ممكن كهربائي محترم

[7yatna]

السلام عليكم ازيكم يا احسن خبراء فى الجمهوريه

من غير لف ولا دوران انا هدخل فى الموضوع على طول

لانى طبعا مش هعرف اوفيكم حقكم بالنسبه لخبرتكم

الموضوع بكل بساطه

انا بجدد ال128 بتاعتى تجديد عميق من اول فردتين الشاسيه لحاد الفرش

عربيتي فاضلها يومين وتطلع من الفرن ربنا يعدلها وتطلع بقه عشان زهقت

اولا انا من بنها
ومهربائيه بنها عباقره بس مش عباقره فى الشغل اللى انا عايزة

انا عايزكم توصفولى كهربائي بس وصايه فى القاهره يقدر يعمل اللى هقوله فى الموضوع ويطلع شغل تمام

اولا الضفيره عندى بتاعه مصنعها يعنى من سنه 74 واتخيلو انتم الباقى بقه

فران واكله السلوك - سلوك سايحه - حاجات ملغيه وحاجات راكبه فوق حاجات - نور مسري من كل حته - وكل كهربائي يعملى كوبرى فى اى عطل


انا هشتري ضفيره استيراد كامله بعلبه فيوزاتها

عايزة يركبها الاول مكان اللى موجوده فى العربيه

ثانيا اشتريت تابلوه اونو بعداداته بفيشه بكنسولتوة وبسلاطاته ببابا غنوجوة

عايز طبعا يبيت التابلوه فى ال128 يعنى يقص حته صغيره من الجانبين ويبيته صح ويعمله خوص تثبيت عشان ميلعبش فى مكانه وبعد كدة يوصله على الضفيره وكمان انا سهلتله الليله كل سلك فى العدادات جربته وكتبتله عليه بتاع ايه

يعنى سلك النور الصغير كتبتله عليه نور صغير والاشارات وهكذا يعنى

وعايز اركب انذار وسنتر ومكانتين كهربا امامى

وكفايه كدة بقه لحسن اضرب

وان شاء الله هعملكم مفاجاه

هنزلكم صور فوانيس ال 128 الليدات كامله الخلفيه عمايل ايديا وحيات عنيا

معدلهم على ايدي

بس بجد اسعفونى عايز كهربائي ابن كهربائي عشان يعتبر هناسس العربيه كهربا بالكامل كدة

وشكرا ليكم ومعلش طولت عليكم حبه

اخوكم كريم نجيب من بنها

[A.Saad]

يا مرحب بالناس العسل من بنها العسل
فيه كهربائى اسمه محمد السيد
ش الدقى - ناصية جابر بن حيان 0105114354

http://www.nilemotors.net/Nile/75433-a.html

[7yatna]

شكرا ليك يا مستر A. Saad

وانت شايف ان الراجل اللى قولت عليه دة كفاءه يعنى

هيعمل الشغل اللى فوق دة كله بالجودة اللى هيا؟؟

ولو كدة يبقى قشطة اوى هكلمه واتفق معاه

متدنيش رينج سعر كدة لمصنعيته بس وانا هجيبله اللى هوا عايزة على حسابى تعملها كام ؟؟

لانى بجد نفسي شغل الكهربا بالذات يبقى بيرفكت

وشاكرين افضالك يا فندم ومعلش تعبناك

[A.Saad]

بص كلمه فى التليفون
هو سمعته فى المنتدى كويسة
انا ركبت عنده لمبات وكتاوت وكان شغله كويس
اهم حاجة هات سلوك كويسة

[khaled_2011]

محمد السيد راجل فاهم هو بيعمل ايه وعن تجربه وشخصيه محترمه جدا وبيراعى ربنا

[7yatna]

شكرا ليكم مستر A.Saad و مستر starbucks

على ردودكم
بس سؤال رخم بقه

بيعدل التابلوهات وبيسقطها يعنى بيعدل على تابلوة الاونو عشان يركب فى 128

طبعا هيقص فى الفيبر بتاع التابلوه حته صغيره ويعمل خوص تقويه عشان التابلوه ميلبش ويرقص

ولا اروح الاول اعدل التابلوه كفيبر وبعدين اروحله يظبط الكهربا ؟؟