استفسار بسيط

[sheda]

استفسار بسيط

انا عندى نيسان صنى موديل 2010 اتوماتيك المشكله انها اتوماتيك المهم بالرغم من ميزه الاتوماتيك فى الزحمه لكن العيب الخطير ان البطاريه لو نامت يبقى يومك اسود انا كنت راكن العربيه فى الجراج و خطأى انى سيبت الباب مش مقفول كويس فلمبه الصالون قامت بالواجب و خلصت على البطاريه و عشان اليوم يكمل فرده كاوتش نامت برضه و الاستبن نامت برضه كانهم متفقين عليا المهم انى كنت عامل حسابى و عندى الوصله بتاعت البطاريه جيبها من التوفيقيه ب55 جنيه النوع التخين بتاع عربيات النقل !! جبت تلاته زمايلى واحد عربيه لادا الروسى القديمه و التانى عربيه شاهين و التالت عربيه صينى سيبك منه الى هيجننى ان مفيش ولا واحد عرف يقومها انا بوصل الاقطاب البطاريه صح ال+ الاول و بعدين ال- عشان ميحصلش مشاكل لما اوصل العدادات شغاله لكن مش بتقوم خالص المهم استلفت تونجر و حطيت البطاريه بتاعتى فى الشحن لمده 5 ساعات و لما ركبتها اشتغلت علطول كان مفيش حاجه و رحت للراجل يكشفلى على البطاريه قالى سليمه مع ان المؤشر بيقول ان لسه عايزه تتشحن قالى المؤشر ده مش دقيق لانه محطوط على جزء من البطاريه مش كلها المهم بعد كل ده عشان اليوم يكمل المحفظه اتسرقت قدر الله و ماشاء فعل
دلوقتى عايز اعرف :
1) ليه العربيات دى مقومتش عربيتى ممكن عشان هما بطاريات سائله و انا جاف؟؟
2) عايز اجيب تونجر اجيبه منين و بكام مع العلم انى ملمحتوش فى التوفيقيه
3) ايه حكايه المؤشر بتاع البطاريه ده مع العلم ان المؤشر لسه زى ما هوا حتى بعد ماعملت مشاوير كتير
4)ممكن العربيه تقوم من التونجر علطول من غير البطاريه
5) اهم سؤال مين الى سرق المحفظه ؟؟ الله يسامحه بس يبعت البطاقه و الرخصه نصيحه يا جماعه انا بستخدم الفيزا الكترون و دى ساعدتنى انى مفقدش مبلغ كبير 30جنيه الى كانو فى المحفظى ربنا يبعد الشر عنى و عنكم
اسف على الاطاله و شكرا جزيلا

[tarek_2005]

طالما الثلاث عربيات مدوروش عربيتك يبقي العيب في الوصلة طبعاً
المحاولات لادارة سيارتك كانت السيارة الثانيه دايرة ولا مبطله
التونجر هتلاقيه في شارع الجمهورة بس في اختراع احسن من التونجر في شركة بتبيع جهاز بيديلك شحن فوري لتدير السيارة وبه منفاخ عجل وكشاف طوارئ لو عايز ابعتلك اسمهم وتفاصيل الوصول اليهم علي الخاص
واخيراً ربنا يعوض عليك في المحفظة واحمد ربنا ان مفيهاش فلوس كتير وربنا يعينك علي استخراج بدل فاقد للاوراق الي كانت فيها