السلام عليكم اخوانى الأعزاء..باختصار مشكلتى ان العربيه قطعت النفس تماما من كله من كام يوم بصيت فى البطاريه لقيت لمبة البيان قلبت اسود معناها عايزه شحن ... كلمت الميكانيكى قالى هاجى اعملك وصله وبعدين روح اشحن عن فلان الكهربائى شكرته وجانى ومعاه بطاريه سايله (بتاعتى جافه واشتغلت 4 سنين لأنى مريح عربيتى ) المهم فك بطاريتى وطلب منى ميه سخنه رحت اجيبها لقيت العربيه شغاله من غير اى بطاريه لابتاعتى ولا بتاعته ولقيته بيركب تانى بطاريتى وقالى انا بشخنهالك من الديناموووووووو ...انا فرحت قوى وقلتله يعنى مش هحتاج اشحن عند صحبك ده قالى لالالالالالالا ... والعربيه شغاله والأنوار شغاله وكله ميه ميه ...بس للأسف معرفش فجاه لقيته بيقولى البطاريه مش متقبله الشحن ؟؟؟!!! امال ازاى العربيه دارت ؟؟؟ معرفش انا مرضتش اتناقش كتير معاه والتزمت الصمت علشان ما يعرفش انى غشيم ومش فاهم كويس ... بس حسيت انه برضه حس انى غشيم وفرحت لما قالى انى مش محتاج شحن البطاريه عند صاحبه ...المهم رجع فى كلامه وقالى لازم تشحنها عنده لأنه واضح انا بايظه وهو هياحدها منك ب 60 جنيه وهيديدلك واحده جديده ؟؟؟؟!!!! طبعا الفااااارررر حبيبى لعب فى عبى وحسيت انه مستخسر فيا المصلحه وعايز يعمل شغل على قفايا .... قلت خلينى مع الكداب لحد باب الدار ...قالى انا هوديهاله وهو يشوفهالك دلوقتى حالا ... وماقليش تعالى معايا طبعا انا واحد بالى بس عايز اشوف اخرتها .... غاب عليا حوالى 10 دقايق بالكتير ورجع قالى بيقولك مش نافعه ...؟؟؟قلتله طب هاتها اصل مش معايا فلوس دلوقتى للشرا ...اتضايق جدا بس راح جبهالى ...قلتله عايز كام فى الفيلم ده قال 20 جنيه اديته 10 فرح قوى وطبعا اعتبرنى اهبل؟؟؟ المهم ايه رايكم ؟؟؟؟؟؟ ايه حكاية ان لما البطاريه تخلص تتشحن من الدينامو؟؟؟؟ وبعدين يرجع فى كلامه ويقولى مش قابله الشحن؟؟؟ من قبل ما يروح للكهربائى؟؟؟ وهل البطاريه هيبان عليها انها بايظه من دقايق قليله على الشاحن؟؟؟؟
X
-
البطارية الجافه غالبا لما بتفصل بتكون توكلت على الله
مينفعش يتعملها صيانه[SIGPIC]http://www.nilemotors.net/Nile/signaturepics/sigpic82537_6.gif[/SIGPIC]
[URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]
Comment
-
طيب مش حضرتك مركب البطاريه خد بيها مشوار طويل وياريت تكون سرعتك عاليه يعنى امشى على الدائرى مسافه حلوة كدا وبعدين شوف البطاريه شحن ولا لا دى فى حاله حضرتك مش عاوز تروح لحد كهربائى يشحنهالكاقوى واغلى 10 اسلحه بالعالم
http://technology-mmm.blogspot.com/
http://imageshack.com/a/img850/6764/4fdl.jpg
Comment
-
بالرغم انى شرحت الموضوع بالتففاصيل الممله لكن واضح برضه ان كلامى مش واضح ...تانى
اولا : ازاى العربيه دارت والكهرباء اشتغلت والميكانيكى مش مشغل اى بطاريه ؟
ثانيا : الميكانيكى قالى فى الأول انه بيشحنلى البطاريه بالدينامو دلوقتى (العربيه وهى دايره ) ومش هحتاج اوديها لبتاع الكهربا وبعدين رجع فى كلامه بعدها بخمس دقايق وقالى البطاريه مش قابله الشحن (برده وهو واقف مكانه ) ؟؟؟
ثالثا :طالما البطاريه بايظه هيشتروها منى ب 60 جنيه ليه؟؟؟؟؟؟ يعنى هيرموها بالزباله؟؟؟ طبعا هيشحنوها ويبعوها لحد غيرى...طيب ماانا صاحبها وانا اولى من الغريب
رابعا : ازاى تتاكد انت ان الكهربائى مش بيضحك عليك وان البطاريه فعلا بايظه؟؟
Comment
-
ياريتتتتتت ياابو معاذ تقولى وجهة نظرك واكوك شاكر لفضلك واللهالمشاركة الأصلية كتبت بواسطة أبومعاذ مشاهدة المشاركةغالبا الميكانيكي زي الفل و مش نصاب والله أعلم ولو تحب تفاصيل ممكن أشرحلك
Comment
-
طيب ليه الكهربائى بيبقى عايز يشتريهااااااا؟؟؟؟؟؟؟؟ غاوى يرمى فلوس فى الأرض مثلالالا؟؟؟المشاركة الأصلية كتبت بواسطة elawany13 مشاهدة المشاركةالبطارية الجافه غالبا لما بتفصل بتكون توكلت على الله
مينفعش يتعملها صيانه
Comment
-
الميكانيكى ولا نصاب ولا حاجة
الاول نتفق على ان دور البطارية هو إدارة العربية فقط
أمل بعد كده فبيكون حمل كهرباء العربية كله على الدينامو
حضرتك لما رحت تجيب المياه السخنة ، الميكانيكى حط البطارية السائلة اللى معاه ودور بيها العربية
بعد لما العربية دارت هو راح شايل البطارية وفضلت العربية دايرة بفعل الدينامو (طبعا حضرتك لما رجعت ومالقتش أى بطارية أستغربت)
هو راح حاطط البطارية بتاعتك علشان تشحن من الدينامو وقالك ان الدينامو هيشحنها (ده على اعتبار ان البطارية سليمة ولكنها فضت شحن بس)
لما حط البطارية وأستنى شوية جاب هو افوميتر وقاس شحن البطارية لقاها مديه قراية تقارب للصفر
فعرف ساعتها ان البطارية نفسها هى اللى باظت مش الشحن فضى
موضوع ان بتاع البطاريات هياخد 60 جنيه ويديك واحدة شغالة
بتاع البطاريات هيديك واحدة مستعملة ولكنها تعمل (أكيد مش بنفس كفاءة الجديد)
الافضل ليك انك تروح تشترى بطارية جديدة
ملحوظة : لما تيجى تشترى بطارية جديدة الراجل هياخد منك القديمة ولازم يخصم تمنها من الجديدة (اللى هو بيكون فى حدود 50 جنيه)
Comment
-
هو فك البطاريه وراح بيها للكهربائى ورجع من غيرها بعد 10 دقايق يقولى الكهربائى بيقول انهاالمشاركة الأصلية كتبت بواسطة mohammedabdallh مشاهدة المشاركةطيب مش حضرتك مركب البطاريه خد بيها مشوار طويل وياريت تكون سرعتك عاليه يعنى امشى على الدائرى مسافه حلوة كدا وبعدين شوف البطاريه شحن ولا لا دى فى حاله حضرتك مش عاوز تروح لحد كهربائى يشحنهالك
بايظه فانا قلتله طيب ارجع هاتها ومش هشترى دلوقتى... البطاريه معايا فى البيت مش متركبه بالعربيه ... الغريب وربما مش غريب؟؟؟؟؟ انه بسرعه قرر الكهربائى انها بايظه ؟؟؟متهيالى انه ملحقش يحطها على التونجر ؟؟
Comment
-
المشاركة الأصلية كتبت بواسطة mohammettt مشاهدة المشاركةبالرغم انى شرحت الموضوع بالتففاصيل الممله لكن واضح برضه ان كلامى مش واضح ...تانى
اولا : ازاى العربيه دارت والكهرباء اشتغلت والميكانيكى مش مشغل اى بطاريه ؟
ثانيا : الميكانيكى قالى فى الأول انه بيشحنلى البطاريه بالدينامو دلوقتى (العربيه وهى دايره ) ومش هحتاج اوديها لبتاع الكهربا وبعدين رجع فى كلامه بعدها بخمس دقايق وقالى البطاريه مش قابله الشحن (برده وهو واقف مكانه ) ؟؟؟
ثالثا :طالما البطاريه بايظه هيشتروها منى ب 60 جنيه ليه؟؟؟؟؟؟ يعنى هيرموها بالزباله؟؟؟ طبعا هيشحنوها ويبعوها لحد غيرى...طيب ماانا صاحبها وانا اولى من الغريب
رابعا : ازاى تتاكد انت ان الكهربائى مش بيضحك عليك وان البطاريه فعلا بايظه؟؟
العربية دارت عن طريق تشبيط البطارية السايلة اللي هو كان جايبها معاه و تدوير العربية و بعدين شال البطارية و العربية تفضل دايرة عادي
بعد كدا حط البطارية القديمة بتاعتك على امل انها تكون نايمة بس مش ميتة و لو نايمة ممكن تشحن من الدينامو فعلا وهي البطارية راكبة على الدينامو المفروض لما يقيسها تطلعله قيمة معينة هو ممكن يكون قاسها ولقى انها مش بتستجيب للشحن فقال انها ممكن لو اتحطت على التونجر تشحن فلازم تروح لكهربائي لما الكهربائي قاسها و لأنه بيفهم عن الميكانيكي لقاها مش نافعة فقالك هياخدها و يديك واحدة جديدة
دا تصوري للموضوع وممكن يكون غلط ولو عايز تتأكد روح لكهربائي تاني خليه يكشف على البطارية[COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]
Comment
-
شكرا جزيلا على التوضيح ..لكن اسمحلى ممكن تفهمنى اكتر ... يعنى نعتبرها قاعده انه طالما البطاريه سليمه بس فاقده الشخن بنشحنها من الدينامو...؟؟ طيب وامتى بنشخنها عند الكهربائى؟؟؟المشاركة الأصلية كتبت بواسطة romieh مشاهدة المشاركةالميكانيكى ولا نصاب ولا حاجة
الاول نتفق على ان دور البطارية هو إدارة العربية فقط
أمل بعد كده فبيكون حمل كهرباء العربية كله على الدينامو
حضرتك لما رحت تجيب المياه السخنة ، الميكانيكى حط البطارية السائلة اللى معاه ودور بيها العربية
بعد لما العربية دارت هو راح شايل البطارية وفضلت العربية دايرة بفعل الدينامو (طبعا حضرتك لما رجعت ومالقتش أى بطارية أستغربت)
هو راح حاطط البطارية بتاعتك علشان تشحن من الدينامو وقالك ان الدينامو هيشحنها (ده على اعتبار ان البطارية سليمة ولكنها فضت شحن بس)
لما حط البطارية وأستنى شوية جاب هو افوميتر وقاس شحن البطارية لقاها مديه قراية تقارب للصفر
فعرف ساعتها ان البطارية نفسها هى اللى باظت مش الشحن فضى
موضوع ان بتاع البطاريات هياخد 60 جنيه ويديك واحدة شغالة
بتاع البطاريات هيديك واحدة مستعملة ولكنها تعمل (أكيد مش بنفس كفاءة الجديد)
الافضل ليك انك تروح تشترى بطارية جديدة
ملحوظة : لما تيجى تشترى بطارية جديدة الراجل هياخد منك القديمة ولازم يخصم تمنها من الجديدة (اللى هو بيكون فى حدود 50 جنيه)
انا ما شفتش اى افوميتر معاه وهو لما قرر ان البطاريه مش بتستجيب دخل العربيه لقيت العربيه انطفت ومش دارت تانى فخرج من العربيه وقالى البطاريه بايظه؟
هو قالى ان الكهربائى هيدينى بطاريه بالكرتونه بتاعتها ؟؟؟!!!! مش مستعمله ..بس برضه هيشترى المستعمله ليه طالما بايظه ..السؤال ده هيجننى؟؟؟؟
Comment
-
البطارية طالما سليمة يبقى بتتشحن من الدينامو (وده بيحصل طبيعى فى الاوقات العادية والعربية بتكون ماشية)المشاركة الأصلية كتبت بواسطة mohammettt مشاهدة المشاركةشكرا جزيلا على التوضيح ..لكن اسمحلى ممكن تفهمنى اكتر ... يعنى نعتبرها قاعده انه طالما البطاريه سليمه بس فاقده الشخن بنشحنها من الدينامو...؟؟ طيب وامتى بنشخنها عند الكهربائى؟؟؟
البطارية بتتشحن عند الكهربائى (ودى فى حالة السائلة فقط) علشان تعادل الحمض اللى فى البطارية (وده بيتم كل فترة ولتكن 6 شهور)
أما البطارية الجافة فلما بتفضى يا إما بتتشحن بالدينامو عادى ، يا إما بتوديها للكهربائى يشحنها بدل ما فضل مدور العربية ساعة ولا ساعتين او تاخد العربية مشوار (إستسهال يعنى)
ممكن هو ساب البطارية تشحن شوية وبعدين طفى العربية وحاول يدورهاالمشاركة الأصلية كتبت بواسطة mohammettt مشاهدة المشاركةانا ما شفتش اى افوميتر معاه وهو لما قرر ان البطاريه مش بتستجيب دخل العربيه لقيت العربيه انطفت ومش دارت تانى فخرج من العربيه وقالى البطاريه بايظه؟
لما البطارية ماعرفتش تقوم العربية هو استنتج انها كده باظت
بس برضه لا يدل على ان البطارية فعلا باظت لان ممكن تكون مدة الشحن مش كافية
علشان تتأكد ان البطارية باظت لازم البطارية تتقاس
الكهربائى عمره ماهيديك بطارية ب 60 جنية وتكون جديدة أبداًالمشاركة الأصلية كتبت بواسطة mohammettt مشاهدة المشاركةهو قالى ان الكهربائى هيدينى بطاريه بالكرتونه بتاعتها ؟؟؟!!!! مش مستعمله ..بس برضه هيشترى المستعمله ليه طالما بايظه ..السؤال ده هيجننى؟؟؟؟
لانها تمنها أكتر من كده بكتير
اما موضوع انه هيشرى منك القديمة فده طبيعى فى البطاريات لاغراض إعادة التدوير
يعنى هو بياخد منك القديمة وبيروح يبيعها للمصنع بتاع البطاريات والمصنع بيفكها وياخد الاجزاء اللى فيها يعمل منها البطاريات الجديدة
Comment
-
كلام مظبوطالمشاركة الأصلية كتبت بواسطة SASA3 مشاهدة المشاركةهو قصده ان الكهربائى هيديك 60 او 50 جنيه مقابل القديمة و ه8و بيفكها و يبيع الرصاص بتاعها ب الطن
او يعنى يخصملك ال50 جنيه دول من تمن الجديدهاقوى واغلى 10 اسلحه بالعالم
http://technology-mmm.blogspot.com/
http://imageshack.com/a/img850/6764/4fdl.jpg
Comment

Comment