محتاج رد من مهندس كهرباء

[M.Mostafa80]

عندى عايز اعمل حاجه فى العربيه الا وهى انى اوصل الكلاكس على وحدة الأنذار بحيث انو يضرب مر لما اقفل ومرتين لما افتح ودى حلتها وركبت كتاوت وخدت فرده من كتاوت الأساسى للعربيه هتقولولى طب ايه المشكله هقولكم ان لو الجهاز الأنذار اشتغل بيفضل مشغل الكلاكس على طول يعنى مش متقطع فدا ممكن يحرق الكلاكس وغير انو مزعج انو يفضل ضارب على طول فاعيز حاجه تقطع اشاره الكهرباء فى حاله عمل الأنذار لأنها بتفضل مديه اشاره على طول فابالتالى الكلاكس شغال على طول فكرت فى انى اوصلها مع الكتاوت على وحدة فلاشر لكن منجحتش فا ممكن حد يقولى اتغلب على الحته دى ازاى
عايز حاجه تقطع اشاره الكهربا المستمره يعنى تفصل كهرباء وترجع تانى
مستنى ردودكم

[Akram.Gamal]

انا مش متاكد
بس فى اعتقادى ان حوار الكلكس ده بيبقا سلك طالع من وحده الانذار
شوف كده و جرب

[M.Mostafa80]

يعنى حضرتك عايز تقول ان الأنذار نفسه فى فردة سلك طالعه خاصه بالكلكس بحيث انها تدى اشاره متقطعه

[abo_kanze]

السلام عليكم ورحمة الله ...

انا رديت ع حضرتك في الموضوع التاني,... بالنسبه للكهربا اللي خارجه للسرينه بتبقي مباشره ومستمره ومش مقطعه ...

الحل ركب مكنة فلاشر قبل الكتاوت اللي حضرتك ركبته..

تحياتي لك.

[HotRide]

السرينه هي الي بتقطع الجهاز بيدي كهربا ثابته
ركب فلاشر هيعمل الوظيفه

[M.Mostafa80]

تم التعديل

[Akram.Gamal]

الف مبروك
طب عملتها ازاى

[exact]

روح لحد بتاع ميكروباصات استعمال وقول له عاوز كتاوت فلاشر من بتاع الميكروباص...بكتيره قوي قوي 20 جنيه وياباني وحاول تخليه يديك فيشه (انا مش متذكر كان بفيشه وللا على بوردة)
هتلاقي 3 فرد طالعين منه واحدة مكتوب عليها b ودي هتوصلها بالفردة اللي جايه من الانذار والتانية e ودي أرضي ,والتالته تقريبا r وده هتوصلة بالكتاوت اللي انت عاملة للكلاكس
تحياتي

[abo_kanze]

والتانية e ودي أرضي ,

السلام عليكم ورحمة الله..

معلش سؤال خارج الموضوع الفلاشر ما بياخدش ارضي..لان لو اخد ارضي هايتحرق,

النوعيه اللي حضرتك بتقول عليها بتاخد ارضي؟

[exact]

السلام عليكم ورحمة الله..

معلش سؤال خارج الموضوع الفلاشر ما بياخدش ارضي..لان لو اخد ارضي هايتحرق,

النوعيه اللي حضرتك بتقول عليها بتاخد ارضي؟

بص يا باشا عشان انت خلتني قلبت الدنيا لحد ما لقيته كان عندي بتاع واحد صاحبي في تويوتا ملاكي كان اتحرق وجبنا اخوه من عند بتاع ميكروباصات تقطيع ودي صور مختلفه ليه

وواضح من الصورة التالتة انه واخد ارضي...على فكرة هو جواه دايره الكترونيه هي اللي بتتحكم فيه...مش زي الفيات

والتوصيلات كالتالي>>>>E الارضي......B ده كهربا وده بيكون من السلك اللي طالع من الانذار.....L اللي هو Load او الحمل....وده يتوصل بالكتاوت بتاع الكلاكس...وبلاش توصله عالكلاكس مباشر عشان احتمال يحرقه

[abo_kanze]

السلام عليكم ورحمة الله..

exact باشا,انا اسف جدا اني تعبتك والله,

بس حضرتك اكيد تعرف النوع الشفاف وده حضرتك ما بياخدش ارضي ...بيدخلوا كهربا وبيخرج من المخرجين كهرباء في نفس التوقيت..

وشكرا ليك ع المعلومه الجديده,

وبعتذر لصاحب الموضوع , تحياتي