لما بدور العربية بسمع صوت تكتكة من المارش

[mohamed2002]

من كام يوم بدور العربية مش بتدور وصوت تكتة مارش المهم دورتها زق ومشيت بيها شوية وبطلت وادور مش بتدور زقتها دارت وصلت للكهربائي حط البطارية علي التونجر وقالي دة عيب كتاوت وجبت واحد وركبته ومشيت بيها وزي الفل النهاردة دورتها دارت وقضيت مشواري وجيت ركنت ونزلت بيها تاني نفس الحوار يبقي العيب من اية
نوع البطارية فارتا 55 امبير
نوع السيارة لادا 2105

[ahmed_mido1889]

البطاريه بقاله اد ايه

وكتاوت ايه الي غيرته

وايه اخبار شحن الدينامو بيشحن علي كام؟

[graffittiii]

العيب ف الدينامو وأنت مغمض ... علشان متصدعش نفسك هات دينامو واشتري دماغك ... عمري ماشفت كهربائي غير كتاوت دينامو أوقاعده سليكونات وجابت نتيجه ... ف الاخر برضه بترسي علي دينامو ....

[mohamed2002]

والله ما عارف بتاع البطاريات شركة فارتا بيقول البطارية سليمة 100% والكهربائي الجديد بيقولي غير بطارية

[ahmed_mido1889]

روح لكهربائي تاني يتاكد وشوف شحن الدينامو

وشوف الكابلات ممكن يكون كابل مملح

[فتح الباب]

وممكن يكون اتوماتيك المارش بيكون فيه بوش وبالتالى يكون غير قادر على خروجه مشواره لتكملة الاداره للسياره

[graffittiii]

روح لكهربائي تاني يتاكد وشوف شحن الدينامو

+1

[mohamed2002]

والله انا محتار
المشكلة في البطارية ولا الدينامو ولا المارش ولا الكتاوت

[ahmed_mido1889]

حضرتك بتلف في دايره مفرغه

قولنا لحضرتك روح لكهربائي تاني خليه يشوف العيب وما تقولش ف واحد قال كده

محدش هيعرف ايه الي فيها علشان ما شافهاش

ممكن تكون القواطيش عايزه تتغير

ممكن يكون المارش نفسه بيعتل بس الاوتوماتيك بتاعه شغال

[Land_Cruiser]

حصل معايا كده مره و طلعت البطاريه كان فيها ربع ضارب و غيرتها و بعد كده المشكله اتحلت

[wael3m]

روح لكهربائي تاني يتاكد وشوف شحن الدينامو

وشوف الكابلات ممكن يكون كابل مملح

أظن انك لازم تشحن الدينامو زى ما العضو الفاضل ما قال

[mohamed2002]

أظن انك لازم تشحن الدينامو زى ما العضو الفاضل ما قال

ازاي اشحن الدينامو؟؟

[ahrambc]

وممكن يكون اتوماتيك المارش بيكون فيه بوش وبالتالى يكون غير قادر على خروجه مشواره لتكملة الاداره للسياره

تمام