فيووز التكييف بيسيح

[khater87]

السلام عليكم
العربيه لانسر 99
عندي في علبه الفيوزات فيوز كبير بتاع كمبريسوور التكييف
هو المفرووض انه 25 امبير
بس للاسف لما بشغل التكييف وامشي فتره طويله مشغله باحظ ان البلاستيك الي علي الفيووز بيسيح
المهم بشيل البلاستيك ده ..عشان ميسدش مكان الفيوز
انا مش عارف بيعمل كده ليه
هل اصغر الفيووز بدل 25 يبقي 20 مثلا
ولا احط الفيوز من غير البلاستيك بتاعه خالص ..وهل دي مشكله في الكمبريسور انه حمله اكبر ولا ايه مش عارف ....
وشكرا ليكو

[dr.hazem]

متابع لان نفس الموضوع كان بيحصل عندي لغاية اما لغيت الفيوز من اساسه عشان ارتاح
وبيحصل في عربية حمايا مرسيدس الفيوز اللي عليه مروحة الريديتر كل اسبوع بيتحرق ممكن يقعد اسبوعين ساعات ايومين ملوش مقياس

[elewey]

لا يا باشا تحط فيوز اعلى مش اقل يعنى 30 او فوق كمان شوف نوع يكون نظيف بلاش الصينى اللى مرمى فى كل حته دة

[khater87]

لا يا باشا تحط فيوز اعلى مش اقل يعنى 30 او فوق كمان شوف نوع يكون نظيف بلاش الصينى اللى مرمى فى كل حته دة

ياباااشا المشكله مش في الفيووز انه بيضرب ..
المشكله في البلاستيك الي عليه بيسيح من الحراره وبالتالي بيسيح قاعده الفيوز زات نفسها ..فلو حطيت واحد اكبر منه هبوظ مكانه اكتر ..المشكله في الحراره ..المفرووض الفيوز ميسخنش للدرجه الي تخليه يسيح بالدرجه دي ..وده معناه ان حمل الكمبرويسور بيزيد .. لو شحن الدينامو قل ...
مش عارف .............

[ahmedtunning]

هات الفيوز الاصلي هو ب 50 قرش البلاستيك بتاعه تقيل و بيستحمل عن الشفاف التاني

[khater87]

هات الفيوز الاصلي هو ب 50 قرش البلاستيك بتاعه تقيل و بيستحمل عن الشفاف التاني

شكرا يابااشا .بس اعرفه ازاي الفيوز ده عن غيره اذا كان اصلي من غير اصلي

[yoko]

أول حاجة شوف العربيه الفيوز الأصلي كام من الكتالوج وبعد كده نشوف وإلغاء الفيوز أو تكبيره ده دمار للعربيه

[mohammedabdallh]

أول حاجة شوف العربيه الفيوز الأصلي كام من الكتالوج وبعد كده نشوف وإلغاء الفيوز أو تكبيره ده دمار للعربيه

دايما الفيوز بيبقى له امبير معين مينفعشى تكبر ولا تصغر علشان ميحرقشى حاجه تانية شوف الاول عربية تانيه مكتوب عليها كام امبير وهات زيه

[khater87]

الفيووز الاصلي 25 امبير ..

[yoko]

الفيووز الاصلي 25 امبير ..

يبقى شوف إيه الي محمل على الفيوز وممكن تحط اميتر مكان الفيوز وتشوف القرايات هل بتعدي 25 ولا لأ

[tarek_2005]

المشكلة في نوعية الفيوزات المتداولة في الاسواق حالياً وليس في الاحمال او الاجزاء الخاصة بالسيارة منتشر في الاسواق الان انواع من الفيوزات لو تركتها داخل مقصورة السيارة دون تركيب او توصيل او تحميل وركنت العربية في الشمس ربع ساعة هترجع تلاقي البلاستيك بتاعه سايح
حاول تدور علي نوع فيوز محترم وهناك انواع صينية حاصلة علي عدة شهدات ايزو خليك فيها هيا المضمونة دلوقتي في السوق وهتلاقي سعرها غالي شوية