Tweet
ازاى اشد مرسيدس معدل 200 موديل 78 من الالف الى الياء وجزاكم الله خير
-
-
السلام عليكم و رحمة الله و بركاته
اللى أنا أعرفه أن شد العربية بيبقى سمكرة و دوكو و عفشة و مكنة و كهربا و فرش.
الأول هتروح لسمكرى نظيف أوى و يكون باشا و معروف بالشغل اللى بيطلع من تحت ايده, يعنى مش سمكرى و السلام, و ماتتفقش معاه الى لما تشوف الشغل اللى بيطلع من تحت ايده ايه و هتوديله العربية و هيجردهالك عالصاج خااااااااااالص و يشيل كووووووووول البوهية اللى عليها بعد ما يفك منها كوووووووووووووووووول حاجة و يسمكرها كويس و بعد كده تقوم موديها لبوهيجى برضه ممتاز جدا و أستاذ و تتفق معاه و ترشها, كده, أنت خلصت المهم, يتبقى بأه الآتى.
لو المنكة محتاجة شغل و غالبا هتلاقى لو الموتور اللى فى عربيتك بتاع بلادها, هتبقى المكنة البيضا زى اللى بتنزل فى الخنزيرة و هنا, أنا عن نفسى أفضل المكنة السودا لأنها بتنزل فى الزلمكة و بالتالى الأفضل أنك تجيبلها مكنة زلمكة 200 موديل مابين ال90 و ال6-93 و تكون بالفتيس و التكييف من بورسعيد و تركبها فى عربيتك.
الكهربائى برضه لازم يكون عارف هوا بيعمل ايه عشان يقفلك كهربا العربية كويس.
و العفشجى, نفس الكلام, تروح لواحد محترم و تقعد عنده يومين و لا تلاتة و تجيب للعربية اللى هى محتاجاه و تركبه و تاخد منه العربية حكااااااااااااااية.
لو بقية الحاجات زى الفوانيس و الفرش و التابلوه و الحاجات دى حالتها عاجباك, خلاص , ماشى, لو متبهدلة, هاتها من بورسعيد على بعض و خلاص, أنا مش عارف اذا كانت كراسى الزلمكة تركب عندك و لا لأ بصراحة, بس لو تركب يبقى 100 100.
ممكن تحتاج تجيبلك كمان 4 فرد كاوتش جداد 15-205 و دول ممكن يخشوا على الٌل فى 1800 جنيه.
العربية بالشكل ده ممكن تصرف معاك بتاع 17000-19000جنيه لو هتعمل حوار المكنة بالفتيس بالتكييف و أنا أفضل أنك تعمله.
بالتوفيق و ابقى طمننا عملت ايه و لو بدأت فى الموضوع ده, دايما خليك على اتصال بينا هنا فى المنتدى, لأنك هتلاقى الأخوة الأفاضل هنا أكيد هيفيدوك أوى فى التعامل مع الصنايعية و كمان هيفيدوك لو حبيت تركب أى كماليات فى العربية, لأن للأسف, العربيات دى لما سعرها نزل, فلاحين كتير ركبوها و عملوا فيها كماليات و أنوار و استيكرات و طاسات و جنوط, خلت العربية زبالة و أنا شفت منها كتير أوى بالشكل المزرى ده.
العربيات دى, يا اما تشدها صح يا اما ماتشدهاش خالص و روح هاتلك عربية من بتوع اليومين دول و خلاص.[CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
[CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
[CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
[CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER] -
اول حاجة تتوكل على الله
حضرتك هاتشوف الاول الصنايعية اللى هاتتعامل معاهم و لازم يكونو بيفهموا و شغلهم كويس
اولا العربية هاتروح للسروجى هايفكلك الفرش و الكراسى و فرش الابواب و السقف ( لو مش محتاجين تجديد تعينهم عندك فى البيت او عند حد امين ) و بعدين العربية تروح للكهربائى يفكلك الفوانيس و كل كهربية العربية و التابلوه (برده لو مش محتاجين تجديد تعينهم عندك و بعد كده العربية هاتروح للسمكرى بقى و دى اطول مرحلة و اصعب واحدة ..
السمكرى هايصلح كل البرومة و الخبطات الموجودة فى العربية و لازم تكون واقف على ايده ..
بعد السمكرة العربية بتبدأ مرحلة الدهان العربية بتتمعجن و تتسنفر كويس اوى و بعدين تدخل الفرن للدهان و بعد الدهان لو فيه شغل فى العفشة هاتروح للعفشجى يعمله ( بلاش تصلح العفشة قبل الدهان عشان الصنايعية بيفترو على العربية )
بعد العفشة هاتروح بقى للكهربائى يرجع الكهربة و يظبطها كويس و بعدين السروجى يركب الكراسى و كل حاجة و يبقى كده خلاص :)[SIGPIC]file:///C:/Users/m.malek/Desktop/973_11178545439.png [/SIGPIC]Comment
-
ما شاء الله الاخ مازيراتى قال كل حاجة انا ما شفتش المشاركة بتاعته :)[SIGPIC]file:///C:/Users/m.malek/Desktop/973_11178545439.png [/SIGPIC]Comment
Comment