موضوع غريب فى الاضاءة

[sary005]

دلوقتى يا رجالة نيل موتورز اللى بيحصل معاية كا الاتى
غير لمض العربية ل تونسجرام 140/100 مجرى الصنع
لما افتح الواطى الفانوس الشمال اقوى من اليمين و لما اشغل العالى الفانوس اليمين اعلى من الشمال من عارف من اية و على فكرة انا شارى العربية باكتاوت نور

هممكن اعرف المشكلة دية عيب اية بالظبط يعنى كتاوت ولا كهرباء عربية

و شكرا ليكم

[MohssenRashed]

راجع فيش الفانوس هتلقيها مقلوبة. الحوار دة كان عندي لما غيرت الفوانيس

[sary005]

سورى ياباشا يعنى اية مقلوبة ما هى الفيشة اليمين يمين و الشمال شمال

[Ali_mehrem]

هو قصدة ان اللمبة الواحده فيها عالى وواطى و السلك فى واحده فيهم مخلوف فبيديك عالى مع واطى

[sary005]

يعنى اروح للكهربائى و اريح نفسى

[abo_kanze]

السلام عليكم...

لما بتقلب النور الواطي والعالي بيكون فانوس اعلي من فانوس ,والفانوس اللي بيكون اضائته ضعيفه ,كانها لمبه سهاري,صح؟

اذا هو ده اللي بيحصل معاك,شوف السلك او الفرده اللي جايبة ارضي للفانوس.كل فانوس بيكون جيله فرده ارضي,تعرفها اذاي الفرده دي,
اللمبله داخل عليها 3 فرد واحد عالي وواحد واطي وفرده ارضي,الفرده اللي في نص اللمبه سيبك منها ,لانها هي دي دايما النور الواطي,الفردتين اللي في يمين اللمبه وشمالها واحده منهم عالي وواحده ارضي,امشي معاهم واحده واحده ,لحد ما تلاقي في نهاية السلك مسمار في جسم العربيه,اربط المسمار ده كويس وقرط عليه,واذا ممكن تفكه وتنضفه وتركبه تاني يكون احسن,واعمل كده في الفانوسين,
لو ما اتغيرتش المشكله يبقي زي ما الاخوان قالوا في فردتين مقلوبين,والله اعلمـ
تحياتي لك