الاشارة اليمين شغالة مع الفرامل

[Seifmando]

انا عربيتي لانسر بومة 2008
من كام يوم وديتها للسمكرى عشان يظبط الاكصدامات ويريح الفوانيس وبالمرة عملت السمكرة اللى على البارد

المهم انى لما اخدت منه العربية وروحت البيت وشغلت الانتظار لقيت ان الفانوس اللى ورا يمين لقيت لمبة الاشارة شغالة مع لمبة الفرامل على بالتتابع
يعنى لمبة الفرامل تنور مرة ولمبة الاشارة تنور مرة وهكذا لحد ما اطفى الاشارة او الانتظار او لما اسيب فرامل

وكمان بحس ان لمبة الاشارة يمين اللى فى التابلوه مشعرة يعنى حاسسها ساعات تنور ضيعيف جداً مع انى مش مشغل الاشارة

طولت عليكو بس انا عاوز اعرف السبب ايه وتستاهل انى اروح لكهربائي ولا ممكن اعملها بنفسي

وشكراً مقدماً

[Ashraf_Ashraf]

بص ياسيدى الفاضل كده معناه ان الارضى بتاع الفانوس مش واصل او واصل وتحته مش نظيف
ركبه ونظف تحته من اى اثارصدا ولا تراب ولازيوت وان شاء الله كله هيرجع زى ماكان

[Seifmando]

على فكرة دي اسرع مرة حد يرد عليا فيها
شكراً يا زعيم

[Ashraf_Ashraf]

ربنا يخليك يارب
المهم يكون فيه ان الخير ان شاء الله

[ah77ed]

ممكن يكون و هوة بيركب الفانوس قرص على سلك حصلت معايا فك و شيك

[tarek_2005]

الارضي بتاع الفانوس ومتوهش نفسك في حاجة غيره