنسبة للدينامو انا من فترة قريبة الكهربائى فكهولى وكشف عليه لاقاه كويس جدا بس الحقيقة ماقاسش الشحن والبطارية جديدة وجافة 70 امبير

ملحوظة: فكرت يمكن فى سلك ملمس من الدينامو ( السلك اللى ملحوم بشيكرتون) هزيته كده يمين وشمال على اساس الاقى حاجه مكشوفة او سلك باين ومالاقيتش حاجه وكله متغطى كويس الملحوظة بقى انى لما عملت كده اللمبة بطلت تنور وانا ماشى او ترعش زى الاول لغاية دلوقتى بقالها مثلا مشوارين تلاتة (لانى مش بستعمل العربية كتير) ويارب يكون هوه ده السبب الحقيقى ويبقى اتحل

وشكرا لكل الاساتذه الافاضل اللى شاركوا بتوجيهاتهم ونصايحهم

[abo_kanze]

الميكانيكى المتخصص ستروين اسمة الحاج فرج فى جسر السويس محطة العرب -الشارع اللى فيه التوحيد والنور
ت:0105639260 الحاج فرج
ت:0112397478 محمود فرج (ابنه)
بالنسبة للدينامو انا من فترة قريبة الكهربائى فكهولى وكشف عليه لاقاه كويس جدا بس الحقيقة ماقاسش الشحن والبطارية جديدة وجافة 70 امبير

ملحوظة: فكرت يمكن فى سلك ملمس من الدينامو ( السلك اللى ملحوم بشيكرتون) هزيته كده يمين وشمال على اساس الاقى حاجه مكشوفة او سلك باين ومالاقيتش حاجه وكله متغطى كويس الملحوظة بقى انى لما عملت كده اللمبة بطلت تنور وانا ماشى او ترعش زى الاول لغاية دلوقتى بقالها مثلا مشوارين تلاتة (لانى مش بستعمل العربية كتير) ويارب يكون هوه ده السبب الحقيقى ويبقى اتحل

وشكرا لكل الاساتذه الافاضل اللى شاركوا بتوجيهاتهم ونصايحهم

السلام عليكم ورحمة الله

حضرتك شوف الفرده اللي راجعه من الدينامو للبطاريه...غالبا بكون كلبس كبير وكلبس صغير..الكبير راجع ع البطاريه.يعني شوفه بيتحرك من مكانه عايز يتغير بيهرب كهرباء...حضرتك شيك علي الفرده دي اللي راجعه ع البطاريه وان شاء الله خير
والصغير راجع ع لمبة الطابلوه...
ولوعايز كهربائي كويس في واحد في عين شمس الشرقيه كويس جدا وعنده ضمير.

تحياتي لك.

حضرتك شكلك ما اخدتش بالك من الرد بتاعي,,,

المهم المشكله اتحلت الحمدلله...

تحياتي لكـ.

[aymangalal510]

حضرتك شكلك ما اخدتش بالك من الرد بتاعي,,,

المهم المشكله اتحلت الحمدلله...

تحياتي لكـ.

ازاى يا فندم (اناباعتذر لحضرتك) طبعا اخدت بالى بس بطريقة تخو من الحس الكهربى (يعنى ماعرفش الفرد اللى حضرتك ذكرتها) هزيت السلك كده بإيدى يمكن تكون حاجه مقطوعة ولا مكشوفة مالاقيتش حاجه
غير ان السلك بصفة عامة ملفوف بشيكرتون وانا اصلا مابفهمش حاجه فى موضوع السلوك اللى رايح فين وجاى منين وكده لكن برضه من باب العلم بالشىء هشوف نقطة الكليبسات دى(عشان كده انا قولت لحضرتك ان السلك ملحوم فى بعضه باللزق) ومن ساعة ما هزيته كده اللمبة مابقيتش ترعش
وللأسف انا ساكن فى بعد المرج واحيانا بكون فى امبابة عشان كده الكهربائى بعيد عنى شويتين مع انى فى امس الحاجه للكهربائى ده لانى ناوى -ان شاء الله- اجدد فرش العربية (هشيله واعزل الدواخل كويس واركبه تانى) وطبعا محتاج افك التابلوه عشان اعزل وراه وهعتمد على نفسى فى النقطة دى(توفيرا للمصاريف) فكان نفسى فى كهربائى كويس جنبه سروجى عشان يشد لى فرش الكراسى والكنبة بس
لكن ربنا يسهل ويقرب البعيد

وال شكر جدا جدا جدا لاهتمام حضرتك واعتذر مره اخرى

[abo_kanze]

السلام عليكم ورحمة الله...

والله العظيم ما قصدي اي اعتذار ... العفو حضرتك

انا قصدت المساعده بس ولاني عندي فكره مش بطاله في موضوع الكهربا...

العفو حضرتك بتعتذر ايه بس...

ع فكره انا فلسطيني مقيم في غزه وبعشق الشعب المصري ومصر طبعا

الكلبس حضرتك هاتلاقيه في الدينامو من الخلف...هي مشكلة حضرتك زي ما انا فهمت ان في سلك او كلبس بيهرب كهربا مش مشكلة في الدينامو ان شاء الله

تحياتي لك واتشرفت بالحديث معاك ...

[mohamed16]

أزيك يا باشا
بعد اذنك ممكن تقولى فين الميكانيكي المتخصص في سيتروين ax العنوان بتاعو وايه ظروفوا غالى و لا ابه

[aymangalal510]

أزيك يا باشا
بعد اذنك ممكن تقولى فين الميكانيكي المتخصص في سيتروين ax العنوان بتاعو وايه ظروفوا غالى و لا ابه

الحقيقة الكهربائى اللى بروح له مش متخصص ستروين هوه كهربائى شامل لكن مابيقولش :مابشتغلش فى العربية دى والمره اللى كشف فيها على الدينامو وفكة ونضفة خد 20ج ومره فك المارش وكشف عليه ونضفة برضه خد 25ج بالاضافة الى الكشف على البطارية وتغيير الميه بتاعتها
وفى مره اتصلت بيه وجالى ببطارية من عنده وقوم لى عربيتى وانا اديت له 10ج من غير ما يطلب

ده لغاية دلوقتى شغلى معاه بس انا حاسس انه عنده ضمير وباله طويل فى الشغل وبيدور على سبب العيب كويس
اما مكانه بقى اعتقد انه هيبقى بعيد عنك (على الرغم انى مش عارف حضرتك ساكن فين) وبالوصف كده .... من نزله الدائرى بتاعة المرج تاخد اتجاه الخانكة فى منطقة اسمها القلج(انا ساكن بعدها بشوية) بعد المرج الجديدة (الدائرى) بحوالى 5 دقائق تقريبا

لو المكان يناسبك وعايز تروح له انا تحت امر حضرتك كلمنى وانا اروح معاك او اوصفلك وانت رايح واديلك رقم تليفونة
واتمنى لك التوفيق

[wael6]

السلام عليكم
عربيتي اكسيل مو 95 1500
انا عندى ع السلانسيه لمبه كده فيها موجب وسالب ( دى بتاعة البطارية ولا الدينامو ) بتظهر ولما بدوس بتختفي ومبتظهرش تانى ؟

وكمان لاحظت رعشه فى نور العدادات والفوانيس وتقريبا لما بدوس بنزين بتثبت والنور بيزيد سنه بسيطه
بطاريتي سائله ولسه كاشف عليها قريب وكانت بخاله جيده الحمد لله ( ت شرائها 4/2010 )

يا ترى المشكله فين؟؟؟؟؟
ولكم جزيل الشكر والامتنان