أفضل جهاز انذار لفصل طرمبة البنزين

[roland_yamaha]

وانا بتصفح احد المنتديات عرفت ان في انواع من اجهزة الانذار بتعمل علي فصل طرمبة البنزين ولا تشتغل إلا بمفتاح السيارة بس
عاوز اعرف ايه الانواع دي اللي يعرف يحاول يقولنا لتقليل سرقة السيارات وشكرا جزيلا

[mrghost]

باشا الانذار الوولف فيه سلكه هى اللى لو اتوصلت بطرمبه البنزين او حتى الكونتاكت دى بتدى ارضى ولو العربيه مقفوله بالريموت عمرها ماهتدور يبقى ممكن تجيب انذار وولف

[roland_yamaha]

متشكر لرد حضرتك انا فعلا كنت ناوي ع الوولف

[gebreel]

لأ عاوز افهم بقى خصوصا ان عربية والدي راكب فيه ولف بس القصة دي مش شغالة فيه

عاوز افهمها و هتعمل ايه و ازاي و ميين اللي يعملها =)

[magid1010]

باشا الانذار الوولف فيه سلكه هى اللى لو اتوصلت بطرمبه البنزين او حتى الكونتاكت دى بتدى ارضى ولو العربيه مقفوله بالريموت عمرها ماهتدور يبقى ممكن تجيب انذار وولف

انا نفسى كمان اعمله
ده مخطط للولف و السلك مكتوب عليه ignation cutof بس بيتوصل ازاى بالكونتاكت علشان ان عندى طرمبه بنزين ميكانيكى

http://i1184.photobucket.com/albums/z325/magid1010/printwiring9.jpg

[mrghost]

بص ياباشا انت هتحتاج كهربائى يعملهالك وهو هيقوم موصل كتاوت ويخلى الارضى بتاعها عباره عن سلكه ignition cut off وتبقى الكتاوت هى اللى توصل كهرباء للموبينه فى حاله سماح الانذار بذلك فقط

[MOUSTAFA_SAAD]

يبقى لو الكتاوت باظ او الانذار علق منك يبقى عليه العوض انك تدور العربيه خصوصا لومسافر
انا كنت حاعمله عندى بس بصراحه خفت من الموضوع ده

[momo44]

انت ممكن تركبه
بس تبقى عارف لو عطل ازاى تدور العربية

[mseldin63]

صحيح لازم تعرف ازاى تقفل الدائره فى حاله عطل كتاوت الفصل

[Khaled Lanos]

طيب الـ spy 2-way 5000 فيه نفس الكلام يا جماعة ولا لأ؟

انا ناوي أجيبه ان شاء الله.