مشكله محيرانى جدا

[Amr2004IBM]

انا عندى مشكله محيرانى
انا عربيتى بيجو 504 لما باجى ادور العربيه المرش ساعات يدور وساعات لاء ومتدورش الا لما اعمل توصيله بين طرفين المرش بحتت سلكه
ياترى دعيب كونتكت ولا عيب مارش ولا عيب سلوك توصيل
ارجو الافاده من اهل الخبره
ولكم جزيل الشكر

[abo_kanze]

السلام عليكم ورحمة الله,

بالنسبه للمارش ما اعتقدش يكون فيه مشكله بدليل انه حضرتك بتعمل كوبري خارجي بشتغل معاك ع طول,صحيح ولا بيعلق اوقات معاك لما توصله من بره خارجي؟

في فرده بكلبس راكبه ع المارش,اللي جايه من الكونتاك ع المارش,اتاكد انها راكبه مكانها كويس في المارش وان السلك مش مقطوع,وامشي مع الفرده دي لحد ما توصل الكونتاك, لو الفرده سليمه يبقي المشكله في الكونتاك.

يعني عندك 3 نقاط هاتفحصها

1_ المارش وحضرتك بتقول انه لما توصله من بره بشتغل ع طول مفيش اي مشاكل صح؟

2_الفرد الرفيعه اللي جايه ع المارش من الكونتاك.الكلبس اللي في نهاية الفرده اللي راكبه ع المارش ممكن تكون مصديه ومش بتوصل كويس,فكها وشوفها وحط عليها شوية زيت

3_الكونتاك ,لو الفرده سليمه وراكبه كويس مكانها, يبقي المشكله منه.والله اعلم.

تحياتي لكـ

[Amr2004IBM]

متشكر جدا على ردك السريع والوافى وانا هجرب وهشوف

[mrghost]

عندى نفس المشكله واتضح انها من ضفيره العربيه وريحت نفسى وعملت كتاوت من الكونتاكت على المارش علطول

[zaghlol]

بسيطة

هتعمل كتاوت للمارش و هتكلفك حاجات ب 12 جنية ومصنعيه 5 او 10 جنية انا مجرب الموضوع دة

[aboomar22]

هتعمل كتاوت للمارش و هتكلفك حاجات ب 12 جنية ومصنعيه 5 او 10 جنية انا مجرب الموضوع دة

كتاوت مرش صح كده الله ينور