الكلاكس مش بيشتغل

[younglion2011]

السلام عليكم عندى عربيه رينو كليو 2002 عندى مشكله رخمه شويه وهى ان لما بشغل الاشارات ( يمين او شمال ) طول مالاشاره شغاله الكلاكس مش بيشتغل اول ما افصل الاشاره الكلاكس يرجع يشتغل عادى مع العلم ان كلاكس الرينو فى اخر دراع الاشارات وانى من حوالى 3 شهور غيرت كلاكس السياره وجبت لها كلاكس اوبل فيكترا

[elewey]

السلام عليكم عندى عربيه رينو كليو 2002 عندى مشكله رخمه شويه وهى ان لما بشغل الاشارات ( يمين او شمال ) طول مالاشاره شغاله الكلاكس مش بيشتغل اول ما افصل الاشاره الكلاكس يرجع يشتغل عادى مع العلم ان كلاكس الرينو فى اخر دراع الاشارات وانى من حوالى 3 شهور غيرت كلاكس السياره وجبت لها كلاكس اوبل فيكترا

فى الغالب الدراع عندك حيحتاج يتصلح او يتغير تمامآ

[abo_kanze]

السلام عليكم ورحمة الله,,,

شكلها المشكله في الدراع ,, بس هاطلب من حضرتك تشغل الانتظار وتجرب الكلاكس ,, لو اشتغل يبقي المشكلة فعلا في الدارع

[abo_kanze]

السلام عليكم ورحمة الله,,,

شكلها المشكله في الدراع ,, بس هاطلب من حضرتك تشغل الانتظار وتجرب الكلاكس ,, لو اشتغل يبقي المشكلة فعلا في الدارع

[younglion2011]

شكرا" لكم جميعا انا هاخدها التوكيل لان لما بشغل الانتظار الكلاكس بيشتغل عادى فهاروح بيها التوكيل وامرى لله

[beshomilan]

توكيل؟؟؟؟؟؟؟؟؟؟
مش محتاجة نصب توكيل ابدا
دى متاخدش 5 دقايق فى ايد اى كهربائى مبتدىء
حرام فلوسك

[younglion2011]

فعلا" عندك حق لما روحت بيها للتوكيل قالولى تتكلف 675 جنيه وديتها لكهربائى عادى اتكلفت 25 جنيه والكلاكس رجع اشتغل ميت فل مع العلم انها ماخدتش فى ايده 10 دقائق والتوكيل قالى سيبها وتعالى خدها بعد اربع ساعات

[pop_king3]

توكيل يعنى المافيا

[tarek_2005]

توكيل يعني تغيير
كهربائي يعني اصلاح

وهناك فرق كبير

[bakoura86]

السلام عليكم ورحمة الله وبركاته اولا كل سنة وانتم جميعا بخير وصحة وسعادة بمناسبة شهر رمضان المبارك ربنا يعيده عليكم وعلينا بكل خير وكل اللى بيتمنى حاجة ربنا يحققهاله يارب زى ما ربنا حققلى امنيتى واشتريت اول عربية فى حياتى امبارح وانا عضو جديد فى المنتدى وارجو انكو تتقبلونى بينكم انا اشتريت جين 2 موديل 2008 اتوماتيك والكلاكس فاصل وانا لسة مش بفهم حاجة خالص فى العربيات وكلمت صاحب العربية قلتلو انه يصلحهولى قالى انا سيبتلك فى تمن العربية شوية علشان تصلحه انا وديتها للمكانيكى قالى انه مش فاهم فيها وصاحب العربية قالى انها ممكن تبقى عايزة حاجة اسمها اسطوانة تركب فى الطارة ودى ب 150 صح كلامه ولا ممكن يكون فيه سبب تانى اسف للتطويل بس معلش اعذرونى واتمنى مساعدتكم

[abobakr86]

متابع باهتمام جدا لسة مش عارف احلها

[SAMER_ENGINES]

younglion2011 الحمد لله انها اتحلت على خير.

و بالنسبة لـ Bakoura 86 أحسن حاجة روح للكهربائى و هو يعرف العيب قبل ما شتشرى حاجة بـ 150 جنيه و انت مش محتاجها و ممكن لعلمك تطلع حاجة هايفة جدا و الكهربائى يعملهالك و انت واقف بـ 20 جنيه فأفضل روح للكهربائى و هو يشوف المشكلة من ايه.

و Tarek 2005 جاب من الآخر فعلا الميكانيكى يصلح التوكيل يغير لانى فى التوكيلات ميعرفوش غير شيل و حط يعنى مش صنايعية ده واحد بيفك حاجة و بيركب مكانها هى دى كل شغلته يعنى مثلا ماستر عمومى باظ شيل و حط جديد بكام بكذا و كان الله بالسر عليم على كدة لكن يفكر يصلح الماستر الاصلى او يجيب له طقم اصلاح مثلا طبعا لاً اول سبب زى ما قلت لانى غالبية اللى فى التوكيلات مش صنايعية و تانى سبب يكسبوا ازاى و يمصوا دم الناس ازاى!!