بوجيهه شمعة ولا 2 ولا 3 ولا 4 وبتفرق ولا على الفاضى؟

[ashouhdy]

اذيكم يارجالة

ذى ما معظمكم عارف انى مركب iriduim ix ngk

بقالى تقريبا 50الف كيلو وميعاد تغييرهم قرب بعد 10لاف كيلو

وبما انى مش من النوع اللى بيحب يسيب الحاجة للاخر لحد ماتجيب اخرها

سئلت تانى على الاريديوم لقيتهم ب 300 وكسر كمان دلوقتى

فدلوقتى البوجيهات بتاعة العربية اصلا اصلا شمعة واحدة

لقيت اللى بيركب 2 و 3 واربعة كمان

بصراحة احترت وسئلت واحد المفترض انة بيفهم فى الحوارات دى بتاع محل اكسسوارات عربيات

قاللى مش بالشمعة وممكن اداء عربيتك بالوجيهه الشمعة واحدة يبقى احيسن من ابو اربع شمعات

فمحتاد المشورة من المتخصصين .... هل فعلا بتفرق ولا مش بعدد الشمعات ذى ما سمعت ؟؟؟

والف شكر لكم

[ashouhdy]

هل من مجيب !!

[ashouhdy]

مفيش حد هنا ياجماعة ولا اية ؟؟؟؟

[graffittiii]

معلش يباشا كان نفسك يكون المشاركة دي اجابة لكن انا عاوز اعرف زيك بالظبط ايه الفرق بين شمعة او اتنين او اكتر كل اللي اعرفة ان البوجيهات دي متعلقة بتوقيت الاشعال كانت معلوماتي ان الاتنين مثلا اشعالها اسرع من الشمعة الواحدة لكن كلامك ان احيانا يكون الاداء بواحدة افضل من 2 حيرني ... عامة ادينا مستنين لما حد يقولنا.

[ashouhdy]

ياراجل كنت تقول اى اجابة :)))

[beshomilan]

هو كان ميكانيكى قاللى قبل كده نفس الكلام اللى اتقالك لما سالته نفس السؤال
وحتى كمان قلتله عايز اركب البلاتينيوم عندى قاللى سيبك كل دى حوارات وخليك فى العادى احسن

[ashouhdy]

ممم معنى كدة اية ؟؟؟ انا الاريديوم فارق جدا جدا معايا بس مش عايز اركبة لانة سعرة بقى عالى اوى 340 جنية تقريبا بينما البوجيهات العادية ب 36 جنية !! ف عايز حد يفيدنى الشمعات دى بتفرق ولا لأ ؟؟

[MMamdouh]

مفيش اى فرق اداء بين ال1 و 2 و 3 و 4 شمعة... الفرق فى العمر الافتراضى لان فى الاخر البوجية بيولد شرارة بتحرق نفس حجم خليط الهواء و الوقود و هو دة اللى بيولد القدرة

الشمعات الايريديوم و البلاتينوم عمرها الافتراضى اطول من العادى برضة نتيجة استخدام معادن تتحمل الحرارة و التاكل اكتر من البوجيهات العادية... برضة مش حيفرق فى الاداء

MMamdouh

[ashouhdy]

ممتاز جدا ... يبقى كدة اركب الاصلى بتوعها اللى هو شمعة واحدة و اوفر 300جنية ... طي يأستاذ محمد أحنا جبنا منين الاعتقاد بتاع البوجيهات والسلوك والحاجات دى ؟؟
لو بوجيهات و سلوك تفرق لكن بوجيهات لوحدها متفرقش ؟؟؟ كدة انا جبت الاريديوم دى على الفاضى و بوهم نفسى ان فى فرق !

[Silenty]

مفيش اى فرق اداء بين ال1 و 2 و 3 و 4 شمعة... الفرق فى العمر الافتراضى لان فى الاخر البوجية بيولد شرارة بتحرق نفس حجم خليط الهواء و الوقود و هو دة اللى بيولد القدرة

الشمعات الايريديوم و البلاتينوم عمرها الافتراضى اطول من العادى برضة نتيجة استخدام معادن تتحمل الحرارة و التاكل اكتر من البوجيهات العادية... برضة مش حيفرق فى الاداء

MMamdouh

+1111111111111

انا مركب عندى الngk ال 3 شمعة ومش حاسس بفرق يذكر فى الاداء غير ان عمرها الافتراضى طوووووويل بقالها معايا فترة كبيرة

[MMamdouh]

ممتاز جدا ... يبقى كدة اركب الاصلى بتوعها اللى هو شمعة واحدة و اوفر 300جنية ... طي يأستاذ محمد أحنا جبنا منين الاعتقاد بتاع البوجيهات والسلوك والحاجات دى ؟؟
لو بوجيهات و سلوك تفرق لكن بوجيهات لوحدها متفرقش ؟؟؟ كدة انا جبت الاريديوم دى على الفاضى و بوهم نفسى ان فى فرق !

الفرق بيجى من انك بتفك بوجية قديم و مستهلك و بركب بوجية جديد نوفى... او بتفك سلك بوجيهات قدبم و مستهلك و بتركب طقم سلوك جديد

MMamdouh

[ashouhdy]

انا الاريديوم بقالها معايا 50الف كيلو ولسة عاليها حوالى 20الف كمان بس انا حغيرها بعد 10 بس حغيرها ببوجيهة شمعة وااااااااااحدة !!

[ashouhdy]

شكرا يأستاذ محمد ممدوح وشكرا لكل الاعضاء اللى ردوا كدة انا خلاص الحمد لله حغير للبوجيهة الفابريقة الواحد شمعة :))))))))))))

[HOSSAM99]

السلام عليكم
عن تجربه البوجيهات الأكتر من شمعه في العربيات اللي بتنزل بشمعه واحد بتضعف الموبينه جدا و باقي الأجزاء الكهربائه
و مفيش ليها أي فرق في الأداء نهائي
بتفرق في الأداء أمتي لما تكون عربيه بتنزل ب 3 شمعه و أنا أركب 1 شمعه فالأداء يقل

[ashouhdy]

شكرا على نصيحتك يأستاذ حسام .... وفعلا ذى ماكل الناس قالت على الفاضى