لمبة البطارية تضيئ بنور خافت يزول مع ضغط البنزين

[freedom_scream]

السلام عليكم
انا اشتريت عربية جوليت موديل 98
المهم كنت لما ادور العربية بتطفي جميع اللمبات جيت في يوم مادورتش العربية يومين نزلت ادور مادرتش المهم اخدت وصلة من بطارية واحد ودورت راحت درات بس لقيت لمبة البطارية تضيئ نور ضعيف ( مسرية يعنى ) ولما ازود بنزين تطفي
روحت للكهربائي قاسلي الدينامو قالي الدينامو شحنة تمام العيب من البطارية
روحت اشتريت بطارية جديدة وركبتها ولقيت نفس المشكلة ان لمبة البطارية بردو منورة نور ضعيف ويختفي مع دوسة البنزين قالي دي مافيهاش مشاكل وانت لما حاتمشي بالعربية حاتطفي اللمبة بس عاوزالها مشوار بتاع 30 كيلو علشان البطارية تتشحن لانها جديدة وكانت مركونة فترة
وطالما بتختفي مع دوسة البنزين ماتقلقش منها
ياترى الكلام ده صح ولا بيشتغلني لاني لسة جديد مع حوار العربيات وقرفها
ارجوا الافادة بالله عليكم
وشكراً لكم

[Land_Cruiser]

أمشى بيها مشوار محترم الصبح و بعد كده شوف اللمبه هتطفى خالص و لا لأ و لو فضلت زى ما هى تبقى مشكله دينامو و ممكن تروح لكهربائى تانى

[mahamedaraby]

لو بتنور خفيف اوى دى مشكله فى الكهرباء وعايز فنى بيفهم علشان يقولك ايه بالظبط ممكن تكون سيلكونات دينمو او دفيره مسربه او عايزه ارضى كويس ممكن تكون كذا حاجه فراجع مع كهربائى غير ده ويكون بيفهم

[tarek_2005]

عيب كهربائي غير الكهربائي ده فوراً

[freedom_scream]

شكراً على اهتمامكم وردودكم السريعة

[ahmedhawas]

عيب كهربائي غير الكهربائي ده فوراً

1111111111111111111+
وفي الغالب بتكون سير دينامو مش مشدود .. أو قاعدة سيليكونات

[ahmed_mido1889]

90%قاعده سيلكونات

[ahmed legend]

روح لكهربائى تانى خلى يشوف الدينمو

[kindnight]

السلام عليكم ورحمه الله وبركاته الموضوع ده حصل معايا لما فكيت الدينامو لتغيير البليه و السبب ان الصنايعي لما فك سيليكونات الدينامو وركبها مره تانيه ملحمشي الوصلات جيداً ولما فكه مره تانيه اعاد علي الحمات والحمد الله ماشي الحال روح لكهربائي تاني

[exact]

بعد اما تتاكد من الدينامو عللى السلانسيه بتاع العربية ماتخليهوش يقل عن 900

[a_hejazy]

90% سليكونات