ما هى اعطال الاجزاء الكهربائية الاتية

[RMADAN0056]

ما هى الاعطال والعلاج للاجزاء الكهربائية الاتية | الابلاتين---الكوندنسر---البوجيهات---الموبينة---المارش----الدينامو---افيدونى افادكم اللة

[RMADAN0056]

هل الاسئلة صعبة لهزة الدرجة بحيث لا يوجد احد فى اكبر منتدى سيارات يجاوبنا علىها !!!!!

[tarek_2005]

الموضوع ده كبير جداً ولازم تفرد لكل عنصر علي حدي موضوع

الكولدنسر
لابد من معرفة وظيفته
منع التيارات العكسية في الابلاتين حتي يطيل من عمر نقاط التلامس بتاعة الابلاتين
تلفه انه ميقومش بوظيفته
الاعراض
سماع صوت فرقعة من الشكمان لخروج شحنة غير مشتعلة
تلف سريع للابلاتين
عدم قدرة المحرك علي الاقلاع
بطئ في اقلاع المحرك
العلاج تغييره

وهكذا لابد من اخذ عنصر عنصر حتي نتمكن من الرد عليك

[tarek_2005]

الابلاتين
وظيفته
مفتاح لقطع وفصل التيار
وبتشبيه غير دقيق علشان محدش يعترض عليا
(( محول من تيار مستمر الي نبضة - شبه تيار متردد ))

اعراض تلفه
تنتيش
عدم اقلاع المحرك
سماع صوت كهرباء زائدة عند التسارع

العلاج التغيير

والعلاج المؤقت للسير بالسيارة الي ورشة الخدمة صنفرة الاطراف بتاعته بصنفرة ناعمة

[tarek_2005]

البوجيهات
(( شمعات الاحتراق ))

وظيفتها تحويل التيار الي شرارة لاشعال الشحنة المغوطة من البنزين والهواء داغل غرفة الاحتراق

اعراض تلفه
عدم اقلاع المحرك
سماع انفجار من الشكمان
المحرك مبرجل (( دائر ثلاثة بستم فقط ))

العلاج
التغيير
وعلاج مؤقت
فكه وغسله ببنزين ثم حرقه علي النار

[tarek_2005]

وانتظر البقية لحسن ايدي وجعتني من الكتابة ومنتظر تعليقات الاخوة الاعضاء
(( تحذير هام
انا ببسط الفكرة اوي علشان محدش ينتقد اسلوب العرض ))

[A.Saad]

tarek_2005
شكراً ليك

[RMADAN0056]

اشكر الاخ العزيز طارق2005 على هذة المعلومات القيمة التى تتيح لنا معرفة مواطن الخلل والعلاج ونتمنى مزيدا من المشاركات الفعالة ----------كما اشكر الاستاذ سعد على المشاركة

[sofianesof]

شكرا اخ طارق

[romieh]

طيب انا هكمل بنفس أسلوب أ / طارق البسيط لحد ما حد من الخبراء يفردلهم موضوع

الموبينة

وظيفتها : هى رفع جهد التيار القادم من الدينامو او البطارية الى قيم عالية حتى يستطيع البوجيهات توليد الشرارة للحرق

أعراض تلفها : فى الاول العربية هتبدأ تنتش منك وانت ماشى وبعدين تقف خالص ومش هترضى تدور الا لما الموبينة تبرد

العلاج : تغيير الموبينة (ومش عارف ينفع صيانتها ولا لأ)

علاج مؤقت : فى حالة ان الموبينة كانت سخنت والعربية بطلت، يتم لف فوطة بعد بلها مياه وتنشيفها (مندية) على جسم الموبينة الخارجى لتبريدها (بدون ان الفوطة تلمس أى سلوك بيها)

[romieh]

المارش (بادئ الحركة)

وظيفته : هو اللى بيعطى الموتور عدد اللفات اللى بخلالها الموتور يستطيع العمل (بيدور الموتور)

أعراض تلفه : الموتور مش هيدور طبعا ، هتلاقى الموتور بيلف ببطئ ولا مش عارف يدور

العلاج : يتم عمل طقم اصلاح وصيانة ليه عند الكهربائى (جلب وشربون .........)

ساعات المارش نفسه بيكون سليم لكن الاتوماتيك بتاعه هو اللى بايظ

وساعتها بنغير الاتوماتيك فقط ، وفى حالة انه كهربته ضعيفة بيتحطله كتاوت تقوية

[romieh]

الدينامو

وظيفته : امداد العربية بالكهرباء اللازمة لتشغيل كافة مكوناتها

أعراض تلفه : عدم ظبط كهرباء العربية - عدم شحن البطارية - برجلة فى الموتور ..... حاجات كتير يكون ليها علاقة بكهرباء العربية

العلاج : يتم صيانته لدى الكهربائى ، وساعات يتم لفه ، وساعات يجب تغييره

[RMADAN0056]

[COLOR="SeaGreen"]شكرا جزيلا اخى العزيز romieh على تعريفنا ببساطة عن وظائف الموبينة و المارش و الدينامو نرجو المزيد من الاخوة الاعضاء للمشاركة حتى تعم الفائدة علينا جميعا وشكرا

[nasser73]

سلمت يداكم

[biomedo]

في انتظار
البطاريه و اعراض تلفها و كيفية الكشف و ملىء الماء