توصيل عداد ال rpm في سياره رينو 12

[elharbia]

انا معاي عربيه رينو 12 وفيها Rpm
بس مش واصل وروحت لبتاع العدادات قالي ان ماكنته جديده بس اكيد مش واصل
هو موجود بالفعل في التبلوة بس عايز اوصله يمكن تكون سلوكه مش واصله بس لو وصلته بسلك خارجي
هتكون ازاي
ارجو الرد انا عندي طبلوة تاني غير اللي في العربيه فكيتوا وصورتوا
قولولي ازاي اوصولوا بعيد عن اللوحه الخارجيه عشان ملعبش كتير في الوصلات اللي متوصله
ImageShack® - Online Photo and Video Hosting
ImageShack® - Online Photo and Video Hosting
ImageShack® - Online Photo and Video Hosting
ديي صوره يا ريت حد يفهم يقولي اوصله ازاي بجد
وشكرا ليكوا مقدما

[amrelsaqqa]

العداد اللى انت جايبه ده اطرافه اصلا مش واضحة
عموما هم بيبقوا 3 اطراف
موجب وارضى وسالب :

الموجب بتديله طرف موجب من علبة الفيوزات بحيث يشتغل مع الكونتاكت

الارضى بتوصله ارضى من الشاسيه عادى جدا ( ده طرف سالب للدايرة بتاعت العداد )

السالب بقى وده الاهم ، بيبقى من الطرف السالب للموبينة ( اللى هو بيبقى واصل للابلتين والكوندنسر في العربيات اللى فيها ابلاتين وكوندنسر ) ده طرف الاشارة اللى بيعدها العداد

[elharbia]

طيب يا باشا انهي طرف من البوبينه السالب ولا الموجب
وهو لازم اوصل طرف مع المفتاح لما ادور ولا اول الطرفين دول وخلاص وهي كدا كدا هيدور لما العربيه هدور ولا ايه ممكن توضحلي النقطه دي

[amrelsaqqa]

الطرف الساااالب في الموبينة هو اللى رايح للاسبراتير وغالبا هتلاقى مكتوب على الموبينة فين السالب وفين الموجب ـ توصل السالب بتاع الموبينة للسالب بتاع العداد او اللى مكتوب عليه signal

الطرف اللى انت عايز توصله مع المفتاح
هو الطرف الموجب ، وعشان كدة قلت خد له طرف من علبة الفيوزات من الفيوز بتاع الكونتاكت ، عموما لو انت عارف هتديله طرف منين بحيث يشتغل مع المفتاح يبقى كويس اي كانت الطريقة سواء من علبة الفيوزات او من حتة تانية

بس اهم حاجة ما تديلوش موجب مباشر عشان العداد كدة هيفضل شغال على طول حتى لو العربية مبطلة وقرايته صفر وده ممكن يخلص البطارية ااو يجهد دايرة العداد على الفاضى ويقلل عمرها الافتراضى

[elharbia]

جميل كلامك يا باشا بس عايز اعرف حاجه هو لازم الطرف الموجب اللي رايح الكونتاكت d:

[amrelsaqqa]

جميل كلامك يا باشا بس عايز اعرف حاجه هو لازم الطرف الموجب اللي رايح الكونتاكت d:

طبعا امال العداد هيشتغل ازاى
هيجيله كهربة منين
طرف السالب ده مش بيشغله
ده طرف للاشارة
يعنى لازم العداد يشتغل الاول بموجب و ارضى
وبعدين تجيله الاشارة من الطرف السالب وهو يعدها ويعرضها

[magid1010]

الطرف الساااالب في الموبينة هو اللى رايح للاسبراتير وغالبا هتلاقى مكتوب على الموبينة فين السالب وفين الموجب ـ توصل السالب بتاع الموبينة للسالب بتاع العداد او اللى مكتوب عليه signal

الطرف اللى انت عايز توصله مع المفتاح
هو الطرف الموجب ، وعشان كدة قلت خد له طرف من علبة الفيوزات من الفيوز بتاع الكونتاكت ، عموما لو انت عارف هتديله طرف منين بحيث يشتغل مع المفتاح يبقى كويس اي كانت الطريقة سواء من علبة الفيوزات او من حتة تانية

بس اهم حاجة ما تديلوش موجب مباشر عشان العداد كدة هيفضل شغال على طول حتى لو العربية مبطلة وقرايته صفر وده ممكن يخلص البطارية ااو يجهد دايرة العداد على الفاضى ويقلل عمرها الافتراضى

الله يبارك ليك على الشرح ده

[amro0000]

انا اتعقدت من حاجة اسمها رينو علي رغم تحملها وانها عربية شقا ممكن حد بيفهم في اسبراتير الرينو يرد عليا ضروري حالا بجد

[amrelsaqqa]

الله يبارك ليك على الشرح ده

تسلم على الدعوة الحلوة دى واي خدمة

[amrelsaqqa]

انا اتعقدت من حاجة اسمها رينو علي رغم تحملها وانها عربية شقا ممكن حد بيفهم في اسبراتير الرينو يرد عليا ضروري حالا بجد

بالراحة بس كدة
ايه المشكلة عندك بالظبط ؟