سؤال فنى جدا

[aymanshebl]

السلام عليكم و رحمة الله و بركاته

ان بسال حضراتكم هل فى حاجة تتركب على سلك الكهرباء الموجب بتاع العربية تمنع رجوع التيار يعنى التيار يمشى فى اتجاة واحد مايرجعش تانى لقطب البطارية الموجب و شكرا

[ahmedhawas]

- القطب الموجب للبطارية بيطلع منه التيار الكهربي في إتجاه واحد بس مروراً بالحِمل الكهربي ثم إلى الأرضي.
مبيرجعش عكس الإتجاه نهائي (عشان البطارية بتديك تيار مستمر DC).

- يمكن حضرتك تقصد الدينامو (Alternator) وده بينتج (تيار متردد AC) ويتم تحويله إلى تيار مستمر لكي يتمكن من شحن البطارية.
وبيتم تحويله بواسطة قاعدة السليكونات (ولها أسماء أخرى زي: موحد التيار أو bridge rectifier أو power diodes)

- المهم: الديود diode هو اللي بيسمح بمرور التيار في إتجاه واحد فقط ويمنع مروره في عكس الإتجاه.

وياريت لو تقولنا إيه الغرض من سؤالك !!!

[aymanshebl]

- القطب الموجب للبطارية بيطلع منه التيار الكهربي في إتجاه واحد بس مروراً بالحِمل الكهربي ثم إلى الأرضي.
مبيرجعش عكس الإتجاه نهائي (عشان البطارية بتديك تيار مستمر dc).

- يمكن حضرتك تقصد الدينامو (alternator) وده بينتج (تيار متردد ac) ويتم تحويله إلى تيار مستمر لكي يتمكن من شحن البطارية.
وبيتم تحويله بواسطة قاعدة السليكونات (ولها أسماء أخرى زي: موحد التيار أو bridge rectifier أو power diodes)

- المهم: الديود diode هو اللي بيسمح بمرور التيار في إتجاه واحد فقط ويمنع مروره في عكس الإتجاه.

وياريت لو تقولنا إيه الغرض من سؤالك !!!

اولا شكرا لرد حضرتك الوافى و الغرض من السؤال هو ان انا اشتريت شاشة للعربية و كنت بقيس الامبير علشان الحمل الكهربى على السلك و بعدين قلت اشيك على الفولت و لقيته مظبوط و فصلت سلك الكهربا و بعدين لاقيته بيقرا فرق جهد برده مع ان هو مش متوصل بالعربية حوالى 11 فولت و العربية 12 فولت و شيكت عى السلك ما فيش فيه اى تسريب نهائى كله سليم فعرفت بعد كده ان الشاشة فيها ساعة و بتحفظ الوقت مش عارف ازاى تقريبا بمكثف اذا ما كنتش غلطان المهم هل لو انا موصل الشاشة و طافى العربية الموجب اللى فيها ممكن يرجع للبطارية و يعمل مشكلة و لا لا و شكرا و ده سبب سوالى عن الديود

[MEKAWY2000]

متابع