فتوى فى كهرباء الكارينز

[mazagngi2002]

السلام عليكم
ارجو مشورة سريعه

معايا كيا كارينز وفيها مشكلة فى الكهرباء ان فى حاجه بتاكل البطارية ( واظن اعضاء كتير ساهموا بالحلول فى الموضوع ده )
لفيت على امير وجوزيف والتوكيل وتكنو وان وكلهم معرفوش حاجه
ولازم دلوقتى ادور العربية كل يوم حتى ايام الاجازات علشان متنمش البطارية
واحد قالى فتوى كده
انى لما غيرت بطارية الفابريكة بواحده فاراتا ( وده حسب نصيحة التوكيل) قالى ان معامل الشحن بيختلف فالدينامو مش بيقدر يشبع البطارية كفاية
مش عارف هل ده صح ولا غلط ؟

[abo_kanze]

السلام عليكم ورحمة الله وبركاته,

حضرتك في سؤال ,بعد ما غيرت البطاريه بيحصل الكلام ده؟

يمكن يكون عند حضرتك تهريب.وفي خطوات هاكتبها لحضرتك لو تحب تفحصها بنفسك.ولاوم يكون عند حضرتك جهاز الافوميتير,اكيد كلنا نعرفه,

فك السلك السالب المربوط بالقطب السالب للبطاريه

اضبط جهاز الافوميتر على الخيار الموجود على الجهاز وهو 20 امبير

وصل السلك الموجب اللي في جهاز الافوميتير في السلك او الكابل الارضي اللي مربوط في جسم العربيه,والسلك السالب بتاع الافوميتر وصله ع القطب السالب في البطاريه.
فاذا ظهر جهاز الافوميتر على الشاشه الرقم 0.12
فان ذلك يعني انه يوجد تهريب لكهرباء
البطاريه لانه بالوضع الطبيعي وفي بطاريه 12 فولت يجب ان يظهر على شاشة جهاز الافوميتر من 20 الى 40 ميلي امبير

جرب كدا حضرتك وقولي ايه النتيجه,ولو كتبلك12.قولي وانا اقول لحضرتك تعالجها اذاي

[mazagngi2002]

انا فهمت خطوات التجربة
لكن ايه علاقة0.12 ب 20 الى 40 مللى امبير
اكيد 0.12 اقل من 20 مللى امبير ولا انا فاهم غلط ؟

[abo_kanze]

حضرتك في الوضع الطبيعي في عدم وجود تهريب كهربا من البطاريه,لما تقيس البطاريه بالطريقة المكتوبه في المشاركه السابقه,تكون القراءه من 20 الي 40 ,في وجود تهريب للمخزون الجهاز بيقراء 0.12 ميللي امبير,
او في طريقه تانيه بيستخدموها كل الكهربائيه تقريبا,تمسك الكابل الارضي وتحله من فوق القطب وتلمسه في القطب رايح جاي فوق القطب ولاحظه وانت بتحركه لو بيطلع شراره او مااس بشكل كبيره يبقي في تهريب في البطاريه وان في حاجه عامله قفله في العربيه هي اللي بتهرب مخزون البطاريه,ان شاء الله اكون قدرت اوصل الفكره,
تحياتي

[mrghost]

طيب جرب تفصل كابل قبل ركن السياره وشوف بعد كام يوم كده هتدور ولا لا؟ لو دورت يبقى فعلا فى حاجه فعلا بتفضى الشحن
فى الحاله دى اعتقد انك تركب افو ميتر بين البطاريه والعربيه وتفصل كل فيوز على حده لحد ماتعرف التهريب فين