الحقووووووووووووني

[ostoraa]

انا معايا بريليانس جالينا 2006 وفيها مشكله في الحراره مدوخاني ومحدش عارف ايه السبب
دلوقتي انا لما بفتح النور بتاع التابلوه مؤشر الحراره بيعلي سنه بسيطه عن النص ولما بفتح نور الفوجات بالعلم ان نور الفوجات زينون الحراره بتعلي سنه كمان ولما بنور النور الصغير مع العلم ان النور الصغير عادي مش زينون بيعلي الحراره سنه كمان ولما بنور النور العالي علما بان النور العالي زينون بيعلي الحراره اوي بس مش بيوصل للاحمر ولما بشغل الكاسيت و اعلي الكاسيت الحراره بترفع اكتر علما بأني مركب سيستيم ساوند وفي الاخر بلاقي زراع النور سخن

خلاصه الموضوع اني لما بحمل اي كهربا زياده علي البطاريه بيرفع حراره العربيه ومش عارف اعمل ايه
يا ريت لو حد يقولي اعمل ايه او اي حد فاهم في العربيه دي يقولي لان الموضوع ده بيقريفني اوي كل لما بخرج بالعربيه
انا مستني الردود واسف علي الاطاله

[elewey]

دراع النور بيسخن عشان انتا اكيد مش مركب كتاوت وخلى بالك كدة الدراع ممكن يسيح موضوع ان الحرارة بتزيد مع تحميل الكهربا اعتقد دة مشكله فى سير الدينمو عايز يتغير

[tarek_2005]

اولاً يجب تحديد اذا كان ارتفاع الحرارة فعلي ام وهمي
اي ارتفاع الحرارة الظاهر علي المؤشر امامك في التابلوه بالفعل يقابلة ارتفاع لحرارة المحرك ولا القراءة دي وهمية
حتي نحدد العيب منين بالظبط

[ostoraa]

وده بقي اعرفه ازاي يعني

[tarek_2005]

يعني المياه بتغلي في القربة ولا لاء

[ostoraa]

لا مش بتغلي ويعني ايه اعلي الارضي يا ريت التوضيح بالتفصيل وانا متابع الردود

[HeMa_LanCeR]

يعني توصل سلك كويس من السالب في البطارية
لأي جزء معدني في شاسيه العربية
لأن ممكن يكون ارتفاع المؤشر ده وهمي
يعني العربيه مش بتسخن

[ostoraa]

وافصل السلك الاصلي

[modyz2006]

وافصل السلك الاصلي

لأ هتسيبو زى ما هو و تركب سلك تانى و يفضل يكون سمكه كبير و توصلة ما بين القطب السالب للبطارية و أى جزء معدنى زى بلوك الموتور مثلا او شاسيه العربيه

[ostoraa]

ينفع في اي مسمار في الماتور