مشكله فصل الكهرباء عن السياره

[aahfly]

عندي مشكله و انا ماشي بالعربيه بلاقيها بطلت مره واحده و احاول ادورها المارش شغال لكن العربيه مش بتلقت اسيبها شويه تشتغل عادي مفيش مشكله
وديتها لميكانيكي و مشي معايا و لما بطلت و كشف عليها قالي ان مفيش كهرباء واصله للموبينه او طرمبه البنزين ( رغم انها واصله للمارش و التابلوه عادي ) عشان كده العربيه مش بتشتغل و اكد على الكتاوت و الفيوزات و لما المشكله ظهرت تاني وديتها لكهربائي اكد على البطاريه و الدينامو لقاهم تمام. فمش عارف ممكن يبقي ايه اللى يسبب المشكله دي ؟!!!

[akmm]

متابع ..............

[alking_2006]

متهيألى الكلام دا بيحصل علشان البوبينه بتسخن اوى و انتا ماشى فبتفصل و فى الحالة دى يبقى العيب فى البوبينه

علشان تتأكد
لما تعمل كدا معاك تانى هات فوطة مبلوله و اعصرها و حطها على البوبينه علشان تبردها و جرب تدور
لو دارت يبقى كدا المشكلة فى البوبينه

[akmm]

اكيد صح ولاايه ؟؟؟

[aahfly]

اكتب نوع العربيه والموديل

عربيه فولكس بوينتر موديل 2005

[aahfly]

متهيألى الكلام دا بيحصل علشان البوبينه بتسخن اوى و انتا ماشى فبتفصل و فى الحالة دى يبقى العيب فى البوبينه

علشان تتأكد
لما تعمل كدا معاك تانى هات فوطة مبلوله و اعصرها و حطها على البوبينه علشان تبردها و جرب تدور
لو دارت يبقى كدا المشكلة فى البوبينه

هوه الكهربائي قالي الموبينه فعملت موضوع الفوطه دي عنده مشتغلتش برضو
فقالي كده يبقي الموبينه و المشط فمحتاج تغير اسبراتير كمان
فبصراحه مستحرم اغيرهم و متبقاش فيهم المشكله

[samykhafagy201]

شوف طبلة الكونتاكت
عشان نفس اللى انت بتقولة كان عند زميلى في الشغل
ودوخنا كلنا معاه ومع الصنايعيه
لحد كهربائى شاطر ما اكتشف الحكاية دى
ومن ساعة ما غيرها والمشكلة انتهت
العربية رينو رينبمو بس ما اعتقدش نوع العربية يفرق معاك في حاجة بس للعلم فقط
وربنا يحلها من عنده

[aahfly]

شوف طبلة الكونتاكت
عشان نفس اللى انت بتقولة كان عند زميلى في الشغل
ودوخنا كلنا معاه ومع الصنايعيه
لحد كهربائى شاطر ما اكتشف الحكاية دى
ومن ساعة ما غيرها والمشكلة انتهت
العربية رينو رينبمو بس ما اعتقدش نوع العربية يفرق معاك في حاجة بس للعلم فقط
وربنا يحلها من عنده

ايه هيه طبة الكونتاكت و اعرف منين انها هيه مصدر العطل ولا لا ؟

[samykhafagy201]

مكان المفتاح اللى بيدور العربية
فيه توصيل دائرة الكهرباء لتدور السيارة او تتوقف عن التشغيل
ممكن يكون فيه مشكله اوتالف فالسيارة تتوقف بدون ارادتك
او لاتقبل ان تدور ( بالرغم من ان المارش يدور بكفاءة )
وربما ( في بعض الحالات ) لاتتوقف حتى عند ادارة المفتاح لايقاف المحرك
والكهربائى الشاطر بيعمل اختبار انة بيوصل اسلاك خارجية ويقولك جرب
لو المشكلة ما حصلتش يبقى طبلة الكونتاكت هى العيب
ولو فضلت المشكلة زى ما هى
يبقى حاجة تانية وما يزال البحث جاريا

[akmm]

لسه متابع ...............................

[هيثم الدسوقى]

كنت بتحصل معايا و دوخت عليها وفى الاخر اكتشفت ان الارضى مش متثبت كويس فى العربية

[Rafek Orbit]

حصلت معايا فى عربية لادا وطلعت عينى وعين الكهربائية وما حدش عرف السبب .. بالصدفة اكتشفت ان فيه كتاوت للكونتاكت وكان فيه مشكلة فكان بيعلق فيفصل ولما اخبط عليه يشتغل تانى وتدور العربية .. لو نفس الكتاوت ده عندك اكشف عليه او اكشف على مفتاح الكونتاكت ووصلاته كويس لان غالبا حيكون السبب فيه

[salam]

المشكلة كانت عندى الارضى سنفرة كويس وماء ساخن على الكابلات
واتحلت العربية والحمد لله

[moshradiase]

حل مشكلة انقطاع الكهرباء تماما او جزء منها فى اى سيارة

حبيب قلبى لا تقلق من اى شى الحل بسيط جدا وبجد كان بعد تعب وارهاق عظيم وكلام كثير من معظم الكهربائية وكانوا تشخيصهم الدينامو ااما البطارية وكل هذا اللتشخيص خطأ

المهم علشان ماطولش عليك الحل هو تغير فيشة الكهرباء من علبة الفيوزات اللى في الطابلوه
لانها بتهرب كهرباء بمعنى انها شوية شغالة وشوية تقطع تانى .......


مع كل تحياااااااااااااااااتى لك وربنا يستر طريقك