الكلاكس مش عاوز يشتغل !

[خالد]

كلاكس الماروتى حبيبة قلبى طفى ومش عاوز يشتغل !!
نزلت التحرير وبحتفل بفوز مرسى ، وخدتها من شبرا لغاية عين شمس وأنا مشغل الكلاكس وأولادى فرحانين وماسكين الأعلام فى العربية ، وهوب الكلاكس نام ومش عاوز يشتغل تانى أستنيت شوية لغاية عزبة النخل لقيته أشتغل !!
تانى يوم مش عاوز يشتغل نزلت فتحت الكبوت وفكيت الفردتين اللى موصلين للهورن وركبتهم تانى أشتغل حلو !! تانى يوم مش عاوز يشتغل !! كشفت على الفيوز لقيتهم كلهم تمام !! عملت نفس الحركة القديمة فكيت الفردتين من الهورن وركبتهم تانى أشتغل !!
مش عارف بكرة الوضع هيكون أيه ؟ هيشتغل ولا لأ ؟
ياترى أيه السبب ؟

[Land_Cruiser]

احتمال تكون البطاريه هى السبب فحضرتك حاول تكشف على البطاريه

[خالد]

النهاردة الحمد لله شغال وزى الفل !! بسم الله ماشاء الله
بس برضه هتجنن مش عارف السبب خايف يعملها تانى ! أنا كنت بخمن أن الدينامو بيودع ولا أيه ؟
وتقريباً أنا عملت حمل زائد على الكلاكس والدينامو والبطارية !!

[mrghost]

دينامّو ايه وبطارية ايه بس ?!!!!!!
ده ممكن الكلبسات عاوزه تتصنفر او فردة الكلاكس عاوزه تترجلش

[Elawany13]

عندى نفس المشكلة
لما بقرص على الكلاكس شوية بيحصل كده
فردة بتفصل وبعد شوية تشتغل تانى
العيب من الابلاتين بتاع الكلاكس
مسمار كده بتلفه بمفتاح او مفك أو بنسه
هتلاقى صوت الكلاكش اتغير واشتغل معاك
بس بعد فترة بيعطل تانى وهكذا
لما يفقد النطق هبقى اروح لكهربائى او اغيره

[burzum66634]

ممكن الكلاكس يكون محتاك كتاوت تأومة لو بأة ضعيف او بيقطع, و طول ما العربية دايرة مفيش مشاكل من ناحية البطارية دة لو انت مطمنلها و كمان لو متأكد من ان الدينامو بيشحن , كهربة الكلاكس قليلة و من لصعب انها تنيم بطارية, على ما اعتقد.

[خالد]

الحمد لله من قبل ومن بعد
وديت العربية للكهربائى وغير فردة سلك حوالى 10 سم مش ملمسة كويس والكلبسات قرص عليها بالبنسة !!! عملها فى 3 دقايق بالظبط وأخد 5 جنيه ، والحمد لله

[Elawany13]

أنا عندى نفس المشكلة وعملت اللى انت قولت عليه
يشتغل زى الفل فترة ما وتلاقيه علق تانى